浸信會呂明才小學係香港浸信會聯會於1982年興辦嘅政府資助全日制小學,位於沙田區嘅沙田第一城,校網編號91。呂小嘅交通四方八達,巴士同港鐵屯馬線(馬鐵)均可到達,亦設校車,方便沙田區內學生返學放學。係2019年全港小學排名排第28嘅呂小相信係唔少家長嘅心水學校,想知更加多浸信會呂明才小學嘅學校特色同埋叩門須知就唔好走開,等我哋TutorCircle 尋補帶你了解一下啦。

封面圖片來源

 

資優教育

圖片來源

呂小有唔少學生都天資聰敏,學習能力比同齡小朋友高。因此,呂小設有資優教育課程,將明辨性思考能力、創造力、溝通能力、以及協作能力嘅訓練滲入於各科課程中。將資優教育課程用遊戲同埋活動工作坊嘅形式推行,以三個層次滲透係學生嘅日常學習。首先係正規課程內加入資優教育四大元素,繼而以抽離方式進行專門訓練課程,最後更提供校外支援,推薦學生到校外接受培訓,如:各大專院校、香港資優教育學苑等。

 

除咗一連串嘅資優教育之外,呂小亦都積極推動環保,將環保理念融入日常校園生活曾獲「環保卓越獎」,近年引入咗「水耕菜」仲有「魚菜共生」系統,與「中文大學—地球保源行動」、「環保生態協會」等機構合作,推展校園環保教育。此外,呂小亦引入數碼教學,二年級開始以平板電腦為學習工具,利用電子課本同埋應用程式輔助學習。更多,呂小益設立特色科目,例如天文、同埋科技與科學科(包含資訊科技、STEM學習及天文知識)。完善嘅系統訓練學生全方位學習,為小朋友嘅智力發展做好準備。

 

外籍英語老師計劃

圖片來源

呂小向教育局申請撥款聘請一位外籍英語老師(NET),呢位外籍老師會同P.5及P.6英文科科任老師進行協作教學,提高教學質素,讓同學通過與外籍人士溝通,提高英語溝通能力。而係今年開始,呂小得到小一至小四嘅家長捐助,可以多聘請一位NET同小一至小四嘅英文科老師進行協作教學,提升小一至小四同學嘅英語水平。同時,呂小亦得到學生家長嘅支持,另外聘請四位外籍老師,係會話堂同埋課餘時間同同學進行英語活動,協助同學全力提升英語水平。一般小學通常都係得一位NET,呂小能夠請到六位可見學校資源充足。

 

與中學緊密聯繫

浸信會呂明才中學位於沙田的校舍,圖右方的是加建部分,前面是停車場(新翼的位置),左方(白色外牆)是公用禮堂,上半部份屬於該校,下半部份屬於鄰校。

圖片來源

呂明才小學同呂明才中學一直維持緊密嘅聯繫。呂小每年都會舉辦呂中呂小課程銜接交流會,同浸信會呂明才中學體驗學習活動,為家長同學生介紹呂明才中學。而體驗學習活動亦都能夠令呂小學生熟習中學環境,若然小朋友嘅志願中學係呂中,多與呂中老師學生交流亦都有助佢哋係面試嘅時候更加淡定。

升學情況

圖片來源

根據呂小校網嘅資料,最新一屆嘅學生入面,有48名成功入讀聯繫中學,浸信會呂明才中學,佔全體學生大概4成。其餘嘅學生則普遍分散係沙田區內嘅學校。此外,亦有13名學生考入傳統名校。而獲派首三志願嘅同學為90%,比全港平均數據87%為高。

詳細嘅資料可以瀏覽佢哋嘅校網:http://www.baptist-lmc-primary.edu.hk/about08.php

叩門須知

八爪魚家長-親子筆陣:大吉利市要叩門

圖片來源

想要叩呂小門嘅家長同埋小朋友記住留意叩門表格需要親身去到學校遞交。遞交表格時須連同最近2年嘅幼稚園學業及個人發展資料(Copy)、出世紙(Copy)、小一入學申請表自行及統一派位嘅家長副本(Copy)、同埋1個貼有郵票嘅回郵信封。而所有已遞交文件都唔會發還,所以家長記住唔好交正本啦。以上嘅資料係筆者係呂小嘅校網搵到嘅,雖然檔案無寫年份,但係由file name 可以推測出通告應該係2018年嘅。而叩門嘅詳細需求同埋程序每年都可能有輕微嘅改動,家長真係需要叩門嘅話最好都係打電話去學校問清楚啦。

更多細節可以參閱以下網址。

http://www.baptist-lmc-primary.edu.hk/news/2018P1notice.pdf

 

學校聯絡資料

學校電話:26483132

學校傳真:26480533

學校電郵:info@blmcps.edu.hk

 

總結

一間好嘅小學對小朋友嘅身心成長真係好重要,而相信係2019年全港小學排名排第28嘅浸信會呂明才小學一定係唔少爸爸媽媽嘅心頭好。但係,要注意嘅係浸信會呂明才小學同埋浸信會沙田圍呂明才小學雖然都係位於沙田區,有同一個辦學團體成立嘅小學,但係佢哋係兩間唔同嘅小學嚟架,雖然浸信會沙田圍呂明才小學都係全港頭50小學排名戰榜上有名,但係各位家長係報讀嘅時候都要小心睇清楚你哋嘅囝囝囡囡想報讀嘅係邊一間呀。

 

【延伸閱讀】深水埗最國際化學校?【聖瑪加利男女英文中小學】透視

【延伸閱讀】小學常識科時事題考起小朋友,家長平日可以如何培養?

【延伸閱讀】「孩子可能沒有食物敏感,而是對塵蟎過敏。」拆解三個食物敏感測試的謬誤

【延伸閱讀】  【讀普教小學有乜用?】蘇浙小學的堅持

 

 

此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式