封面圖片來源

如果話80後嘅香港學生嘅補習回憶係現代同埋英皇嘅話,相信考DSE嘅90後同埋00後嘅補習回憶入面,絕對唔少得遵理學校(Beacon College)。提起大型補習社, 近五六七年最hit嘅大型補習社真係一定要數人稱「燈塔」嘅遵理。中文、英文、數學、通識甚至是elective,相信各位一定聽過至少一位遵理補習名師,而身為資深補習人士嘅筆者亦都貢獻過唔少學費比遵理學校。到底遵理有咩本事可以打破現代、英皇平分大型補習界天下嘅局面?想知遵理學校有邊位名師係真材實料,又有邊位名過於實?快啲同我地TutorCircle 尋補一齊睇下啦。

 

遵理學校整體特色

圖片來源

LogOn$100現金券大放送
改頭換面?遵理學校以「精英匯集團」申請IPO
改頭換面?遵理學校以「精英匯集團」申請IPO

相信諗起遵理,唔少人都會諗到「新」、「年輕」、「「有活力」等等。雖然遵理創立於1989年,但係好多分校校舍都係係最近嘅六七年設立,所以學校入面嘅設備唔少都十分update,例如部份嘅VIP視聽室入面嘅電腦都係用MAC機,同學係使用VIP video服務嘅時候就可以睇得更加舒服啦。此外,遵理出身嘅名師們上堂風格雖然各有不同,但係佢哋大部份都緊貼潮流,同學生都唔會有太大代溝,除咗可以同學生打成一片之外,仲可以更加了解現時學生嘅需要,從而制定更加適合學生嘅課程。唔啱聽唔好打我。

 

名師點評

講完學校嘅整體特色,下面就會講下各位同學仔最關心嘅名師點評。笠番個頭盔先,以下意見全部都係筆者以前上堂得出嘅經驗,並唔代表任何人嘅立場。

1. 中文科:林溢欣 YY Lam

圖片來源

YYLAM的筆記出名多配套
YYLAM的筆記出名多配套,而且有眾多5**學生。

有「欣師」之稱嘅YY相信係成個遵理學校入面最受歡迎嘅補習名師。YY嘅note出名多配套,除咗main note此外,仲有各個分卷嘅自擬題目,成語練習,中外例子集成,古今例子集成……而當中最受學生歡迎嘅就係中六最後先俾嘅「林場必備」。大炮咁厚嘅note入面寫晒最精華嘅應試技巧,中六同學study leave嘅時候溫書可謂非常方便。當年筆者會將林場必備入面自己會用到嘅部份另外抄咗出嚟,臨考嘅時候就更加方便閱讀啦。而我個人認為YY教得最好嘅係卷三聆聽及綜合,跟住佢教嘅技巧做整合拓展見解論證真係可以攞足晒分。最後筆者嘅中文成績都相當唔錯。

 

2. 英文科:Patrick Chan, Billy Ng, Kenneth Lau

遵理嘅英文科選擇咁多係咪唔知點揀呢?所謂百貨應百客,筆者就覺得呢三位名師分別適合唔同嘅學生。

圖片來源

P Chan的強項是教英文Grammar
P Chan的強項是教英文Grammar

Patrick Chan:P Chan嘅強項係教grammar,係堂上面佢會用唔同嘅文章教學生點樣用唔同嘅句式同生字,再提供幾個相近意思嘅詞彙或者詞組。而學生係堂上需要自己抄低,加上P Chan講嘢速度較快,上佢堂真係要打醒十二分精神。筆者就試過上八點檔攰到恰著咗五分鐘,之後發現自己miss咗半版紙…至於邊一種學生啱補P Chan呢,筆者就認為P Chan比較適合初中想打好grammar根基嘅同學仔。因為語文文法係需要長時間浸淫,如果你係F.5 F.6想報雞精班嘅話,P Chan就可能唔係咁啱你啦。

圖片來源

Billy的課堂分普通班和Elite班,顧名思義普通班是用作補底,Elite班就是專針對以奪5以上成績的學生。
Billy的課堂分普通班和Elite班,顧名思義普通班是用作補底,Elite班就是專針對以奪5以上成績的學生。

Billy Ng:Billy Ng嘅教學特色可以話係集各家之大成。Billy嘅堂分普通班同elite班,顧名思義普通班係for補底用,elite班係for aim 5 or above。筆者上嘅係elite班,上堂風格係會比較chur。此外,Billy亦會有唔少自創嘅口訣比學生記住,方便學生check住自己有冇用漏skill。話雖如此,筆者個人認為佢嘅所謂口訣都編得幾勉強下…與其嘥時間死背口訣,不如做多篇exercise仲好啦…

圖片來源

普遍學生都覺得Kenneth課程適合補底,教學內容偏向簡單。
普遍學生都覺得Kenneth課程適合補底,教學內容偏向簡單。

Kenneth Lau:Kenneth 呢一方面,因為筆者未補過,所以係網上為大家search咗啲comments。普遍學生都覺得Kenneth係for 補底,所以教學內容會偏向簡單。亦有補過Kenneth嘅學生抱怨佢教嘅內容太過簡單,教書內容亦唔係好well organized。

 

3. 數學科(Core+ M1/M2):Dr. Koopa Koo

圖片來源

Koopa 的上堂風格比較Chur,教學內容亦比較深。
Koopa 的上堂風格比較Chur,教學內容亦比較深。

Koopa 以佢嘅「神技」聞名於高中學生之間。佢嘅上堂風格同樣會比較chur,教學內容亦都會比較深。相傳有同學落咗堂去問問題嘅時候比佢鬧話攪清楚啲concept返黎先好問。所以,其實Koopa只係適合aim 5*/5** 嘅學生,數底唔太好嘅同學仔都係揀返第二個啦。

 

4. 通識:Hong Sir

圖片來源

Hong Sir出名「大炮notes」,但係上堂講書偏悶。
Hong Sir出名「大炮notes」,但係上堂講書偏悶。

Hong Sir最出名嘅就係佢嘅大炮note,每課都會有一本好詳盡嘅note,但係上堂講書偏悶,好可能佢讀歷史出身 ,教書嘅方向亦偏向文科式教學,理商科出身嘅筆者同埋其他理商科嘅網民都覺得Hong Sir 嘅方法唔係咁有用。

 

5. Econ:Cliff Yeung,Andrew Lo

圖片來源 、 圖片來源

Cliff Yeung本身係考評局Econ 課程嘅設計者。
Cliff Yeung本身係考評局Econ 課程嘅設計者。
Andrew Lo
Andrew Lo

                                                                                    

要筆者係Cliff Yeung同埋Andrew Lo兩者揀一個我會揀前者。Cliff Yeung本身係考評局Econ 課程嘅設計者,花名都有得你叫「局中人」,佢對課程嘅了解程度絕對係咁多個名師入面最高。此外,佢上堂內容充實,亦唔會搞太多花巧嘅skills,啱晒想專心考好Econ嘅同學。

你可能會問我,咁Andrew Lo呢?補過2期嘅筆者只可以答你:哈哈哈哈哈哈哈哈哈…

 

6. BAFs:Andy Yeung

圖片來源

Andy Yeung教得最好係Paper 1 MC
Andy Yeung教得最好係Paper 1 MC

Andy Yeung係筆者第二個補咗2期就轉會嘅補習名師。Andy Yeung教得最好係Paper 1 MC,唔少學生係補完佢之後MC都考得好咗好多。至於點解筆者會轉會?唔好再提……筆者睇住佢上堂bal唔到自己條數…

 

總結

各位揀補習嘅時候切忌人云亦云,同學報邊個就跟住報,記得審視返自己嘅需要同埋導師嘅口碑,如果唔係,只會浪費自己嘅金錢同時間。

延伸閱讀:  大學JUPAS揀科 —- 理想定現實?

延伸閱讀:中六畢業出路 指南針

延伸閱讀:剩係成績好都入唔到大學!JUPAS揀科策略你要知

 

*此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過35,000個三大導師,最快兩小時幫你搵一個優秀嘅上門導師!

想搵 一個合適嘅私補老師

DSE讀得咁辛苦,想活用知識嚟賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Facebook15k
Instagram41k
LINKEDIN
Youtube
SOCIALICON

留言