你係聽到數學都打冷震嘅數理科學渣,定係寧願做100條sin cos tan ,dy/dx d 咗成頁紙都未計完嘅calculus M2數都唔想做一篇reading或者背一篇中文範文嘅數理學霸呢?定係你係揀咗M2(數延2),以為自己讀得掂,點知讀讀下後悔點解自己唔揀M1就算嘅迷途小羔羊呢?中四中五嘅你係讀M2嘅時候讀到卡卡地又唔使咁快諗住drop嘅,接住落嚟TutorCircle 尋補將會為大家介紹一下,M2 補習有啲咩揀。想知多啲就唔好錯過喇。

封面圖片來源

大型連鎖補習社-遵理Dr Koopa Koo,英皇Wilson Liu

Image result for dr koopa koo

圖片來源

 

熟悉大型補習社嘅你一定聽過Dr Koopa Koo個大名。遵理嘅Koopa出名教書又快又深,會開唔同種類嘅班俾唔同程度嘅同學,特別重點教授進階知識俾底子較佳嘅學生,所以可能就唔太岩底子麻麻地嘅學生補啦,而學霸們想加深自己嘅M2 知識,aim5*/5** 嘅話就可以考慮下啦。

 

圖片來源

相反,自問M2底子無咁好嘅你哋唔想上Koopa堂完全黑人問號,落堂問書又俾人話你學好個底先好問嘅話,英皇嘅Wilson Liu 就可能適合你啦。報得Wilson嘅同學仔通常都係想補底,所以Wilson嘅教學速度會比Koopa慢,想補底嘅同學仔可以考慮Wilson。

 

小組補習社-So-in

Image result for 數研

圖片來源

唔鍾意大型補習社名師華麗嘅乜乜大法嘅同學仔可以考慮下小組補習社。數研教育SO-IN Education著重操數,有唔識嘅題型老師會比多幾條類似嘅數你做,做到識為止。所以,佢哋嘅數學/M1/M2小組補習班係名校生當中都相當有人氣㗎。數研嘅常規班教學模式主要係由老師同同學協議出來,一班入面都可以有唔同嘅進度;而暑期班就會用2個月先教一次下一個學年嘅數,比同學仔打定個底,係學校正式學嘅時候更加輕鬆。此外,因為佢哋有唔少嘅學生都嚟自名校,數研亦都有scan低學生嘅考試卷嘅習慣,所以如果你想做下名校考試卷,或者想知下自己學校同人哋學校嘅教學水平嘅話,數研就可能幫到你啦。題外話,筆者自己以前都係補數研,試過好多次前一日係補習社做完同自己中學同一個辦學機構嘅中學嘅past paper之後,第二日考試份卷入面竟然有條一模一樣嘅題目呀!而Band2 Band3嘅同學仔亦都唔使驚,數研嘅題庫cover Band1至Band3程度嘅題目,只要同阿sir好好溝通,你就會搵到啱自己程度嘅題目架啦。

 

YouTube - Herman Yeung

https://www.youtube.com/channel/UCuJG291KkNIzcOd4KyyhubA

以上提到嘅補習社嘅學費普遍都要幾百至千幾不等。冇咁多budget又想補M2又有咩方法呢?可能你已經估到,冇錯,就係Herman Yeung啦。Herman Yeung以前係遵理嘅名師,佢係離開遵理之後係YouTube開咗自己嘅channel,數理商科都有開班。當然,Core數同埋M1,M2係佢最熱門嘅學科。佢嘅YouTube教學片有分免費同埋付費,如果同學仔只有某一課唔係好明,不妨上YouTube,睇下Herman嘅免費channel有無cover到你嘅課題。此外,Herman亦都會不時開live,同學有咩唔明可以把握機會係live問佢,但係如果想買筆記嘅話就要向佢訂購啦! 

 

私補

全港最齊嘅 DSE Past Paper 資源包有中文、English、Maths、LS、Phy、Chem、Bio、Econ、BAFS等唔同科目嘅 Past Paper。無論係 By Topic 定 By Year、中文定英文、DSE定AL定CE,全部 Past Paper AfterSchool 都已經搵齊晒!

圖片來源

私補呢方面,而家差唔多每間大學都有開辦同M2有關嘅科目例如Engine, Radiography,QFin等等。相信當中不乏係DSE M2考高分嘅師兄師姐。另外,而家比以前嘅補習方式更多元化,例如有一對一、自助小組、上門、不上門,以至視像補習。而家武漢肺炎咁危險,留喺屋企對住電腦同老師live補習都不失為一個好選擇。堂數,時數同學費都可以自己訂,尋找導師嘅目的,學科困難,現時成績,甚至有咩特別要求都可以係搵老師嘅時候標明。務求可以為你tailor-made 一個fit晒自己需要嘅學習plan。咁當然私補老師都有好與壞,所以各位係搵老師嘅時候最好將自己嘅要求講清楚啲啦!有需要可以同TutorCircle 尋補查詢一下,了解一下都無妨。

 

總結

總括黎講,M2最重要嘅唔係你同邊個名師補習,或者識咗乜嘢計數小捷徑,讀M2同其他數科一樣,最重要嘅係你自己對唔同題型嘅熟悉程度。如果真係無錢補習嘅話,上網搵下資源,大部分都係免費,例如youtube片,或者去書局買本練習操數都幫到你架。

 

 如果大家有M2補習的需要,不妨考慮搵TutorCircle 尋補幫幫手,經驗豐富,信譽良好,免費服務配對,為學生提供最優質的私人補習導師。

 

 

 

【延伸閱讀】【補習資訊】M1補習補邊個? 

【延伸閱讀】【考試用咩計數機?】關於CASIO計算機的五個事實

【延伸閱讀】【DSE數學速成班】點解背晒啲公式測驗考試都係唔識?

 

 

此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

Comments