部分中四中五成績差嘅同學仔,都會覺得自己可能唔適合讀書,即使強迫自己留係校園都好,都唔會有任何改變,唔想考DSE浪費金錢同時間。於是就決定去VTC讀DVE(即職專文憑)。更甚者由初中就決定捱到中四即刻逃離校園,筆者並唔建議同學咁樣做,同學仔可以同Tutor Circle 尋補一齊睇睇以下原因再作決定,切記三思而後行。

1. 讀英文係避無可避

有好多人覺得自己英文太差,係學校讀唔到書,但係,即使你讀完DVE,讀到上去其實都係要用英文讀。所以,英文呢樣野,避得一時,避唔到一世。

有咩方法可以提升英文水平?

英文讀黎讀去都唔掂?

vtc中四 - English
同學避到其他科目亦避唔過英文,始終出到去要用英文嘅機會都好大,所以即使同學去讀VTC都係要學習英文。

 

2. 你可能比考DSE嘅同學慢左一年

唔少同學仔都係中四讀左一排之後,先發現DSE呢個制度唔岩自己。但係當你想離校讀DVE果陣,就要等到下一年,亦即係話你會比人遲左一年讀書。因為只要一個高中學生考到5個2讀到HD,佢嘅讀書進度就比你快左一年。

vtc中四 - start
即使要讀VTC亦應該提早考慮,如果唔係就會浪費多左一年時間。

 

3. 唔好低估自身潛力

考慮緊轉唔轉讀DVE嘅學生,今年可能十六歲都未有。點解要咁快話自己讀唔好書?DSE可能真係唔係一個好嘅讀書制度,但係從來都無制度係為一個人而度身訂造。

vtc中四 - potential
同學呢一刻覺得自己讀唔到書可能係太早妄下定論。

 

4. 咁快決定自己做邊行?

有人讀到上大學,先至發現自己想讀果科原來唔係好似自己諗咁樣繼而quit u。亦有人出到黎做野先發現自己唔岩果行而決定轉行。中四左右嘅學生,其實好難決定到自己真正想讀啲咩,想做啲咩。

 

總結

放棄完成高中課程轉讀VTC係一個好重大嘅決定,同學真係要諗清諗楚先好做決定。無論點都好,只要目標明確,及早規劃,行行都可以出狀元!

 

【延伸閱讀】中三選科出路 文理商全攻略

【延伸閱讀】【勵志故事】HKESE 香港自由工作平台的成立緣由

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

分享俾你嘅朋友喇!

Comments

comments