美國升學

【美國升學】DSE要求幾高?去美國讀書前要知道的三件事

studentconversion
tutor registration

唔少學生升讀高中嘅時候都會考慮海外升學,而擁有眾多名校嘅美國,固然係各位香港名校生嘅熱門之選!到底美國升學有啲乜要注意?DSE要求有幾高?又要準備啲乜?想子女入美國的名校有乜秘訣?即刻跟我地Tutor Circle尋補 睇下美國升學有咩要留意同埋準備啦!


美國教育理念與制度

美國升學
美國升學 (圖片來源) 

美國嘅中小學教育制度係12年,包括第1至6班嘅小學,同埋第7至12班嘅中學。美國嘅中小學有私立同公立之分,公立中學只會接受短期嘅交換生;而私立中學就好歡迎海外學生入讀,亦都會配合宿舍俾海外學生。如果海外學生要入讀美國嘅中學,而係美國升學,就需要考IELTS 或者 TOEFL ,評核基本嘅英文能力。另外仲有一個中學嘅入學試 SSAT,考試包括寫作、詞彙、閱讀理解和數學 4 部份,而寫作唔包入總分,而係俾學校作為參考。
美國同香港嘅教育理念最大嘅分別就係美國嘅教育會偏向培養專才,例如美國嘅大學入學試可以揀考SAT 或者 ACT,SAT就比較偏向文科;ACT比較偏向理科,學生可以根據自己嘅能力或興趣同埋想揀嘅大學科目而選擇。而香港嘅教育就對學生嘅綜合能力要求多啲,例如DSE 就需要大家有 3322,大學亦會睇整體分數而收生。所以如果你認為自己係某一方面嘅成績比較突出,美國嘅教育可能會比較適合你。

2+2 社區學院

美國升學
美國升學(圖片來源

如果係DSE失手,或者係部份科目成績唔理想,未能達到大學嘅標準,可以考慮美國升學。美國嘅社區學院(Community College)發展得比香港成熟,升學銜接方面都較有保證。甚至更易入到熱門嘅學校。學生可先修讀副學士課程,再銜接大學嘅三年級。
而美國嘅社區學院 (Community College)入學門檻較低,只有基本嘅入學要求,學生只需要完成中六課程或年滿17歲,符合學院要求嘅TOEFL 或 IELTS成績。同埋提供經濟能力證明 (最少1年學費及生活費) 。



4年制大學

美國升學
美國升學(圖片來源

如果你嘅成績比較標青,可以直接考慮入讀4年制大學嘅學士學位。但如果決定報考美國嘅大學,就最少要準備早一年時間準備,考定所需要嘅考試成績。而美國升學嘅學費都比較貴,加埋生活費同簽證費,大約係HK$213,250-HK$561,250。而價錢會根據唔同嘅大學同學科而有所唔同,所以有Target 嘅同學要及早查清楚學費,考量下屋企嘅經濟能力啦!


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

總結

美國的確比較多高排名嘅大學,所以每一年都會有好多世界各地嘅人慕名而來。而且美國嘅大學唔係只係成績就可以,好多時佢地都會注重面試表現,同埋考慮埋推薦信等等嘅因素。所以最好都係揾個專業嘅升學顧問,好好咁安排一下。
延伸閱讀:
【海外移民】點樣移民去美國?
【海外升學】最新英國大學排名
【海外升學】最新美國大學排名

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言