成日聽人講Mphil, PhD佢地好似好勁咁,但其實又知唔知係咩黎?佢地其實又有咩唔同?Mphil中文名為研究碩士,又叫哲學碩士;PhD中文係哲學博士,中文名有哲學兩個字,係咪即係哲學家?今日筆者就簡單咁為大家掃一掃盲,同Tutor Circle 尋補一齊探究下Mphil同PhD有咩分別。

1. 何謂Mphil

哲學碩士,可以叫做PhD前嘅過渡時期,英文全寫係Master of Master of Philosophy。雖然都係叫碩士,但佢地其實同普通嘅Master唔同,Master嘅畢業要求只係完成課程。而Mphil除左要完成課業外,仲包括要研究佢地所屬範疇嘅知識(最常見嘅形式係寫論文),甚至有可能要擔任tutor,去教一啲freshman嘅course。要教書有好有唔好,一方面佢會令Mphil少左研究時間,但另一方面佢地都可以賺到生活費,香港黎講一個月佢地嘅人工就大約$16000。當然,要做咁多野,佢地嘅含金量比一般master高好多。

mphil phd 分別 - mphil
Mphil同其他碩士課程唔同,當中需要進行研究或教學。

圖片來源:IndCareer.com

 

2. 何謂PhD

哲學博士,屬於最高級別學歷,英文全寫係Doctor of Philosophy,性質同Mphil大致相近。
唔同嘅地方有:
一、佢地唔需要再上堂
二、讀得比Mphil耐,需要讀三年(Mphil只需一至兩年)
大部分人需要讀Mphil再上PhD,但亦有小部分精英可以直接被取錄成PhD(唔計一年畢業果啲比錢買學歷嘅大學)。

mphil phd 分別 - phd
PhD係博士學位,性質與Mphil大致相同,但需時較長。

圖片來源:The ResearchHUB

 

3. Mphil一定升得上去PhD?

雖然話過Mphil係PhD前嘅過渡時期,但仍有小部分哲學碩士生未能升讀哲學博士。原因係佢地發現自己原來對學術,無自己想像中有咁大興趣,所以佢地堅持唔住長期兼顧學業、研究、教學,三方面嘅壓力。第二個原因係同「老細」關係唔好,「老細」即係負責果位Mphil學生嘅PhD professor。如果「老細」對你有咩意見嘅話,想升做PhD都幾難,所以話做學術都可能要識擦鞋。第三個原因係真係能力唔夠,兩年內研究無咩進展所以升唔到。

 

4. PhD一定好啲?

未必,PhD只係係學術界上搵工有優勢,但係依家博士生已經好難搵到穩定嘅教職。所以搵非學術界嘅工黎講,Mphil反而會更有優勢。甚至有人會笑讀PhD係Permanent Head Damage,即係傻嘅先會讀(因為花費時間之餘反而賺少左錢)。

mphil phd 分別 - phd
有人笑稱PhD係Permanent Head Damage,永久性腦部創傷。

圖片來源:Amazon.com

 

【延伸閱讀】讀master有冇用 ? – 一文簡單分析讀碩士利與弊

【延伸閱讀】first hon 畢業 – 爆四能否爆出康莊大道?

 

總結

最後,哲學碩士/博士不代表佢地讀哲學,個名有哲學係因為學術界認為「哲學是科學之母」。

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

分享俾你嘅朋友喇!

Comments

comments