提起男校，唔少香港人都會諗起男拔同埋喇沙。當然，呢兩間學校幾十年來都係勢均力敵嘅傳統男名校。香港人觀念上可能會覺得男拔比喇沙好，但係近呢幾年，隨著喇沙小學不斷努力，係全港小學排名上面已經超過男拔，成為第三，更加係頭三名入面唯一一間男校。想知多啲喇沙小學有咩過人之處？咁就快啲同我哋TutorCircle 尋補一齊了解一下啦。
平民名校
係全港小學排名頭三名入面，喇沙小學係唯一一間政府資助既學校，但學校設施方面其實一啲都唔輸蝕畀其他直資學校。學校設施包括樓底高達十米，可容納2000人，劃分為八個羽毛球場嘅禮堂、小教堂、露天足球場、25米室內游泳池、貫通全校園嘅電腦網路、初小圖書角、有蓋操場、有機耕種田園等。可見學校設施完全足以支持學生嘅學業以至體藝方面嘅發展。
堅持拒絕轉型直資
喇沙小學嘅辦學團體係香港喇沙修士會，校訓係信德、善行。為咗秉承校訓同埋辦學理念，令更多小朋友可以享受到優質嘅教育同埋學習環境，喇沙小學一直堅持拒絕轉型為直資小學，而學校自身為學生做榜樣，真正做到辦學團體提倡嘅嘅愛主、愛己、愛人嘅「喇沙精神」。
課程特色
1 為銜接中學做好準備
喇沙小學積極優化校本單元課程，為初小學生擬定有系統而全面嘅學習教材。此外，小學部同直屬學校，喇沙書院保持緊密嘅聯繫，透過不定期嘅同儕觀課同埋科務會議，共同訂定校本升中銜接課程內容，為高小學生作好升中嘅準備。
2 融合教學
喇沙小學推行跨學科協作計劃及「小老師」計劃，支援學生係各個唔同嘅科目上利用資訊科技進行學習。係常規課程以外，喇沙小學亦都有提供拔尖課程，同埋課後資訊科技興趣班，目的係照顧唔同學生嘅學習需要，發揮他們既潛能，等學生學會學習、邁向卓越。
3 藉宗教課程教育學生普世價值
學校嘅聖經科會透過校內豐富及多元化嘅宗教活動比學生認識天主，例如開學及結業感恩祭、聖誕及復活禮儀、小息小聖堂活動、午間聖詠或聖經故事聲帶分享，亦能讓學生在輕鬆的氣氛下認識天主。
天主教教育嘅核心價值強調尋求真理、秉持公義、實踐愛德。喇沙小學嘅聖經科課堂以天主教教理為基礎，同時發揚會祖聖若翰喇沙嘅教育理念，不分階級，普及地傳揚福音，引領學生活出愛主愛人精神。
此外，學校同香港天主教教區亦有緊密聯繫，除熱心參與四旬期捐獻、明愛籌款及修會學校聯會主辦嘅活動外，亦會回應教廷或教區每年嘅牧民重點設計教學。希望天主教教育能配合學校嘅教育工作，培育小孩健康成長。
學校聯絡資料
電話: 23362609
傳真: 23363153
電郵: lasalleprimary@lasalle.mysch.net
升中方向
因為喇沙小學有直屬中學，所以大部份小學畢業生都會升讀距離小學一條街嘅喇沙書院。
總結
相信喇沙小學嘅過人之處除咗完善嘅教學設施同埋系統之外，仲有嘅就係佢哋始終如一秉承辦學團體辦學宗旨，為社會各階層嘅學生提供最優質嘅教育，數十年以來培育出政商文藝界嘅傑出人士。
【延伸閱讀】「孩子可能沒有食物敏感，而是對塵蟎過敏。」拆解三個食物敏感測試的謬誤
此文章純屬 Blogger 個人分享，並不代表本網誌立場。
想追返學校進度？Tutor Circle尋補有超過10,000個三大導師，即日幫你搵一個合適既導師！
DSE讀得咁辛苦，想活用知識黎賺下外快？
緊貼尋補 Blog、Facebook 同 Instagram，尋補？Tutor Circle！
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式
Comments
