生物醫學(Biomedical Science),屬於應用科學,將生物、人體病理、藥理學、細胞基因學等等既理論,應用係clinical既層面,實踐係醫學上面。咁Biomedical Science係香港呢個唔太重視學術既地方有咩出路呢?Tutor Circle尋補今日就同大家睇下Biomed呢科,希望幫到各位係大學揀科既時候了解多啲。

有咩學科開biomed

香港暫時只有Kong U,City U同CU有開設相關Degree課程,Poly都有開一科Medical Laboratory Science,分別就係Poly個一科係屬於一科專業,一出到黎就會有MLT(醫務化驗師)既牌,Kong U同CU就偏向學術性,適合行做research同從事研究工作既path。

讀完可以學到啲咩?

biomedical science 出路

要講出路,要人地請你,最重要都要睇你有咩能力,根據HKU Biomedical Science既講法,學生會有大量關於醫學理論同實踐既基礎,可以幫到你第時做研究,同埋更快掌握到唔同醫學範疇既知識第時可以從事唔同方面既醫學工作,包括管理、project management等等。

而CU Biomedical Science就話,學生除左會培養到專科既知識之外,係價值觀、道德批判、創意同埋實踐方面都可以帶黎正面既影響,聽落好似幾勁,但係香港社會又接唔接受呢一類既人材呢?!

 

職業出路

1.醫務化驗師 Medical Laboratory Technician

biomedical science 出路

醫管局、公營醫療機構、私人企業等都需要大量化驗師,職責主要係檢驗人體組織、血液、尿液等,應用係clinical既治療或者研究上。醫管局既MLT起薪點係2.4萬,係一個好大競爭既職位,Poly畢業就可以直接去報呢方面既工作,但係Kong U同CU就要去考由香港醫務化驗師管理委員會發出既牌,先可以從事相關行業。

 

2.研究助理 Research Assistant

biomedical science 出路

好多人聽到RA就會覺得好唔掂,幫個教授執頭執尾,做埋啲雜差同routine野,搵下資料,抄下野,影印下就一日。事實可能係咁,但值得一提既係RA其實係大學入面做,人工唔會太差,點都有1.5k,而且仲可以有時間做research相關既工作,仲可以跟住教授搵食,係學校或者學術界建立人脈,方便第時從事返學術研究既工作,第時再去讀Master或者PHD既課程,行學者呢一條路,或者咁講,RA只係一個踏腳石。

3.Medical Technologist

biomedical science 出路

呢份工係外國同大陸都係一份幾吃香既工種,尤其是內地政策方針專攻緊「大健康」,對生物科技人材既需求自然愈黎愈多。MT(Medical Technologist,唔係Management Trainee)主要職責就係將生物同醫學既理論實際咁應用係clinical既層面上,去做分析同埋研究,聽落好似簡單,但其實MT既工作量極大,因為面對既case非常複雜,已經有啲似走緊學術個條路。

 

4.唔同方面既專職醫療職系

有啲似online game既二轉咁,Biomed係醫學知識上建立左知識基礎,但實際上並有對邊一科有太深入既認識,都候乏有相關工種既經驗。所以如果要從事醫療相關既專業,一一要自己再進修,例如好似獸醫物理治療師放射治療師臨床心理家、牙醫等等,可能要花多3-5年時間再去學返專科既野。

讀過biomed係完全有應力應付呢邊面既second degree,有人就話啦,嘩,咁我讀呢幾年黎做咩?其實做研究同真係醫人,係完全兩回事,所接受既教育都好唔同,biomed比較著重研究技巧同理論較多既領域,不過你係研究學到既野一定有利你讀關於醫療既課程。

 

5.科學主任(醫療) Scientific Officer

屬於政府職系,亦都係一科對於理科生相當搶手既科目,主要係係衛生署到做,負責

(a) 督導和訓練醫務化驗員職系人員;
(b) 支援醫學遺傳化驗室的一般管理工作、確保化驗質素、發展新的化驗方法和執行實驗室安全法則

都算係一份相當穩定同舒服既工作,薪酬中位數接近$80,000。

 

6.做LAB Lab Assistant

biomedical science出路

其中一份比香港人認為係好霉既工作 — 做LAB!!點解?因為做lab人工低、工時長、工作重複,最重要係冇乜晉升機會同加人工既可能,起薪點分分鍾連10k都冇呀!讀咁多書,學咁多理論,做咁多研究,仲要日日OT,捱到周身病,出到黎人工竟然仲低過做餐飲、sales!所以好多人都只會將Lab Assistant視為踏腳石,長做既人實在少之有少,不過都不失為理科生既其中一條獨特出路。

 

總結

biomedical science 出路

雖然生物科技係全世界都成為一個好熱門既topics,應對人口老化既問題同埋慢性疾病既普及,但係香港實在唔係一個好適合科研、學術既城市,如果對呢方面有理想,不妨離開香港,返大陸、去美國,個到既水平同支援都會更加有條件比你去追夢。不過香港都有一啲科學相關又好好pay既工作既!

 

【延伸閱讀】地理與資源管理學 出路 – 香港容得下知地理的人嗎

【延伸閱讀】Science 出路 – 水泡科一定前路茫茫?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments