小學就補習?會唔會搞到我個小朋友冇咗個快樂童年架?我會唔會比人話係虎爸虎媽架?相信好多計劃緊比唔比小朋友讀補習班嘅爸爸媽媽都有以上嘅苦惱。各位小學生家長們唔使咁緊張住。除咗電視節目有好多種之外,其實小學補習嘅類型仲有選擇都有好多種架。初小同埋高小嘅需求各有不同。今次我哋TutorCircle 尋補就為各位望子成材嘅家長分析下小學補習到底有咩選擇。想知多啲嘅就千祈唔好行開啦。

封面圖片來源

 

 

小一小二:適應小學生活

小學生百人調查:聖誕老人,夏天你在做什麼?

圖片來源

初小,特別係小一嘅小朋友比起學業需要,更逼切嘅係適應小學生活。因此,學校嘅功課輔導班就非常適合小一小二嘅小朋友啦。學校功課輔導班通常都會係放學後舉行。係課後時間通常會由外聘嘅導師督促仔仔囡囡做功課,做完功課後亦會安排佢哋溫書或者比extra嘅練習佢地做。課堂入面嘅同學通常都係同級生,或者係相近年紀嘅學生,一來方便導師上堂,二來小朋友亦都有機會係輔導班認識新朋友仔,學識點樣同同齡人,仲有其他年紀嘅同學相處同溝通。除此之外,媽媽們亦絕對唔使擔心安全問題或交通問題,因為輔導班期間,仔仔囡囡只會留校上堂,十分安全。

 

小三小四:打好語文數理根基黃金時期

圖片來源

點解話小三小四係打好語文根基嘅黃金時期呢? 相比起小一小二學生,小三小四嘅小朋友應該已經完全適應小學嘅生活。而佢哋嘅學業同功課workload又無小五小六要考呈分試咁大,因此,小三小四嘅學生可以因應需要,利用課餘嘅空檔時間報讀語文科目,或者數理嘅課程,打好語文數理根基。唔好覺得呢啲教育中心會好chur咁逼小朋友背唐詩一百首,乘數表等等,其實好多教育中心都追求愉快學習,提供聽說讀寫多方面嘅活動式教學比小朋友聽睇故事,睇影片,及與老師嘅會話中學到唔同嘅成語、俚語、寫作手法、說話技巧等等。務求令小朋友係不知不覺間打好語文基礎,為提升語文實力同日後嘅學習做好萬二分準備。

 

小五小六:學業衝刺期

圖片來源

來到家長最緊張嘅小五小六呈分試學業衝刺期,一間幫到手嘅補習社真係好重要。而實際上,過半數針對小學補習嘅補習社都係以補全科嘅方式運行。比起重點提升學生嘅學習水平,有啲小學全科補習社追求嘅係幫學生完成晒學校嘅功課同應付日常默書測驗,所以家長係報讀小組補習班之前要先留意補習社嘅辦學宗旨,有需要亦都可以同其他家長交流下心得同埋情報。而另一方面,唔少小組補習社都會推出二人同行嘅優惠,如果真係睇啱嘅不妨問下其他家長佢哋嘅仔仔囡囡有冇興趣同需要一齊補習,咁就winwin雙贏啦。除此之外,唔少區內嘅人係補習社都會保留過往學生嘅考試卷,所以係補習社上堂好有可能可以做到區內學校老師跟5年嘅past paper,有時更加可以係唔同年份嘅paper中推敲出今年嘅題型同埋題。

 

私人補習

而另一個小五小六嘅補習option就係上門嘅私人補習。上門嘅私人全科補習相比起小組補習社,上堂方向更加學術性。私人補習導師通常都會以教學為主,係課堂上幫學生解決學業問題,操練試題等。一對一嘅上課模式自然會令學生更專注,亦都有助導師了解學生嘅需要,以便制定出度身訂造嘅課程同埋學習時間表。有需要可以同TutorCircle 尋補查詢一下,了解一下都無妨。

 

總結

補習種類有分好多種,各位家長係揀定邊種之前最好睇番自己子女嘅需要。最重要嘅係揀之前好好審視返仔仔囡囡嘅能力,程度同興趣,係提升佢哋嘅學科能力之前都要小心唔好令到佢哋因為過度補習而抗拒學習啊。

 

如果大家有補習的需要,不妨考慮搵TutorCircle 尋補幫幫手,經驗豐富,信譽良好,免費服務配對,為學生提供最優質的私人補習導師。

 

 

【延伸閱讀】【學校資訊】國際學校小學知多少?

【延伸閱讀】【補習知多d】幼稚園應唔應該補習?

【延伸閱讀】【邊度溫書好?】若要暑假學業進步,應先找對溫習地方

 

此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments