從前係數學堂聽得最多既就係「究竟我學呢啲黎做乜?」當大家一片迷茫,戇居居望住啲題目發呆嘅時候,我決定要帶各位迷途小羔羊,走出呢個困局!DSE數學卷二只得短短嘅75分鐘,但係就有足足40題MC要做。唔好以為有得揀會易啲,反而選擇題會更多tricky位,更多疑似答案嘅choices,更難更複雜嘅圖!以下等我同Tutor Circle 尋補一齊同大家分享幾個攻陷MC嘅招數,各位乖學生切勿隨便模仿。

1. 倒sub答案

做MC最大嘅好處之一就係有得比你揀,有時遇到啲水蛇春咁長嘅題目,看似複雜但其實有數得sub嘅,仲唔拿拿淋用無影手篤一篤,即刻試到個答案出黎,今次仲唔比我反其道而行之,成功極速攻下一題!

DSE Maths - yes
既然題目比咁多個答案我揀想跣我,一於反其道而行之!

(圖片來源轉自網上)

 

2. 自訂variable

有時遇到啲有未知數嘅題目,xyz sin cos tan叫你調黎調去,又simplify;又factorize;又change subject咁,大佬啊家陣真係好多時間咩!呢個時候我就會自己作左variable出黎sub入題目度禁一次抄低答案,再以直覺搵出合眼緣嘅選項,試到搵到答案為止!

DSE Maths - Ariel
遇到要處理多個未知數嘅題目,可以自訂variable計個實數出黎。

(圖片來源轉自網上)

 

3. 善用formula同program

學識點用cal機裡面內置嘅formula就唔再講啦,除此之外都唔好唔記得你部cal入面係有4個program嘅位架!!!呢4個program位對做MC黎講確係十分之重要,坊間亦流傳緊唔少秒殺MC嘅program,大家得閒就記得入定幾個旁身喇,記住入完仲要練習下先可以將佢地發揮到淋漓盡至!

點解我已經背熟晒啲公式但係都唔識做嘅?

夾硬記唔識運用都冇用

DSE Maths - yeah
善用資源入定program落cal機度,有啲題目篤兩篤就有答案。

(圖片來源轉自網上)

 

4. 拎graph paper畫圖

唔知大家知唔知道,除左加紙拎單行紙之外,考場亦有提供graph paper比大家架。做MC遇到圖形問題,快手拎張格仔紙畫返個啱比例既圖。記住千祈要係啱!比!例!咁樣我地就可以靠手上既圖,直接係幅圖度拎information喇!

DSE Maths - graph
利用graph paper畫岩比例嘅圖,可以拎更多嘅information,慳番好多時間。

(圖片來源轉自網上)

 

5. 大絕:分佈的秘密

根據多年嘅觀察同分析,每一年數學MC嘅答案都係平均分佈架。45題4個選項 姐係每個選項11題再加1題random,當以上既秘技都救唔到你嘅時候,唯有skip左佢先,做晒再返黎睇下邊個choice少左,如果你最後check卷既時候發現某一個選項多好多,咁就真係返兜要check check佢喇!因為公平性嘅考慮,考評局係唔容許有人撞晒同一個而僥倖高分!

DSE Maths - secret
真係去到最後冇計可以數下啲choice係咪平均分佈。

(圖片來源轉自網上)

 

總結

係度都祝返大家DSE順利~呢啲不正確嘅小技巧留返真係唔識嘅時候用就好喇,仲有時間嘅話梗係認真學習,所謂「一理通百理明~明白了計算可變簡單~」數學卷就係考驗大家變通嘅時候喇!

DSE Maths

(圖片來源轉自網上)

 

 

【延伸閱讀】議論文 – 如何運用例子、寫好首尾段?只知論點論據論證?

【延伸閱讀】DSE CUT OFF – 中六學生係時候按CUT OFF調整考試策略

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments