You are currently viewing 【大專生貸款】大專生想借錢有咩選擇?

【大專生貸款】大專生想借錢有咩選擇?

  • Post author:
  • Post category:小編分享
  • Post published:2020-06-16
  • Post last modified:2020-06-16
studentconversion
tutor registration

十個有九個讀大專嘅學生,之所以揀讀大專,都係希望大專畢業之後可以賺取更加高嘅人工,有更加美好嘅生活。但好多時大專生都忽視左其實讀文憑本身就所費不菲,除咗固定嘅學費、住宿費等等,日常生活支出、消遣娛樂,其實加加埋埋都唔係一筆細嘅數目。所以有唔少大專生都會選擇貸款,以解決即時嘅財務問題。就等Tutor Circle尋補同你一齊睇下,大專生貸款會遇上啲咩困難,而大專生又有啲咩選擇呢?
 


大專生貸款嘅難處

大專生冇咩經驗,可以點搵外快?

圖片來源



 
大專生因為仲係學生身份,冇穩定嘅職業同埋收入,即使好多都會做兼職補習,亦難以提供收入證明,對於一般嘅銀行或者借貸機構來講風險比較高,所以一般呢啲機構未必願意為大學生提供貸款,即使願意提供呢類型嘅服務,所收取嘅利息同埋條款都會比較嚴苛,例如一般銀行提供嘅大專生信用卡,所設嘅信用限額都會比較低,以防出現欠款嘅情況,雖然咁講,市面上仍然有唔少專為大專生而設嘅貸款,可以為大專生一解燃眉之急。
 

政府貸款計劃

正常來講,大專生係讀書時期最大筆嘅使費就係學費,而政府嘅學生貸款計劃就係學生嘅最佳選擇。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

政府有為大專生提供低息貸款

圖片來源

 
 
學資處為大專生提供免入息審查貸款 (non-means)。免入息審查貸款唔需要家庭入息審查,門檻較低,只需要你係認可院校嘅全日制學生就可以申請,政府會提供貸款以協助學生繳付課程嘅學費,同學需要係畢業後分期還款,所收取嘅年利率僅為一點幾%,比起其他市面上嘅貸款化算得多。畢業後,如果大專生因為經濟困難、或重病或者因為繼續修讀全日制課程已有還款困難,亦可以向學資處申請延期還款。
 

其他貸款

用政府嘅貸款途徑,雖然獲批嘅資助比較大,但係審核期較長,所批核嘅貸款亦都只可以攞嚟交學費,唔可以用作其他目的。市面上因而有唔同嘅金融產品專為大專生而設,為大專生提供小額低息嘅貸款。

除左政府,大專生仲可以揀財務公司

圖片來源

 
有網上平台就推出還款期同埋審批期較短嘅$500貸款,唔需要真人露面,只需要喺網上繳交文件,例如身分證、學生證、銀行月結單等副本,最快可以即日審批,只要學生準時還款就一蚊利息都唔收,呢類型嘅貸款可以幫「手緊嘅」大專生應付一啲突如其來嘅支出,例如開學要買教科書,或者參加比賽需要報名費等等,一解燃眉之急。
 

借錢前先要諗清楚


借錢一定要量力而為啊
圖片來源
 
電視廣告都有講:借定唔借,還得到先好借,雖然聽落好老土,但係有冇能力準時還款就係借錢之前最重要嘅一條問題。大專生係借錢之前一定要衡量自己嘅還款能力,尤其是有好多嘅貸款計劃,為咗吸引大專生都會特別推廣每個月還款額特別低,雖然聽落比較方便低收入嘅大專生,但其實就代表成筆數拖長左來還,每個月利疊利,有排都未還晒。

總結

貸款係一個重要嘅決定,還款期可長可短,「走數」或「拖數」亦會帶黎嚴重後果,會影響同學之後嘅信用紀錄,同學下決定之前一定要諗清楚貸款背後嘅目的,問吓自己係咪真係值得:啲錢到底係為咗攞嚟去一生人一次嘅exchange,定純粹為咗打機課金呢?真係有需要先選擇貸款。
 
延伸閱讀:【海外升學】1年30萬?——2020年8個熱門升學地區開支比較
 
此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言