【眼藥水推薦】唔知用邊隻眼藥水好? 推薦遊日必買的眼藥水！

依家越來越多學生同上班族長期對住手機同電腦搞到對眼成日好攰同好乾，又或者長期戴隱形眼鏡對眼好澀好痛，係呢啲情況應該揀邊款眼藥水用呢？依家市面上咁多款眼藥水，花多眼亂，邊款又會啱你用呢？而眼藥水一向都係大家去日本旅行必買嘅藥品，有見及此，Tutor Circle尋補就為大家分享日本網友推薦必買的人氣眼藥水，等你地了解多啲眼藥水嘅品牌、價錢、種類等等。

樂敦 Lycee眼藥水（隱形眼鏡適用款）

Lycee眼藥水（隱形眼鏡適用款）係一款係配戴隱形眼鏡時都可以用嘅眼藥水，眼藥水中含有最高濃度嘅角膜保護成分硫酸軟骨素鈉，可以同時滋潤眼睛同保護角膜，另外呢隻眼藥水仲含有葡萄糖成份，為眼睛提供即時營養同滋潤功效，最重要嘅其中一個功效係可以活減輕因為隱形眼鏡鏡片引起嘅乾燥同唔舒適嘅感覺。除左可以係戴緊隱形眼鏡嘅時候用之外，無戴緊個時都可以直接使用。

用法用量：

1次1～3滴、1天使用5～6次

參考價格：

580日圓（未含稅）

評價：

Lycee眼藥水嘅包裝又時尚又可愛，深得廣大女生嘅喜愛，最重要係戴緊隱形眼鏡個時都可以用，啱哂咁多位鐘意戴大眼仔嘅女生，而且平時仲可以放係手袋或者化妝袋到。Lycee眼藥水仲有淡淡嘅香味，但係呢款眼藥水嘅涼度就比起其他嘅低，比較適合鐘意低涼度嘅人用，會無咁剌眼。如果鐘意涼度好勁嘅話，可能呢款眼藥水就未必啱你啦。

樂敦勁Z! 眼藥水

圖片來源

藥水係一款出名好清涼嘅眼藥水，非常適合需要高度專注力嘅時候使用，滴一滴包你瞬間享受清涼感就直達眼睛深處嘅感覺，維持長久保濕力。另外，呢款眼藥水都適合戴緊隱形眼鏡嘅人士使用，無論係戴硬式、軟式定係日拋型隱形鏡片，都可以係配戴時直接使用。樂敦勁Z! 眼藥水功效可以有效舒緩隱形眼鏡人群眼睛疲勞同乾澀，也可緩解結膜充血、眼睛瘙癢、眼瞼炎、視野模糊等。

用法用量：

1次1～2滴、1天使用5～6次。

參考價格：

400日圓（未含稅）

評價：

樂敦勁係一款好勁涼度嘅眼藥水，如果你平時鐘意用好強涼度嘅眼藥水，咁呢款就好啱你用啦! 因為佢個種好清涼而且勁爽嘅感覺你一定會好鐘意，而且清涼嘅感覺可以令你眼睛疲憊感消除，同樣都係戴住隱形眼鏡都用得。但係有啲網民反映眼藥水嘅涼度好強烈，唔係人人都接受到，係一款評價兩極嘅眼藥水。

參天PC眼藥水

圖片來源

參天PC眼藥水係專設計俾長期使用電腦同手機嘅使用者用，點解會研發呢隻眼藥水呢? 原因係電腦同手機嘅LED螢幕所發出嘅藍光會令人眼睛容易受到傷害，所以參天就研發左呢隻能夠預防藍光等造成傷害嘅眼藥水。參天PC眼藥水含有維他命B6同B12，能夠幫助受到傷害嘅組織加速代謝發揮舒緩眼睛疲憊同眼睛發炎嘅效果，仲有能夠針對因專注於螢幕所導致眨眼次數減少嘅情況，發揮保護角膜嘅作用。

用法用量：

1次1至3滴，1天使用5至6次

參考價格：

680日圓（未含稅）

評價：

評價幾好，眼藥水成份係專為經常接觸藍光嘅人士使用，呢款眼藥水涼度係稍為高一點，但又唔會涼到令人唔舒服，所以好多人都可以接受到，如果你鐘意涼涼地嘅眼藥水，相當推薦呢款。