無論係學校嘅課外活動班定坊間嘅興趣班,都有好多選擇,相信各位家長一定睇到眼花繚亂。係個個都追求多元發展嘅今日,究竟點樣先可以幫小朋友報一個合適嘅課外活動?今日,就等我地Tutor Circle尋補分享一下啦!

封面圖片來源

 

 

動態VS靜態?

在文字教训的男孩和女孩信-47926541.jpg (800×533)

圖片來源

課外活動有好多唔同種類,動態嘅有運動類嘅體操、球類運動等等;靜態嘅有畫畫、魔術、書法等。兩類課外活動各有特色,最緊要係依照小朋友嘅意願同性格去揀。例如內向嘅小朋友會較適合靜態嘅課外活動,呢啲課外活動會令佢哋處於較舒適嘅環境,發掘佢哋嘅潛能,建立自信。而外向活潑嘅小朋友,就可以參加動態嘅活動,俾佢哋揮發自己嘅體力,而且係運動類嘅課外活動會有紀律規則,可以俾小朋友在嘈吵中學識紀律。不過,以上都係一啲建議,實際情況要視乎小朋友嘅興趣同意願去選擇,先係最適合佢哋嘅。

 

多VS少 ?

JAB_01_a_20140218_L.jpg (600×430)

圖片來源

唔少家長會為小朋友報好多課外活動,塞滿佢哋嘅時間表,希望將佢哋培養成多才多藝嘅小朋友。但小編我係完全唔同意呢種嘅做法。小朋友星期一至五都要返學,課外活動係佢哋放鬆嘅時間。如果將佢哋嘅時間表編滿,完全無時間休息,就好似日日返工冇得放工咁,效果只會適得其反。為小朋友報課外活動最緊要係適量,1-2班即可。所以各位家長一定要酌量報讀課外活動,等小朋友發展興趣得嚟又可以有休息時間。

 

為興趣放鬆 VS 發展一技之長?

bd4b2317746046e5959571885aac3f36.jpeg (400×439)

圖片來源

報讀課外活動,唔少家長都希望子女可以發展一技之長。但又係唔係每個小朋友都可以從課外活動中“成功”?其實,並非報讀課外活動班,就可以令小朋友係嗰個領域有成就。不論係邊一類嘅課外活動,都需要時間去訓練,先可以有所成就。所以家長絕唔可能諗住一步登天,咁樣會俾到壓力小朋友,違背報讀課外活動嘅原意。

 

如果小朋友對嗰樣課外活動有濃厚嘅興趣,又有天份,能夠發展一技之長固然之好。但若要發展落去,就唔可以只有三分鐘熱度,家長亦應該同子女傾下呢類話題,俾子女自己編排。不過最重要都係要平衡小朋友休息、學業同發展興趣嘅時間,等小朋友可以達到真正嘅多元發展。

 

總結

希望以上嘅建議可以幫到你地啦!係繁重嘅學業下,俾小朋友報讀課外活動,的確係俾小朋友可以放鬆一下得嚟,又可以發展潛能嘅好方法。只要家長們適可而止,以小朋友意願行先,相信一定可以幫到小朋友有更好嘅成長。

 

 

 

【延伸閱讀】孩子參與興趣班的好處,百足咁多爪,還是周身刀無張利?

【延伸閱讀】【小朋友學游水要點揀】康文署VS泳會VS私人教練

【延伸閱讀】想俾小朋友學繪畫?學畫畫之前你要知道的三件事

 

 

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments