自修,Retake?各位DSE考生有無諗過自己除咗一take過考入大學之外仲有重讀呢條路呢?各位form3揀錯科嘅你哋又有無諗過自己讀你想讀嘅科呢?其實條條大路通羅馬,除咗最正路嘅喺中學讀3年果陣之後上大學之外,仲有其他方法可以順利讀到U㗎! 接住落嚟TutorCircle 尋補將會為大家介紹一下自修同埋retake呢兩條升學之路,想知多啲就唔好錯過喇

封面圖片來源

 

大學升學率

唔講你唔知,啱啱嘅2019年DSE,日校考生應考最少五科甲類學科/乙類學科入面,有成86.3%考獲best 5 19分或以上嘅成績。考評局就聲稱考到33222嘅同學仔已經擁有入U嘅條件。但係事實真係咁?根據考評局嘅資料顯示,2019年經JUPAS大學聯招入面九間院校嘅大學本科學士學位課程有17,402個,經SSSDP 資助計劃嘅自資學士學位課程提供嘅學士學位課程有3,236個,合共20,638個。但係,另一方面,2019年DSE所有學校嘅報考人數有個48,305個,即係有成27,667個學校考生入唔到大學…

Image result for hku

圖片來源

 

Retake

但係天無絕人之路,一take過考唔入咪考多次囉。我哋先講下作為日校重考生嘅你哋係呢一年內可以做啲咩嘢嚟準備好自己啦。

首先,最重要嘅係檢視啱啱果次DSE失敗嘅原因。到底自己係真係唔明課程內容呀,定係衰唔勤力。筆者都係過來人,有時有啲位自己一個睇極都唔明但係人哋同你講返點解個陣就一點就通,當局者迷呀嘛。打機課金都打得輕鬆啲啦~。但係,補習都有分幾種。一種係大型補習社,即係X理、現X、X皇果啲,另一類係私補。大型補習社適合比較有專注力嘅你哋,因為通常大型補習社都係放video比你自己睇。好處就係佢哋嘅source會比較多,壞處就係好考學生嘅專注力。上堂嘅時候無人管你,做唔做功課又無人管你,去唔去到冇人管呀!一個又留神上堂唔專心,無俾心機做功課,咁就重蹈覆轍架啦…

圖片來源
相反,私補就比較適合冇乜專注力嘅人啦。補習老師坐正係你隔離仲點偷懶喎!選擇私補嘅好處除咗係有老師係正你旁邊督促之外,仲有就係可以度身訂做一個啱你嘅timetable啦!根據你嘅能力同時間整返個配合自己嘅timetable,自然事半功倍啦。相對地,選擇私補嘅壞處就係老師比你嘅source可能無大型補習社咁多。無論係X理、現X、X皇定係私補,最緊要嘅係搵到啱你嘅學習方法。如果你想私補嘅話,我哋Tutor Circle尋補有超過10,000個三大導師,即日幫你搵一個合適既導師!

好處壞處
大型補習社
  • source比較多
  • source比較精美
  • 無人管
  • 深淺程度唔可以調校
私補
  • 有老師係旁邊督促
  • 可以度身訂做一個啱你嘅timetable同課程
  • source可能比較少
  • 質素參差

唔想補習?冇問題!唔想補習嘅你作為retaker要做嘅準備工夫有咩呢?

 

  1. set 返個timetable 比自己。如上,set timetable 除咗可以幫助你自律,仲可以幫助你track下自己嘅溫習進度。

 

  1. 你亦都可以係手機裝一啲控制自己玩手機次數嘅app㗎,例如Forest,呢個app可以幫count住自己溫咗幾耐書,每完成一個自己set比自己嘅溫習時間就會有一棵樹種好。過咗一年retake生活我諗你種好嘅樹應該多過亞馬遜森林。

 

自修生

仲係form3 form4嘅你揀唔到自己想讀嘅科除咗諗定輸數做重讀生之外,其實仲可以自修㗎。DSE elective讀得好唔好真係好睇你嘅興趣,如果有啲科你係好想讀但係係學校揀唔到或者根本冇開班嘅話,你就不妨試下自修啦。如果係一啲比較common嘅文理商科,你大可以選擇去補習,點揀補習就可以睇番上面;但係如果想讀嘅科比較特別,例如VA,你就要睇下點樣可以用自修生嘅身份應考啦。萬一真係自修唔到而你又好想係大學讀related 嘅科,就可以睇下大學果科係唔係規定一定要選修該學科先會取錄。以Poly U Design 為例,學生唔一定要讀過VA,只要你去面試果時交到一個作品集就得啦。

student

圖片來源

 

總結

總括而言,天無絕人之路,揀錯科,DSE考衰一次其實唔係真係萬劫不復嘅。放開心態,其實自修生 / retake 都係一條可行嘅路。

 

【延伸閱讀】【DSE中文】死命鑽研卷一白話文,不如先學好文言文

 【延伸閱讀】【Non-JUPAS】 8大申請non-JUPAS基本資料

 【延伸閱讀】【為什麼讀副學士?】談談SPACE Asso 

 

此文章純屬 Blogger 個人分享,並不代表本網誌立場。

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

Comments