香港有多間國際學校,為國際學生提供適合的教學,及令本地學生與國際接軌。大家知不知道香港有多少間國際學校呢?掌握多少學校資訊呢?相信不少家長及學生在乎學校的排名,小編今天就在TutorCircle尋補整理國際學校排名,供大家參考。

封面圖片來源

國際學校排名及學費

*該排名根據學校IB平均分以及知名大學錄取率進行評估

排名學校 學費IB平均分取錄率
(考入世界頭十二名大學)
1德瑞國際學校German Swiss$142,210 - $187,54039.924%
2聖保羅男女中學(IB班)St. Paul's Coed (IB Class)$140,785 - $172,7854115%
3漢基國際學校Chinese Int'l School$145,800 - $231,30037.814%
4香港李寶椿聯合世界書院Li Po Chun UWC$165,50035.913%
5哈羅香港國際學校Harrow Int'l School$145,557 - $197,930-12%
6香港國際學校HKIS$182,100 - $209,700-11%
7弘立書院中學部Independent Schools Foundation$229,950 - $249,97035.311%
8拔萃男書院(IB班)Diocesan Boys' School (IB)$50,000 - $102,000419%
9法國國際學校French Int'l School$104,099 - $189,580389%
10啟歷學校Kellett School$157,3007%
11南島中學 ESF South Island School$122,900 - $129,100355%
12香港加拿大國際學校Canadian Int'l School$103,500 - $180,00036.64%
13港島中學ESF Island Schoo$122,900 - $129,100
36.5
3%
14英皇佐治五世學校ESF KGV$122,900 - $129,100363%
15新加坡國際學校Singapore Int'l School$77,248 - $176,000
37
2%
16西島中學ESF West Island School$122,900 - $129,10036.52%
17耀中國際學校Yew Chung$101,585 - $197,220352%
18滬江維多利亞學校Victoria Shanghai Academy$158,900 - $201,42036.42%
19美國國際學校American Int'l School$112,000 - $138,400-1%

20沙田學院ESF Shatin College$122,900 - $129,10036.91%
21啟新書院Renaissance College$111,500 - $149,30351%
22香港澳洲國際學校Australian Int'l School$95,100 - $204,800350%
23基督教國際學校International Christian School$64,100 - $155,600-0%
24智新書院Discovery College$115,600 - $154,60034.60%
25Nord Anglia 國際學校Nord Anglia Int'l School$105,500 - 167,685-0%

參考資料1        參考資料2          參考資料3        參考資料4         參考資料5 

參考資料6        參考資料7          參考資料8

 

國際學校入學條件

國際學校主要係外籍人士嘅仔女,不過好多都歡迎本地學生申請。但如果想喺國際學校讀書,家長就要特別留意小朋友嘅英語能力,因為唔少國際學校都期望自己嘅學生不論係國際生定係本地學生嘅英語能力要接近流利(native)。為咗測試面試學生嘅英語水平,大部份嘅國際學校都會有英文入學筆試同即場面試,學生必須要通過咗先可以入讀,所以家長幫仔女報讀國際學校嘅時候要特別留意同儘早要訓練吓佢哋嘅英語水平啦。

英文能力固然重要,但家長同仔女都要留意翻每間國際學校各自嘅收生要求甚至係優先取錄條件。例如耀中國際學校,如果有兄弟姐妹喺耀中就讀或者係耀中校友嘅仔女,都會有被優先取錄。而某啲國際學校都會有地域收生要求,就好似沙田學院要求學生要居住喺新界同少部份九龍地區,住喺港島嘅家長就可能要另覓一間心儀嘅學校啦。

 

國際學校的圖片搜尋結果

圖片來源

 

國際學校招生程序

唔少國際學校都有自己一套嘅收生時間表,當中主要會分咗循環招生下一學年招生。循環招生一般係指全學年只要有任何年級有空餘學位,都會接受入學申請同進行分班測試或者面試(如啟歷學校弘立書院),如果通過咗就可以入學啦〜

而新學年招生亦都係國際學校最常見嘅收生方法,就好似英基學校協會(ESF),新學年將會喺9月接受入學申請 (留意翻Grade1同Grade7報名同截止日期都有唔同㗎),並會喺10月截止報名,如果逾期申請嘅話更加會排喺輪侯名單(waiting list)。要特別留意有啲國際學校更加係唔會接受逾期申請㗎,唔小心錯過咗報名日子就唔抵啦!

雖然唔同學校都會有自己一個嘅收生日程,但一般都係跟以下嘅時間,家長記得要密切留意心儀國際學校嘅網頁啦。

9月至11月接受申請及截止
12月至3月面試及測試
3月至4月公佈結果、交訂金/留位費

國際學校學制

唔少家長喺揀國際學校嘅時候都唔喺好清楚唔同學校所行嘅學制,而且都會對入學年紀同國際學校銜接嘅年級有所疑惑㗎!其實香港國際學校所行嘅主流學制有英國,美國同加拿大。行英國學制嘅學校要五歲先可以就讀一年級,而中學會讀七年,所以由小學到讀完中學一共要十三年。而行英國學制嘅國際學校都有分唔同考試類型㗎,例如公開試考IBDP(亦稱IB)嘅有英基、德瑞國際學校等;亦都有國際學校會考A-Level例如啟歷國際學校。

而美國同加拿大學制同香港學制一樣都係要六歲先可以讀一年級,小學同中學一樣都要讀十二年。美國學制考嘅考試類型係SAT,而行呢個考試制度嘅學校有香港國際學校、基督教國際學校;行加拿大學制嘅國際學校主要會行OECD同Alberta,而行呢兩個考試制度嘅學校例子分別有地利亞加拿大學校同宣道會劉平齋紀念國際學校等等。家長喺揀國際學校嘅時候記得要考慮埋佢哋嘅學制同入學年紀呀!

2020年度9月入學學生年齡英國學制美國/加拿大學制香港學制
2015年9月1日至2016年8月31日四歲幼稚園學前班幼稚園中班(K2)
2014年9月1日至2015年8月31日五歲一年級幼稚園幼稚園高班(K3)
2013年9月1日至2014年8月31日六歲二年級一年級小學一年級
2012年9月1日至2013年8月31日七歲三年級二年級小學二年級
2011年9月1日至2012年8月31日八歲四年級三年級小學三年級
2010年9月1日至2011年8月31日九歲五年級四年級小學四年級
2009年9月1日至2010年8月31日十歲六年級五年級小學五年級
2008年9月1日至2009年8月31日十一歲七年級六年級小學六年級
2007年9月1日至2008年8月31日十二歲八年級七年級中學一年級
2006年9月1日至2007年8月31日十三歲九年級八年級中學二年級
2005年9月1日至2006年8月31日十四歲十年級九年級中學三年級
2004年9月1日至2005年8月31日十五歲十一年級十年級中學四年級
2003年9月1日至2004年8月31日十六歲十二年級十一年級中學五年級
2002年9月1日至2003年8月31日十七歲十三年級十二年級中學六年級

 

國際學校學額

隨著家長對於國際學校嘅需求不斷咁上升,學校學額嘅競爭都非常激烈。其實唔少國際學校都會加開學額,截止2019年最新數據,國際學校中小學嘅學額合共有46388個,當中中學係有25012個,而每一間學校的位置都不一樣嘅,家長要睇翻心儀學校每一年調整嘅學位數量啦。

 

國際學校學費同債券制度

相信唔少家長都有聽過要讀國際學校除咗每年都要交學費同留位費之外,係要買佢哋機構嘅私人債券/企業債券/本金券去作為優先取錄機會,咁係因為大部份嘅國際學校都係以私人機構營運,係冇接受任何政府的資助嘅,所以發行債券係為咗學校基建或發展新課程項目而自行籌資之用。但要留意每間國際學校嘅收費形式同政策都會有所不同,例如債券嘅價錢、係咪可以喺二手市場轉手、債券係咪可以歸還、變賣債券嘅利潤係咪要同學校對分等等。家長亦要注意買咗債券唔代表校方一定會錄取學生而可能只代表會優先考慮仔女,所以家長喺買債券之前記得要好好衡量自己嘅經濟能力呀!其實本港仲有好多國際學校唔需要買債券而只係考慮入學成績,名聲都唔錯㗎,家長㩒落去「全港國際學校比較」就可以知得一清二楚啦!

總結

國際學校的學費昂貴,很多有一條龍服務,且不參與教育局統一派位,家長及學生在報讀之前應要了解清楚,以及估計自身的經濟能力是否可負擔學費。不過,國際學校課程銜接外國教育,對於想國外發展的家庭是個不錯的選擇。

 

 

 

【延伸閱讀】母語傳統名校 ─ 香港培正中學

【延伸閱讀】聖馬可中學

【延伸閱讀】【最昂貴的直資學校】啓思中學

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments