大學入學面試十分重要,尤其係Self Introduction!大學Interview一定離唔開自我介紹。應付面試,好嘅Intro可以比到人好嘅First Impression,點先可以好好介紹自己?今次Tutor Circle尋補小編就想講下自己對於大學面試嘅一啲心得,幫大家準備自我介紹,入到自己心儀嘅學科!

 

放榜之後,好多Interview都會係呢個階段出現,好有機會係一啲邊緣case,可能係兩個甚至三四個爭最後一個學位,所以係放榜後嘅面試比起放榜前更加重要,更加更加要做好準備。

 

1. 切忌過份讚揚自己

大學自我介紹 1
知你好犀利,但唔洗講曬出口。

好多同學仔係自我介紹嘅時候不斷講自己有咩叻,例如「I’m a hard-working student」、「I’m a friendly person」等等,唔係話讚自己唔好,而係齋讚自己會比人感覺好Hard Sell,有啲自大嘅感覺。
可以嘅話,應該用實例話比人聽你有幾Hard-working,例如係「I like reading science-related books in my free time.」等等,咁樣可以間接啲話比interviewer聽你係Hard-working,唔洗咁直接講出嚟。                                  同時都可以將自己嘅活動經歷融入去自己嘅Qualities裡面,好似話,I have participated in the Student Union of my school, which makes me learn to be a responsible person。
另外,大家亦都可以講下自己嘅缺點,不過講缺點都有技巧架,講一兩個就夠,同埋最重要嘅就係:講完之後要話比人聽你點樣解決呢個缺點,咁樣Interviewer就會覺得你對自己嘅了解好深,變相提升入學機會!

 

2. 講多啲相關學科嘅嘢

大學自我介紹 3
面試盲點之一!

呢樣都係好多人係大學面試忽略嘅嘢,好多時大家都會諗:「自我介紹姐係講下自己姐,講晒自己嘅學歷、性格就得啦。其實咁樣係大錯特錯!好多時Interviewer見人嘅時候,都係想睇下呢個人究竟有冇心入呢科,定係當係水泡。所以,大家係準備自我介紹嘅時候,記得加入一啲學科相關嘅元素入去。呢啲時候拋下書包,反而對你面試有優勢,等佢知道你係有心入呢科嘅。
大家可以參考我啱啱先嘅例子:
「I like reading science-related books in my free time. Recently, I read a book called XXXX….」
咁樣講下自己對學科嘅認識將會大大增加你嘅入學機會!

Science呢科收分唔高所以好多人都當係水泡,讀完出黎出路如何呢?

水泡科前路茫茫?

 

3. 為自己訂下短長期目標

大學自我介紹 4
show比人睇自己係有計劃既。

為自己訂下短長期目標可以增加印象分﹐試諗下,一個有具體目標嘅學生,同一個無咩目標嘅學生,你會揀邊個學生呢?其實已經高下立見,有明確目標嘅人可以比到人可靠嘅感覺,從而能夠提升人地對你嘅印象。大家可以係自我介紹嘅尾段講下自己嘅目標。短期嘅目標可以係入到science相關嘅學科,長期嘅目標可以係開一間科研公司等。不過,大家都要留意一下自己定嘅目標會唔會太浮誇,例如係短期能夠研究時光機呢啲,Interviewer聽到即刻同你講byebye!同埋呢一part盡量都唔好講咁長,都係一句起兩句止就夠。因為呢part比較天馬行空,可以任講,講太多都會比人有種齋講唔做嘅感覺,要適可而止。

 

總結

大學嘅入學自我介紹其實並唔難,最重要係有充足嘅準備,準備唔單止係內容方面,心態、心理等方面都需要有準備,千其唔好為咗個面試而捱夜呀!最後祝大家可以入到自己心儀嘅學科。

 

【延伸閱讀】中六畢業出路 指南針

【延伸閱讀】剩係成績好都入唔到大學!JUPAS揀科策略你要知

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式