中學生可以做嘅暑期工選擇其實並唔多,始終返工時間唔長,唔似大學生開左sem都可以返part time,中學暑假又短,要搵工返都幾頭痕!所以,今次Tutor Circle 尋補就為大家介紹一下一啲大部份會請中學生嘅工,等大家可以參考一下,等各位學生係放假既時候都有方向去搵part time暑期工。

1. 侍應

呢個唔洗我多講,飲食業係最容易請中學生嘅暑期工。因為餐廳通常都需要呢啲短期暑假人手,只要表現得對飲食行業好有興趣,相信都好大機會請!

比個小貼士大家,通常侍應請人都唔會放招聘廣告係網上,因為餐廳冇呢個時間去做,所以暑假前直接問間餐廳或者睇下門外有冇寫住請人,係個十分好嘅方法。千祈唔好以為上網就搵得到咁多工呀!要試下揾下快餐店,好似M記、大快活等等,或者西餐廳中菜館都會請中學生暑期工。

時薪方面,侍應大約HKD$40-60 到。另外,都唔好兩三個人一齊去見工,咁樣會比到主管一個唔認真,似係黎玩嘅印象。

中學生暑期工 - waiter
飲食業長期唔夠人手,撞正暑假多左人消費就更加需要員工,所以即使係返短期嘅中學生都會請。

 

2. 倉務員

倉務員通常都比侍應高人工,常見嘅倉務員人工時薪介乎HKD$50-100。人工高啲,工作量亦自然大啲,倉務員通常都要出賣大量勞力,常見倉務:機場,葵涌貨運碼頭等。機場貨運暑假需要好多嘅人手,所以大家可以去打聽一下。

兼職網或者 Ig都有。要留意嘅地方係,倉務通常都只係請夠18歲嘅男仔,唔夠18歲好多時都唔會請架。

中學生暑期工 - 倉務
倉務員要求大量體力勞動,通常淨係請夠18歲嘅男同學。

3.文員

文員對比以上工種既工作量當然無咁多啦,大部分都係請人返黎入下資料同做下打雜,有時候可能幫老細做下跑腿咁。雖然有冷氣嘆,不過人工相對地較低。時薪介乎HKD$40-55。

如果你英文能力好嘅話,可以考慮應徵下中環office禮拜六日嘅前台咁,人工就會高啲!好多公司嘅招聘廣告係求職網都會見到,例加 Moovup, Jobmarket除此之外,兼職或者暑期工嘅文員競爭好大,而且好少請人。想做文員嘅大家就要mon實邊間公司請人喇!

中學生暑期工 - clerk
文員係office有冷氣嘆又有得坐,係好多中學生都想返嘅part time,但相對黎講比較少請人。

 

4.Sales

Sales亦都係一個唔錯嘅暑期工選擇,容易請人!因為售貨員都係長期缺人,但係日本牌子嘅公司好似Uniqlo同H&M咁,管制會多啲,佢地會要求你買500蚊佢地嘅衫,之後當制服!

好多大型商場好似SOGO會暑假請好多中學生去應付ThankfulWeek,人工$50左右。

人工方面,sales嘅人工其實都唔錯架,介乎HKD$40-80,都係視乎你邊間公司,做到名牌sales真係HKD$100都唔出奇架。如果女仔嘅話可以考慮下化妝品牌好似YSL、MAC嘅Part-time Sales;男仔嘅話就可以試下賣衫,好似Dickies, H&M咁。

不過就要成日笑臉迎人,所以都要有情緒管理。此外,Sales多數都有佣金分,小編都做過下相機Sales,人工再加佣其實對學生嚟講真係唔錯架!

中學生暑期工 - sales
唔想做飲食業嘅同學仔都可以考慮下做sales,都好易請人。

5.補習導師

你可能會問,唔係大學生先至可以幫人補習咩?起碼都要有張DSE成績表呀?如果你係中學既成績唔錯,你一樣可以幫小學或者初中既學生補習,而唔少補習社都會請高中學生去協助功課輔導班,尤其係鄰近屋邨嘅小型補習社主要都係幫佢地完成功課,對下答案,同睇住佢地!

其實除咗去補習社睇下有冇請人,你都可以係Tutor Circle 尋補申請做導師,我地會幫你配對學生,只係收首兩堂學費做中介費。其實不少小學生家長都想為小朋友搵個私補老師跟下功課、温下測驗。一個鐘大約係HKD $70-120 到。如果時間可以,開咗學之後你都可以繼續補,少時間得嚟又多錢,性價比直情係正啦!我地好多學生個案啊,快啲嚟申請啦!

中學生暑期工 - 補習老師
補習老師並唔係大學生既專利,中學生一樣可以做!

 

6. 臨時演員

周星馳係喜劇之王入面,都係由臨時演員(茄呢啡)開始做起,對演藝行業有興趣又想賺下外快?臨時演員就啱晒你。「精神啲,臨時演員都係演員」,有份參與電影戲劇既拍攝,仲有機會係大銀幕見到你,仲唔考慮下?

臨時演員通常會演學生、路人咁,其實做嘅野亦唔難。除咗電影或者電視劇,亦都有好多廣告拍攝。而且人工都好可觀,做嘅野又唔辛苦。小編中學嗰陣都有參與過廣告拍攝,幾乎齋坐幾粒鐘就有$400袋,真係唔錯㗎。坊間有好多炒散WhatsApp group或Facebook group都會張貼告示請臨時演員,每次都有唔同既需要(身高、肥瘦、性別、外貌等等),不妨自己去留意下。

中學生暑期工 - 喜劇之王對白
臨時演員下一步隨時一躍而上成為專業演員,下一個星爺可能就係你。

 

7.問卷調查員/派傳單

唔少公司都話請問卷調查員去訪問返客戶對公司既意見,係街邊請路人幫佢地填資料,之後再根據呢啲資料進行銷售;無論係街上面派傳單定係叫人填問卷,都係需要日曬雨淋,而且要遭受途人既白眼通常有少少服飾要求,例如係白T或者黑色短褲咁。

補習社、興趣班、餐廳、Event等等都會請人派傳單,所以都幾多職位空缺。而派傳單時薪大約係HKD $45-60 到。如果你想磨煉下自己既意志力,一試無妨!

中學生暑期工 - 派傳單
派傳單雖然辛苦,但人工會相對高少少,而且可以磨煉自己。

8. 寫Blog 寫手單


只要你有基本嘅語文能力,你都可以寫下做呢份工。其實唔少公司都會搵人寫Blog ,增加公司網頁嘅曝光率。我地TutorCircle 尋補都請啊!寫Blog可以用口語都冇問題,你又可以分享自己嘅經驗,好似係温書攻略、美食、旅行等等。而且可以坐Office Office嘅環境又舒服。如果你中意寫野,咁呢份工就絕對啱你啦!做blogger 嘅時薪大約係HKD $ 40-50 到。所以各位中學生,絕對歡迎你嚟TutorCircle 尋補小編做同事啊!!!

總結

今次中學生暑期工有咩揀就去到呢到喇,大家決定好自己想做咩工未呢?無論做咩工都好,最緊要安全第一,同埋要睇清楚啲合同先好簽約呀!比人呃就得不償失喇!

 

【延伸閱讀】面試技巧自我介紹 工作篇

【延伸閱讀】CV Resume分別 – 查完字典都係叫履歷,究竟有咩唔同?

 

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式