Engine入面,最搶手嘅其中一個major,一定非Civil莫屬。Civil係乜?Civil Engineering,中文名土木工程,負責所有同人類居住地方有關嘅野,包括設計、建造、維修。簡單啲黎講,常聽嘅就係起橋、起樓、水管等等。例如港珠澳大橋同三跑呢啲基建就好關Civil事喇。咁讀civil係咪淨係得工程師呢條路揀呢?等Tutor Cirlce 尋補話你知仲有咩出路啦!

1. 考牌做工程師

土木工程嘅畢業生可以一grad就去考牌,而土木工程係有分開三個牌嘅,分別係土木、結構同岩土:

  • 土木:主要係起橋起路起隧道,合格率最高,主要係視乎政府多唔多基建項目。
  • 結構:主要係講建築物結構,力學方面嘅野,計數較多,合格率中等。
  • 岩土:主要係開挖擋土牆等等,合格率最低,因此亦都最值錢。

考到牌之後就有個專業嘅註冊工程師資格喇!但一畢業就考牌其實有啲難度,通常都會出黎做住野一邊做一邊學,再準備考牌。

civil engineering 出路 - CEng
Chartered Engineer(CEng)英國特許工程師係最高嘅專業資格肯定。

 

2. 政府見習工程師

政府每一年都會請見習工程師,並且提供全面嘅培訓,土木工程拓展署舉辦嘅見習土力工程師培訓計劃包括以下幾個部分:

  • 六個月在地質、場地勘探及試驗所測試方面的專題培訓;
  • 十二個月地盤經驗;
  • 十二個月辦公室設計經驗; 及
  • 六個月更深入的技術及管理責任培訓(可能需要到國內政府機關作實習)

完成計劃後去考牌,得左嘅話就好大機會可以正式入政府搵食,搵到個鐵飯碗喇!

civil engineering 出路 - scheme
政府每年都有見習工程師計劃,幫助各位fresh grad考牌。

 

3. 政府相關工作

就算入唔到上面所講嘅見習工程師計劃,香港有咁多基建項目,係呢方面亦都好需要人手,所以政府定時都會請技術主任、監工等等,又或者可以加入政府做一啲同基建相關嘅文書工作,雖然前景未及見習工程師計劃咁好,但都不失為一份好工嘅。

civil engineering 出路 - gov
入唔到見習工程師計劃都可以加入政府做其他相關工作。

 

4. 顧問公司

顧問公司主要嘅業務係設計較多,例如村入面嘅丁屋咁,好多時都係搵呢啲私人嘅顧問公司去做設計同埋做工程。又或者好似早前年鬧得好大件事嘅僭建物風波,主動申報嘅時候需要填好多資料,或者唔肯定自己屋企嘅算唔算係僭建物,都可以搵顧問公司幫手。而顧問公司嘅工作大部分都係比較理論性,比較適合fresh grad嘅去做,因為出黎浸左幾年之後好多時嘅concept已經忘記晒。

civil engineering 出路 - consultant
入顧問公司坐office嘅機會會比較多,多數做設計方面。

 

5. 承建公司

如果你唔係咁中意坐office嘅話,入承建公司可能會比較適合你啊!土木工程係畢業生入承建公司,好大機會係要管理地盤現場嘅文件同環境,會落手落腳踩上地盤,而且會較多機會同人打交道,而唔係一味係office度對住部電腦計數畫圖。但係入承建公司嘅話比較難考牌,因為缺乏全方位嘅培訓,通常都只係會去考土木牌。

civil engineering 出路 - site
承建商嘅落site機會較多,較常同人打交道。

 

6. 地產發展商

年年都有新樓盤推出,私樓、豪宅,咩都有。因此私人發展商都需要好多呢方面嘅人才,而加入發展商嘅方向比較多,可以睇返自己對邊一方面有興趣,例如中意設計畫圖嘅可以搵返同設計有關嘅,中意落地盤實戰同人打交道嘅可以搵返同前線相關嘅工作等等,發展嘅路向更加闊。

civil engineering 出路 - developer
私人發展商年年有樓起,唔同方向嘅工作都有。

 

7. 大學教書

唔少大學教授都係出黎做左幾年野之後,發現唔想再過朝九晚六,日日如是嘅重覆生活,結果重歸校園,繼續深造,之後更加留係大學發展,傳授知識,又有另一番嘅滿足感。係社會大學浸過幾年,甚至十幾年,有更加實戰經驗同實例,上堂亦可以同學生分享下外面嘅世界係點,話唔定係你想行嘅路呢!

civil engineering 出路 - professor
做左幾年覺得工作環境唔岩,想回歸校園亦可。

 

小結

行行出狀元,無論你投身邊行,只要係自己喜歡嘅就得啦。亦都唔好比學科限死,讀土木工程冇話一定要考牌或者做工程師就叫岩,大把人出到黎從事一啲同以前讀嘅科目毫不相關嘅行業~

 

【延伸閱讀】Engine讀咩- 剩係讀想讀既野就夠?工程學系3大範圍

【延伸閱讀】【生物醫學工程出路】新興行業係香港有咩工種可以揀?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments