相信而家嘅新一代,已經好少會睇電視,取而代之嘅係用各種電子產品,瀏覽各式各樣嘅社交平台,例如FacebookInstagramSnapchat等等,其中Instagram(IG)就係最多人玩日碌夜碌嘅平台

有見及此,商家亦開始捉緊商機,尤其係針對年輕一代嘅產品服務,集中晒係FB,IG呢啲平台賣廣告,因而延伸出新嘅現象 —尋補Tutor Circle今次講下KOL。

KOL(Key Opinion Leader)同埋Micro-influencer

所謂KOL,應該大家都聽好多,全寫係Key Opinion Leader,中文係“關鍵意見領袖”,泛指果啲係IG FB好多followers,甚至有“fans”會追隨佢哋,對大眾有一定嘅影響力嘅人。

宜家嘅公司就係鍾意搵呢啲KOL幫手賣廣告,行內通常叫業配/工商合作,所以好多時係IG見到呢啲KOL話咩“推介”“好用”,自己就要留心分辨究竟係真心推介,還是只係收左錢賣廣告喇!但由於KOL賣廣告呢件事已經街知巷聞,效果大不如前,所以又出現左一批新起之秀 —Micro-influencer

Micro-influencer(MI)係啲咩?中文通常叫“微網紅”或者“素人”係講緊一啲比KOL少followers,但係係自己嘅圈子裡都有啲名氣嘅人,MI嘅出現係因為啲人已經睇厭左KOL嘅廣告,廣告嘅效益大不如前,所以就向另一班人下手,呢堆MI最大嘅優勢就係比較“貼地”,Followers主要以朋友為主,搵佢哋賣廣告嘅感覺會冇咁hard sell,亦會比較易令人接受。

MI宜家已經係十分普遍,如果有一日你嘅IG女神拎住盒mask,caption寫話好好用 真心推介,

碌多兩個post又有同一盒mask出現,你無須覺得驚訝,至於要唔要follow佢,或者買佢“推介”嘅產品試下,就自行判斷喇,有時候賣廣告嘅產品唔一定係唔好嘅。

 

【延伸閱讀】Youtube 賺錢 – 我要做個YouTuber!年薪百萬不是夢?

【延伸閱讀】KOL 好做?|唔洗做有錢收? 係咪真係咁正?

 

此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments