唔少大學文科生(Bachelor of Arts),都會視考公務員為畢業工。但係除左公務員呢條路之外,亦都會好多人考慮升讀PGDE(即係平時講嘅教育文憑),尤其是主修中、英文嘅大學生。讀完再讀,未教到書前事先自己都要死讀爛讀一大輪先,PDGE係咪是但點讀都得?今日等Tutor Circle 尋補話你知PGDE點讀啦!

1. 簡介

PGDE全寫係Postgraduate Diploma in Education,中文為教師教育文憑。現時係八大入面有四間大學開辦教育文憑課程:
香港大學(HKU)、香港中文大學(CU)、
香港浸會大學(BU)、香港教育大學(EdU)。
而自資院校則只有香港公開大學(OU)開設呢科。
而五間大學每年嘅收生日期最早係秋天(OU),最遲就大約係1月尾2月。
所以有心報教育文憑就要盡早準備好啦。

pgde點讀 - ou
五間院校中以香港公開大學(OUHK)的收生時間最早。

圖片來源:The Open University of Hong Kong – OUHK

 

2. 全日/兼讀制之分別

2.1 畢業所需時間

全日制學生修讀一年即可畢業,而兼讀制學生就要讀兩年先可以畢業。要特別留意嘅係,兩者嘅學費係近乎一樣/一樣嘅,亦即係話讀兼讀制係要比兩倍學費。

pgde點讀 - fee
有意讀PGDE嘅同學可以因應學費考慮而決定讀全日制/兼讀制。

圖片來源:overseahub.com

2.2 入學資格

大部分科目只需要有認可嘅大學學位就可以申請,但係有啲科目,例如語文科,如果你大學並唔係主修、英文科,其實成功讀到語文科教育文憑嘅機會會低好多。除非你個人能力真係極之傑出之餘,你果年嘅申請者亦都較弱。而兼讀除左持有認可大學學位外,假若你係學校擔任有關教學嘅職位,亦都可以申請兼讀制PGDE。

2.3 實習

所有PGDE學生均需要完成實習。透過認可學位入學嘅學生就會由校方安排實習。而透過兼讀制且透過教學職位入學嘅話,就必需係取得你現時任教中嘅學校校長嘅同意信之後,佢就要係果間學校到實習。

pgde點讀 - internship
完成實習係讀PGDE畢業嘅requirement之一,而全日制同兼讀制嘅有少少唔同。

圖片來源:Medium

 

3. 筆試

筆者參考左網上資料後,以中大英文科嘅筆試比大家作參考用。基本上筆試分為三部分:
1.Listening (聆聽),
2. Reading Comprehension (閱讀理解),
3.Grammar Error Identification (辨別文法錯誤)
第一部分嘅聆聽係考MC,錄音中人物有4個(2016年),而語速會比較快。
第二部分嘅閱讀理解都係考MC,難嘅地方係題目每個選項都好似,同埋好考logic。
第三部分嘅辨別文法錯誤,考生係呢一部分亦都閱讀一篇文章,然後係唔同行數入面辨別錯誤且改正。

 

總結

最後筆者想講嘅係,雖然入讀PGDE好難,但讀完之後搵到一份長工更難。筆者聽聞唔少人讀完教育文憑之後,比學校拖左幾年都做唔到正式老師。結果人到三十,事業都仲未起步。所以唔係熱心教學嘅人,就真係要三思而後行。

 

【延伸閱讀】文憑教師 – 即使日日都見,但你都可能唔知老師之間嘅Ranking

【延伸閱讀】大學文科生說出路,大概都是冒著變成乞丐的風險入讀的

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments