小學補習

【小學補習】補習都有得愉快學習?小二補習選擇面面觀!

studentconversion
tutor registration

香港地個個家長都想自己仔女贏在起跑線,幾個月大就已經開始送BB上Playgroup,3歲之前讀N班,幼稚園升小學都要去面試班,甚至為咗好嘅學校網孟母三遷,真係含辛茹苦㗎。上到小學,過咗小一適應期,來到小二,仔仔囡囡有冇開始跟唔上學校進度,定係你發現到佢哋嘅potential,覺得佢哋可以學得快過學校syllabus呢?今次我哋TutorCircle 尋補就為各位望子成材嘅家長分析下小二補習有咩選擇。

 


1. 學校功課輔導班/補習社功課輔導班

小學補習
圖片來源

父母想減輕夜晚督促仔囡做功課壓力嘅話,學校功課輔導班係一個最方便嘅選擇。有部份學校有提供課後功課輔導班,係課後時間有外聘嘅導師督促仔仔囡囡做功課,做完功課亦會安排佢哋溫書。而係留校輔導班期間,媽媽們亦絕對唔使擔心安全問題或交通問題,絕對係減輕父母夜晚督促仔仔囡囡做功課壓力嘅最方便之選。唯須注意嘅係,唔係每間小學都有呢種輔導班,如果無嘅話,父母們亦都可以為子女係屋企或學校附近尋找相類似嘅補習社功輔班。

2. 提升語文能力 – 語文科目教育中心

小學補習

除咗一般嘅全科補習社之外,坊間亦都有不少為小學生提升中英文語文能力嘅語文科目教育中心。坊間不乏教育中心提供這類聽說讀寫多方面嘅活動式教學比小朋友聽睇故事,睇影片,及與老師嘅會話中學到唔同嘅成語、俚語、寫作手法、說話技巧等等。務求令小朋友愉快學習,係不知不覺間打好語文根基,為提升語文實力同日後嘅學習做好準備。
 

 



3. 數學- 珠心算&奧數

講到小學數學,又點可以唔提珠心算同奧數呢?但係呢兩樣係咩,有咩分別,唔知各位父母們又知唔知呢?珠心算係將數變成算珠在腦海中描繪嘅算盤上進行計算嘅一種方法。佢嘅能力來源於腦映像,因此,珠心算可以激發小朋友由一位到多位數心算嘅慾望,令小朋友通過珠心算訓練,學會特殊嘅計算方法,從而啟發大腦智力,加強形象思維力,溝通左右腦,令整個大腦平衡,協調發展。而奧數課程就係一套完整而專業嘅數學奧林匹克訓練課程,取材自傳統艱深的數學競賽難題,加以分析和剪裁,由奧數專家親自編纂,因此比較深奧。所以,數學比較好嘅小朋友可以選擇奧數,相反,就可以選擇珠心算,打好基礎。
 
小學補習
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

4. 上門私補 

英文補習 - teaching

最後嘅選擇就係私補啦。上門私補通常係一對一嘅補習,適合想仔仔囡囡特別加強某學科成績嘅家長,而呢種方法減少咗其他補習要出外嘅交通時間,十分方便啊。但係,要注意嘅係上門私補嘅費用亦比較高,家長係跟老師嘅時候亦要留心老師嘅表現同能力呀。有需要可以同TutorCircle 尋補查詢一下,了解一下都無妨。

 

5. 總結

補習種類有好多種,各位家長係揀定邊種之前最好睇番自己同子女嘅需要。最重要嘅係揀之前好好審視返仔仔囡囡嘅能力同興趣,係提升佢哋嘅學科能力之前都要小心唔好令到佢哋因為過度嘅補習而抗拒學習啊。
 
如果大家有補習的需要,不妨考慮搵TutorCircle 尋補幫幫手,經驗豐富,信譽良好,免費服務配對,為學生提供最優質的私人補習導師。


 延伸閱讀
【學校資訊】國際學校小學知多少?
【補習知多d】幼稚園應唔應該補習?
【邊度溫書好?】若要暑假學業進步,應先找對溫習地方
 
 
此文章純屬 Blogger 個人分享,並不代表本網誌立場。

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
小學補習
小學補習

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言