歷時3個月嘅DSE終於捱過了。文憑試過後,同學以為可以暫時放低心頭大石,但考完又有另一個問題要煩惱。萬一考得唔好,DSE放榜當日見到張成績表點算好?又或者以為冇事,但一出嚟發現大失預算,各科失手跌晒level點算好?Tutor Circle 尋補話你知DSE放榜當日應該有咩要準備!

1. 後備選擇

放榜出黎嘅成績有可能係你始料不及,所以最好就要就著唔同嘅情況準備(例如係唔同嘅分數嘅選擇,又或者主科考得差同選修科考得差嘅選擇)。準備好一個List之後,係放榜當日無論係咩成績都可以跟返之前寫低嘅後備選擇,即刻搭車去最心儀的後備之選。

招募應屆DSE畢業生成為兼職補習老師
DSE放榜準備
事先寫低你嘅後備選擇,隨時走人!

2. 基本個人文件

為左以防萬一一收到DSE成績表就要走,前一日一定要執齊一啲基本嘅個人文件,如下:

  • 身份證及多份副本
  • 證件相(半打起)
  • 中五、中六校內成績表正本及多份副本
  • 學生學習概覽(SLP)副本
放榜 準備 - bag
前一日記住執齊晒所有需要用到嘅文件。

3. 整齊嘅衣着

如果預左放榜當日要去其他專上院校面試嘅話,一套適合interview嘅衫係好重要嘅。如果返學校拎成績表規定要着校服嘅話,着校服去面試都得;如果係著便服嘅話,就會著得smart casual啲,尤其女仔千祈唔好着短褲,同埋都唔好踢拖丫!有個整潔嘅儀容面試都會加返啲印象分啦。

放榜 準備 - smrt casual
預左要去其他院校interview嘅同學記住要著得整齊啲。

4. 輕鬆嘅心態

無論預左自己考得好定唔好,放榜前一晚都唔好咁緊張,早啲訓教養足精神去迎接第二日嘅成績表。反而結果已定,早在4月考試嘅時刻已經定左落黎,即使而家咁緊張都冇用。反而真係一個唔好彩要即刻飛奔去其他院校仲要即場面試嘅話,頂住兩隻熊貓眼,都唔夠訓而集中唔到精神嘅腦袋去都唔好啦。

DSE放榜準備
前一晚唔洗太緊張,做足準備就早啲去訓,迎接DSE成果啦

總結

在此祝願各位考獲佳績,順順利利,放榜日亦無需舟車勞頓,可以與家人朋友一齊慶祝,放下心頭大石。而未能喜獲佳績嘅同學亦唔洗咁傷心,除左升學之外,其實仲有好多出路可以選擇的。

中六畢業出路指南針

延伸閱讀:

【Jupas 2021】大學聯招選科競爭 11大搶手課程名額收分一覽!

【Non-JUPAS】大學非聯招2021報名時間表及申請攻略

【DSE放榜貼士】給2021文憑試考生的6大提醒及注意事項!

【JUPAS策略】剩係成績好都唔得㗎!JUPAS揀科策略你要知

【DSE放榜2021】試行SMS發放成績 放榜時間、覆核成績安排一覽

【副學士課程】ASSO基本資料一覽 各大院校、升學及常見問題

即睇更多【Jupas攻略】!

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

留言