副學士,又稱asso。如果你係中學生,你聽到呢個名,會有咩感覺?如果你讀緊/過asso,你聽到呢個名,會有咩感覺?如果你係直接升U既大學生,你聽到呢個名,又會有咩感覺?坊間存在不少對副學士的偏見,「asso仔」「asso女」經常被標籤為失敗者。今天,Tutor Circle尋補告訴你,副學士其實是怎麼一回事。

 

入asso之前,小編我一直都係覺得asso係一個踏腳石,呢塊踏腳石越早脫離越好。最好就year1之後即刻升u,因為唔想經歷多2年好似DSE咁既日子。一年就夠了。現在,小編我係九龍灣既HKU SPACE讀書,身邊有唔少朋友係大學生,亦都有唔少朋友係讀緊其他學院既asso。以下小編會介紹下Asso呢樣野先,再分享下係HKU SPACE讀asso既經歷。

hku space的圖片搜尋結果

 

asso是什麼?

如果你讀緊/讀過asso就會知道,其實裏面既人大部分真係好勁,多數入去既都係果幾個原因:

  1. 中文2左,或者英文2左
  2. 有大學offer但唔想入果科,寧願入asso再升返入自己想讀既科
  3. DSE既制度真係唔適合佢,但本身既能力可能好高(例如F.3揀科已經揀錯左)
  4. 考緊DSE果陣痴左線
  5. 或者真係本身成績唔好。

換言之,asso仔讀asso,唔一定係佢地既能力差。

副學士

 

考慮升學時遇到既矛盾:
(以下都係小編個人意見,僅供參考)

 

1. 揀唔太鍾意既大學offer?定讀asso?

有大學offer固然好,問題係:唔太想讀果科啊嘛!小編身邊有朋友遇過呢d情況,有人揀u,都有人揀asso,不過結果就…有人歡喜有人愁啦~可惜,愁既係讀u果個,佢入左科唔鍾意既Business,一黎讀得真係好唔開心,完全無心機讀,GPA唔夠靚。二黎想轉讀其他科,但因為GPA個分又唔夠高,想轉又轉唔到。不能退也不能進。

asso果個無後悔,反而因為本身個底唔錯,讀asso攞靚grade成為一件好簡單既事。但同時就用多左一年時間。

2. High Diploma(HD)?Asso?有咩分別?

讀HD主要係為職業鋪路,比較職業導向d。Asso就真係為升學而讀。不過,都有人讀HD升到u,不過人數相對少好多好多。

3. Asso課程係咪讀翻DSE既野?

唔係,asso課程已經係讀大學既野,DSE果d十二篇啊,通識marking scheme裏面既答案啊,恭喜你,可以bye bye了!

4. 讀完asso之後升翻u,讀書方面會唔會好難融入大學原本既課程?

唔會。如上面所講,asso已經讀緊大學既課程,甚至更難。例如,小編係year1既sem1(sem 可以理解為學期)要讀某一科。但我地讀緊既,可能係大學既year1 + 部分year2既課程。而大學生要讀呢科要全年,即係2個sem,但我地1個sem就要識曬。

所以,係咁既情況下,asso升到上u既學生,好少會覺得難以融入大學課程,反而會覺得簡單,因為大學教緊既野,可能佢地一早已經讀左。都係因為咁,大學畢業果陣,你可能會見到好多asso升上去既學生既成績,比直接DSE升上去既學生既成績更好。
(順帶一提,呢個都係asso既優勢)

5. Asso係咪好hea/頹?

呢個問題呢~真係好睇你讀邊間學院既asso,或者睇你讀邊一科。有d學生係為過日晨而讀,有d chur過DSE考生同大學生,咩人都有。
(PS:通常越hea既學院,freerider越多。)

6. 係咪勤力就可以year1升翻u?

想讀asso year1就升u既條件有2樣:
1. sem1 成績要夠好,GPA最起碼要3.6
2. DSE果陣既成績唔可以太差,即係你可能只係失手少少都ok,不過普遍底分就唔好博啦。
以上2個條件缺一不可!

 

 

hku space

小編依家讀緊既係九龍灣果間HKU SPACE。事實上,SPACE有分2種,一間係何鴻燊果間,另一間就單純係HKU SPACE(比何鴻燊chur d)。2種既主要分別係學習風氣/學生態度,同埋科目數量上。至於SPACE有唔同既分校,分別係唔同科目係唔同分校上,例如中醫就係金鐘,nursing就係九龍灣。

 

1. 師資

可能讀緊大學既人就知道,大學老師其實好多都好hea,教書,對佢地黎講只係一份工作而已,同中學老師對比簡直係天淵之別。但係SPACE裏面既Lecturer呢,小編只能說:真係無得頂。雖然一定有killer,都有d比分比得鬆手,但論教學熱誠,佢地真係差唔多個個都有,比中學既老師多好多添。(可能係唔洗搞課外活動,可以專心教學啦)至於師生關係,一d都唔比中學既差。

論師資方面,其實SPACE真係贏好多大學,其他asso學院,同埋Thei果d。呢樣唔止係小編既個人意見,更加係好多SPACE既畢業生既感受。(都有教得一般既lecturer,但真係少)

2. 返學日程

我地既返學時間相對上比其他學院同大學既少,所以空閒時間算係較多,除左讀nursing果d。唔洗每一科都要take attendance,因為小編知道有d學院係好誇張,全部堂都點名,遲到少少係會被lecturer降grade,甚至唔幫你take attendance。呢樣SPACE相對上自由d。

3. 學校規模

雖然裝修好新,但其實九龍灣呢間SPACE真係幾細。mid-term都仲ok,但去到final exam,SPACE就唔夠位裝曬咁多學生,所以我地既exam,係九展度考架!而且去到sem中同sem尾,大家趕project,溫書都係學校,會成日唔夠位。

4. 清潔

係咪好奇怪點解無啦啦要講一間學校既清潔呢,因為!SPACE既整潔程度,係可以乾淨到令潔癖人士覺得非常安心咁乾淨!比個例子大家,每一堂完左,係每一堂,都會有清潔嬸嬸黎用濕布擦黑板。

5. 學習 & assignment 

無咩特別,差唔多每科3-4次assignment左右啦。

 

小編就分享咁多先,如果有問題想問,可以下面comment架!

 

 

【延伸閱讀】大學五件事 – 係咪要做齊先叫讀過U?

【延伸閱讀】台灣升學 – 台灣留學可能是「敗走台灣」

【延伸閱讀】cccu asso – 副學士黎講,cccu嘅優勢

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments