講起個「學」字,相信香港人都好熟悉點樣去搵野學,因為係香港,補習、興趣班、投資班比比皆是。但係,相信文章嘅標題已經包含左兩個好少香港人唔多識嘅野:嶺南大學同哲學。既然係咁,筆者今日就講下大部分人都無興趣嘅哲學系啦。希望各位讀者透過Tutor Circle 尋補,尤其是DSE考生會對Ling U同埋philosophy呢一科有更多嘅認識。

1. 收生情況

基本上報讀嶺南嘅philosophy嘅競爭相較較低,根據Jupas嘅資料顯示,係近三年(2016-17,2017-18,2018-19)入面,最多人放係Band A嘅年份就係今年。但亦都只係有505位學生報讀呢一科。而放係Band A嘅學生,人數亦都比放係其他Band嘅低(即Band B – E中任何一個組別)。而更重要嘅係,係2017-18學年,28位收到offer嘅哲學系生中,只有10位係將佢Band A,甚至Band E都會收三個人。
由此可見,唔係特別有心想讀呢科嘅話,其實唔洗浪費Band A寶貴果三個位去報佢。

 

想知道Jupas排位有咩技巧?成績、興趣、前景要點樣取決?

唔止淨係成績 Jupas排位有策略

嶺南哲學 - philosophy
嶺南大學的哲學系競爭偏小,有部分收生自Band E。

圖片來源:公民行動影音紀錄資料庫

 

2. 少人爭即係唔勁?

根據2014年嘅大學教育資助委員會嘅研究評審工作顯示,嶺南大學哲學系有45%嘅學術成果屬於世界標准水平,係全港八大中位列第二。所以呢一科少人讀就未必代表佢唔勁。而係香港社會應該反思點解咁少有能力讀哲學嘅人到最終點解會報左其他科目。
我相信呢一個學系少人讀呢個問題唔係得嶺大先有,而係香港社會嘅風氣本身就令到大部分對哲學有興趣嘅人卻步。假設你係一個岩岩放完榜,考到幾粒星星嘅學生,然後同你嘅父母講我想讀哲學,你可以想像下佢地會有咩反應。

 

哲學出路係咪真係想像中咁差?畢業之後都係乞食?

哲學係香港究竟有咩出路?

嶺南哲學 - research
很多對哲學有興趣的考生因不願”浪費”高分而放棄。

圖片來源:European Network on Independent Living

3. 想讀又驚無位,點算?

假若係20分左右又矢志讀哲學系嘅學生,其實哲學系除左係聯招直接收生外,嶺大文學士(JS7100)亦都有機會係讀緊Year 1果陣揀哲學系做Major。而事實上,由於上文所講嘅問題,正常而言,哲學系並唔係要搶嘅科,所以唔洗過三爆四都可以讀到。所以,入到文學士其實姐係可以等於入到哲學系。

嶺南哲學 - relax
Jupas揀唔到哲學系嘅同學可以揀文學士,最終一樣可以讀哲學。

圖片來源:The Canvas Art Factory

4.課程架構

係八個sem入面(希望你唔好玩到defer啦),哲學系學生總共讀40個course,當中2科係普通話;4科係英文;9科大學共同核心課程;9科哲學必修科(選科過程較為複雜,但簡單而言就係有3科必需修讀,然後餘下科目則係10科入面選讀6科);7科哲學選修科(大概50科中選擇7科修讀);9科自由選修科,當中可將5科轉換成exchange一個sem。

嶺南哲學 - think
唔同嘅大學有唔同嘅課程架構,同學宜比較適合自己嘅。

 

總結

最後,雖然筆者批評香港嘅風氣,但筆者亦明白香港人嘅壓力,所以筆者並無話邊一種人會比較高尚,因為一切都係個人選擇。有意深造哲學嘅同學,除左享負盛名嘅中文同港大外,亦不妨考慮一下嶺大,雖然收生分數較低,但其哲學系被評為全港第二,除左學校名氣同可以比較一下學科嘅架構。

 

【延伸閱讀】嶺南大學 中文系 – 走在語文路上

【延伸閱讀】人類 學 出路 – 想入中大人類學麻煩入一入黎

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments