拔萃無論係小學定係中學,男拔定係女拔,一直以來係香港最頂尖嘅Band1學校。而係小學部,拔萃一樣都係分為男拔同女拔。唔提可能你冇留意,男拔小學同女拔小學嘅排名係近幾年差距不斷拉開,直至2019年,女拔依然堅守全港第一,反觀男拔小學則跌至47位。到底女拔小有咩過人之處,可以長年做到全港最佳小學呢?想知多啲就等我哋TutorCircle 尋補你了解一下啦。

封面圖片來源

 

資源充足

圖片來源

女拔小身為私立學校,每年都會向學生收取$70000嘅學費,學校會利用學費改善學校設施同埋教學水平。加上與拔萃女書院共享校舍,女拔小嘅學校設施比普通學校完備。除咗一般學校都有嘅課室同埋多用途室,女拔小亦設有演藝中心、課外活動室、視覺藝術室、多媒體教室、語言教學室、科學中心、體育館、 籃球場、中國文化室、家教室、室內游泳池、美術花園及小農夫園地等,保證學生有充足嘅資源發展潛能。

而支援有特殊教育需要學生嘅設施則有暢通易達升降機、暢通易達洗手間、觸覺引路帶及輔導室等,照顧唔同學生嘅需要。而學校每年級都只開4班,確保老師嘅workload唔會過大而影響教學質素。

 

學術,體藝才能雙軌發展

圖片來源

1.學術才能

拔萃女小學雖然係英文學校,但係學校中西文化並重,期望學生掌握兩文三語。除咗中文、General Studies II同埋普通話之外,學生大多數都會用英語上課。此外,學校更將劇場藝術教育引進四、五年級嘅正規英文課程入面。同學會係觀眾面前用英語表演,藉此訓練學生嘅口才同埋自信心。

中文方面,女拔小嘅學生從一年級起就會學普通話拼音,而學校嘅中國文化課程亦都會全用普通話。低年級學生可趁午膳參加普通話小組,多聽多講。高小方面,學校設有「普教中」班別,同時在其餘班別老師亦會教學生以普通話朗讀課文同埋詞語。

為配合電子學習,全校都可以無綫上網,並係不同科目發展流動學習。學校會借出iPad比學生使用,並鼓勵他們係戶外參觀時利用iPad輔助學習。

由於個別同學嘅語文水平可能會有差異,中英文科老師會組織輔導小組,照顧學習有困難嘅學生,幫助佢哋追上學校進度。

 

2.體藝才能

梁建楓指揮拔萃女書院學生演奏樂章。(樂團提供)

圖片來源

體藝才能方面,女拔小相信小朋友嘅才能係要及早培養。所以,學校由二年級開始就已經有唔同嘅球類學會,配合學校嘅大型運動場,籃球場,游泳池等等,為學生發展體育潛能提供全套支持。係音樂方面,學校每年都會請高年級同學向一年級同學表演唔同嘅樂器,一年級學生睇到高年級學姐嘅樂器示範後如果對此產生興趣,學校亦會提供樂器同埋機會畀學生係學校學習,例如開辦初學樂器體驗班會,為有興趣學生初嘗演奏嘅滋味。因著學校嘅全面支援,女拔學生係不同嘅學界體藝比賽中享負盛名。

 

德育教學

Image result for 拔萃女小學

圖片來源

係比賽以外,校方同時重視培訓學生嘅soft skill。拔萃女小學嘅學生成日比人一種自信有禮嘅感覺,其實學校係背後都落咗唔少苦功。女拔認為照顧學生嘅心靈健康同品德發展同樣重要。所以,校方每年都會舉辦一連串嘅活動,例如信仰分享、饑饉午餐、德育、禮貌之星選舉、學習《弟子規》等,培養學生良好既生活態度,建立正確價值觀。校內各類文化活動除咗訓練小朋友嘅見識,亦培養咗佢地合作、溝通同解難嘅能力,令佢哋係學術,體藝方面有優良發展嘅同時,亦學識內在修養嘅重要性,幫助學生全人發展。

 

升學支援

圖片來源

 

身為直資小學嘅女拔小亦都無須向教育局呈分,所以搵唔到具體嘅升學數據。但係因為拔萃女書院係女拔小嘅一條龍中學,所以大部份畢業生都會升讀拔萃女書院。

 

小一入學

因為女拔小屬於直資學校,所以家長只可以自行報讀。而2020至2021年女拔小嘅小一入學申請已經完結,而2021至2022年嘅入學申請則尚未公布。但係,相信兩者都唔唯有太大差別。往年嘅面試分為2輪,首輪面試規定只有一個家長可以帶子女到場,透過玩遊戲、聆聽測試等,從各方面評估申請人。第二輪面試會要求最少一名家長陪同子女出席,家長同埋申請人會由校長或者副校長接見,以下是面試常見問題:

  • 申請人姓名
  • 申請人就讀嘅學校名稱
  • 申請人家中地址
  • 今日由邊個帶你(申請人)過來
  • 星期六日父母會帶你(申請人)去邊度

此外,申請人亦有機會被問到圖片題、比較題、故事排序、加減數題等。

女拔小報名採用online registration system,家長需要先係女拔小校網登記用戶,再進行登記步驟。

詳細情況可以參閱以下學校校網

http://www.dgjs.edu.hk/?page_id=854

https://www.professionaltutor.hk/sites/default/files/styles/large/public/field/image/%E6%8B%94%E8%90%83%E5%A5%B3%E5%B0%8FLOGO.jpg?itok=51gQ6JX8

 

學校聯絡資料

學校電話:2277 9200

學校傳真:2385 8121

學校電郵:dgjs@dgjs.edu.hk

 

總結

女拔小無論係學術、體藝、德育、升學等方面都提供最全面嘅硬件及軟件支援比學生,難怪可以成為全港小學排名第一嘅學校。而為咗可以維持教學質素,學校學額只有140名,各位家長如果真係有心比囡囡就讀女拔小就要一早做好準備啦。

 

【延伸閱讀】   雲集最頂尖的精英:五個入讀拔萃女書院的原因

【延伸閱讀】「孩子可能沒有食物敏感,而是對塵蟎過敏。」拆解三個食物敏感測試的謬誤

【延伸閱讀】  【讀普教小學有乜用?】蘇浙小學的堅持

 

 

此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments