Ocamp又就黎到啦!唔少Ocamp嘅OC搞手都會四出搵Ocamp Sponsorship中介去睇下條list嘅公司有咩package,搲下清潔用品同嘢飲嘢食,搲得夠多嘅話都會為成個ocamp增添唔少色彩。Tutor Circle尋補為大家準備左2019 Ocamp 搵Sponsor嘅貼士,希望幫到大家搵多啲Sponsor,為成個迎新營留下美好回憶!

Ocamp Sponsor - 新垣結衣
唔少中學生都對ocamp十分好奇,OC們緊係要準備一個出色既Ocamp比佢地體驗下啦!

 

1.選擇handle到既Sponsor package

唔少大學生搵贊助嘅時候,都會遇到同一個問題,就係啲tasks好麻煩!有機會要申請信用卡、化身sales推銷貨品、有時仲可能要迫你同佢公司買一定數量嘅貨(訂camp tee)。明明搞ocamp嘅目的係為左令一班freshmen開開心心,OC爸媽之間留一個精彩嘅回憶,而家變左要跑數,真係睇見都唔開胃!所以一定要揀一啲自己能力handle到,又唔好太過hard sell嘅Sponsor計劃,以免影響左成個camp嘅氣氛,其實搞咁多嘢r sponsor都係想大家投入啲同開心啲姐,千祈唔好本末倒置左。

ocamp sponsor
選擇Sponsor嘅時候要睇清楚要做咩tasks。

資料來源:十六茶x新垣結衣

Tutor Circle都有為Ocamp準備左唔同嘅Sponsor Package,毋須跑數,毋須訂貨,保證容易攞!

WhatsApp查詢Sponsor

 

2.準備proposal

要搵Sponsor,如果係直接同公司去傾嘅話,當然就需要準備一份完整同formal既proposal啦,咁樣除左比人一種你地支莊處事認真嘅態度之外,仲可以比對方了解你對sponsor嘅期望,如果唔係大家憑空去傾都幾浪費時間㗎!仲有好重要一點,proposal入面唔好剩係掛住寫你地想要啲咩,最重要係話到比人知,你地可以提供到啲咩比人,咁先說服到人地同你地合作㗎嘛,咁當然大家嘅交換條件要合理,例如你想收人幾千蚊sponsor,無理由印個公司logo係營刊同再拉下公司banner就算㗎?

ocamp sponsor - 認真做事
努力造好proposal可以比人感受到你認真嘅態度。

資料來源:日劇 Legal High 律政狂人

3.同莊員溝通好

除左同外面公司去溝通,內部溝通都非常重要!一支ocamp大大小小,多嘅可能有過百人,少嘅都有十幾人,好多時去搲Sponsor都係派單人匹馬去應戰㗎咋嘛,但係你一個人同咁多間公司、中介去傾,一定有好多唔同嘅package同種類,如果你派出去既宣傳次次都將sponsor嘅package send返比大家,又問下呢個得唔得,嗰個得唔得,剩係投票都嫌煩啦,所以大家莊員事先一定要有良好嘅溝通,set好一啲原則底線,好似:

  • 跑數sell嘢就唔要
  • 多個$500按金就唔要
  • 訂ocamp tee就唔要
  • Facebook like, Instagram follow就唔要

咁樣大家起碼事前有共識,每樣嘢個flow都去得快啲,唔係剩係話sponsor。

Ocamp Sponsor - 蘇維拉莊園
莊員之間溝通得好,誤會自然少。

資料來源:蘇維拉莊園

 

仲記唔記得自己當初點解想上莊?

重拾初衷

 

4.對Sponsor公司保持良好態度

外部溝通同樣重要,係直接影響到出面嘅公司點睇你地成支ocamp莊,甚至係你嘅學校、學院、書院同埋系。首先,講嘢嘅時候要注重語氣,一定要有禮貌,唔好覺得人地比Sponsor你係老奉咁樣,你係人地心目中嘅印象差,人地有機會唔同你合作,同埋如果人地比啲奇奇怪怪嘅sponsor你嘅時候你可能就要諗下你平時係點同人講嘢啦!

Ocamp Sponsor - 良好態度
用良好態度對人,人地自然會好態度對你。

 

5.好好規劃點完成tasks

最後一點,亦都係最容易忽略嘅一點,大家成日ocamp入面辛苦左好耐,啲工作終於完晒,可以返屋企抖下,Sponsor嘅tasks就已經忘記得一乾二淨。要知道承諾嘅每一個tasks代表左他人對你地嘅信任,你接受左sponsor就應該要負返起責任!好多tasks好似影相、派products都需要係camp進行中先做到,如果冇好好規劃嘅話咁9成機會都完成唔到tasks,所以一定要將每一個tasks都分好晒係咩時間做,當然要揀一啲對成個活動影響最少嘅做法,例如係影完大合照之後,再影拎住product嘅大合照,咁樣就唔洗所有人特登出黎影多次啦!

Ocamp Sponsor - 活動企劃五力
要搞一個好嘅ocamp,一定要注意到唔同嘅細節。

資料來源:1111人力銀行

小結

小編自己都有玩過幾次Ocamp,明白搞Ocamp當中係會有好多挫折同問題要處理,但就係呢啲嘅經歷令到我地成長,Sponsor只係成個camp嘅一部份,要搞好一個ocamp點可以剩係得sponsor咁簡單?為左令各位有更加多嘅時間去專注處理其他ocamp嘅問題,Tutor Circle尋補準備左唔需要太費時嘅Ocamp Sponsor Package比一眾大學生,希望大家能夠更專心搞好ocamp,比freshmen同各位OC爸媽留低一個美好嘅回憶。

WhatsApp查詢Sponsor

 

 

【延伸閱讀】【O camp 過後…】單身迎新營 孤獨Ocamp的慘痛經歷

【延伸閱讀】《大學一件事》 大學必做,唔想4年冇運行就要記住

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments