DSE作為香港嘅公開試,每年有數以萬計嘅學生為自己嘅未來步入考場,係呢個情況下,自然就有好多人同分,咁究竟,係同分嘅情況下,邊個先可以突圍而出,入到心儀科目呢。Tutor Circle尋補教你計分

1. 就算無加權,英文都可能係最重要嘅科目

第一屆文憑試有傳聞話指中英文加埋無8分就好難入大學,

咁當然,依家好多科,

好似Engine咁已經打破呢個傳聞;

而好多院校都唔太重視中文科,

但係咁樣都唔足以忽視英文嘅重要性。

即使部分科目無列明邊科有加成,

係面對兩個同分嘅考生嘅時候,

撇除其他因素,

英文科取得較高分嘅考生好多時都會有優勢,

(例如: 45*4443>534454)

主要原因係大學係教學語言主要係英文,

學生英文差明唔哂教授講咩嘅話,

係學習上就有好大困難。

除左聽之外,講都係好重要

用英文講番十幾分鐘其實係好正常嘅事。

而睇番英文較好嘅學生,

無論係溫書,做功課黎講,

效率都會快好多,

咁自然成績都會好好多。

所以,英文水平高而佔優唔係無可能嘅事。

留意番以上並唔係官方講法,

請大家自行判斷。

 

dse計分 1
英文係咪重要?

2.相關科目優勢(無加權)

有部分大學科目,好似BBA咁,

雖然係商科,

但係無咩大學對高中商科有加權。

但當同分果陣,

如果一位學生有讀商科,

一位無嘅話,

邊位有優勢相信大家都心裡有數。

而大學第一年都好有可能讀番高中相關科目嘅知識,

所以高中有讀相關科目嘅話,

其實就已經領先左其他學生好多,

係學業上就比較容易拎到高分。

咁呢個因素就唔係絕對嘅,

純屬個人推測。

dse計分 2
相關科目

3.相關科目優勢(有加權)

如果考生有讀同大學科目相關嘅科果陣,

係加權上黎講會有絕對差距。

例如科大生物科技與商學系

會將英數乘2,生物乘1.5。

咁英數叻又有讀生物嘅同學,

自然就係分數領先好多。

呢部分相對簡單,

相信大家都好清楚。

dse計分 3

4.面試

重排Jupas幾日後,

有d考生可能就要面試。

所以果排就一定要留意電話同電郵,

唔好錯過任何野。

面試黎講,

部分科目會interview哂所有報名學生;

有d就只會interview擺係 Band A嘅學生;

但有d科亦都會淨係interview較低分嘅學生,

而較高分嘅學生就直接取錄。

所以考生有責任檢查,

自己報讀果科有無面試。

如果有嘅話就好做好準備。

自我介紹;

小組討論;

報名果科嘅科目綱要;

有咩想問interviewer,

都係必須準備嘅範疇。

dse計分 4
面試

dse計分 4dse計分 4

5.OEA, SLP

如果計算哂以上所有因素,

都未能選出較佳考生,

咁OEA, SLP可能係最後篩選嘅方法。

甚至可能有d科目會好重視OEA同SLP,

佢地亦都有機會由兩樣野睇下學生入學嘅誠意。

假如你無用心做OEA同SLP嘅話,

就要諗下咁樣你會有咩劣勢。

因為其他考生擺多左時間係呢兩方面到,

但佢地又可以考到同分,

咁就自自然然有優勢啦。

當然,唔排除有部分科目會是但睇,

甚至睇都唔睇OEA同SLP,

而將DSE分數擺第一位,

畢竟考試先係真正分高下嘅地方。

 

最後想講嘅係,

無論係任何jupas排位講座,

抑或係呢篇文章,都只係參考用。

最後決定排位嘅時候,

請DSE考生自己做最後決定,

因為呢個決定對你嘅未來有好大影響。

另外,入左大學發覺果科唔岩讀而quit u重讀/重排jupas並唔係咩新鮮事,

最重要係決定好自己嘅人生。

 

【延伸閱讀】考完DSE係屋企「回血」嘅三個方法

【延伸閱讀】中六畢業出路 指南針

 

此文章純屬 Blogger 個人分享,並不代表本網誌立場。


 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

分享俾你嘅朋友喇!

Comments

comments