好多大學生都會做私補,原因係導師可以用好少嘅時間就賺到一筆唔錯嘅收入。而私補咁好賺都有人望之而卻步嘅原因就係「唔知點教」。例如:好驚教唔好個學生;唔知果個幾鐘做咩好;明明上堂教完佢,佢係學校果到又做錯等等。以上呢啲事都會令到有心教嘅導師感到沮喪。以下Tutor Circle 尋補就為有心做私補導師嘅讀者提供一啲小技巧啦。

1. 對症下藥

係第一堂之前,可以先係電話詢問一下點解你嘅學生需要補習,係呢一科上面佢有咩係識,有咩係完全唔明。然後再根據呢啲資料去決定教學內容。例如好似語文科咁,你嘅學生可能閱讀能力好高,但佢係說話分卷嘅表現較差,捉唔到拎高分嘅技巧。咁係課堂上就可以用少啲時間教寫作,多啲時間教說話。另外,導師仲要因應學生唔同嘅學習程度去為佢地訂下學習目標,同根據學生嘅程度去設計題目俾佢地做。

 

第一次搵私補唔知點做好?

即睇首堂準備攻略


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。
私補 點教 - 對症下藥
補習導師宜對症下藥,針對學生表現較弱的地方來改善。

圖片來源:心脏病- 寻医问药

 

2 .教完唔代表考試識做

呢一個問題成日都會係數理科出現。用數學科做例子,就係當你係堂上面教你嘅學生做一題數果陣佢係明嘅,但係去到考試果陣佢又做唔出。呢一個問題大多出自學生只係識係你嘅輔助下做岩果條問題,而當佢獨立做果陣就會唔識。

解決方法:係做題目果陣除左解題之外,亦要培養佢嘅獨立思考同埋解題能力,例如最簡單嘅就係見到keywords果陣條題目應該點樣做等。同埋最緊要嘅係放手俾你個學生自己落手落腳去做,唔好俾任何提示佢,可以俾佢地自己做出黎,咁就知道佢地識唔識同明唔明呢條題目。

 

私補 點教 - independent
除左一味傳授知識,導師都要比學生獨立思考,自己試下解題。

圖片來源:Twitter

 

3. 溫習+預習

去瞭解學生嘅最近嘅學習進度如何,最好嘅方法就係問下佢最近教到邊個課題,然後叫佢比最近嘅功課比你睇,又或者係叫佢即場試做果個課題嘅題目。然後根據佢做出黎嘅野,去同佢講番佢有咩不足。如果時間許可,亦可以幫佢簡介一下之後會教嘅單元,等佢係學校學習果陣比其他人更快更好咁掌握課題內容。

私補 點教 - revision
導師上課每一堂都有連貫性,同學生溫書返上堂所教,亦可以預習黎緊會教嘅野,幫助佢掌握。

圖片來源:webarchive.ncl.edu.tw

 

4. 閒聊

雖然私補最主要目的係學習,但係師生培養關係亦都係極之重要。因為佢會令課堂氣氛更加輕鬆,從而減輕私補學生嘅壓力。因為佢地放學之後仲要去補習其實都幾辛苦,所以假如將補習嘅所有時間都放黎學習到,反而會拖慢效率。再者,私補導師同學生之間嘅年齡差距大多數都唔會差好遠,所以營造亦師亦友嘅關係會比較易。

私補 點教 - friends
比起學校老師,私補老師更加同學生有朋友嘅感覺,師生關係良好亦會令同學更易於課堂受益。

圖片來源:兩岸時報總社

 

總結

最後,私補雖然唔易做,但係見到個學生係自己嘅教導下進步,其實係一件好成功感嘅事。而hea教其實呃人錢之餘,仲係誤人子弟,令一個學生失去左學習機會。所以各位有意想成為私補導師嘅話,一定要俾心機教好佢地呀!

 

如果大家想搵補習或者想搵補習學生的需要,不妨考慮搵Tutor Circle 尋補幫幫手,經驗豐富,信譽良好,免費服務配對,為學生提供最優質的私人補習導師。

 

 

【延伸閱讀】究竟揀男朋友難啲定揀補習導師難啲?私補老師一樣唔易揀!

【延伸閱讀】【補習Secret】私補男老師係原罪?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

留言