咁多位同學仔,又到咗選科嘅時間喇!好多同學仔都會擔心前途嘅問題,家長都唔例外。中三選科出路問題其實對於中學生嚟講係比DSE更加重要!

點解咁講?

因為中三選嘅科會直接影響到同學仔嘅DSE成績,如果唔中意又勉強揀嘅話就會好容易考得唔好。再者,中三選科亦都會影響到大學嘅選科策略,甚至係關乎前途同出路!!所以咁多位同學仔係中三選科嘅時候一定要謹慎,諗清楚先好選科,否則一失足成千古恨。Tutor Circle尋補話你知選錯科真係會改變命運。

文科出路

中三選科出路 1
文科出路有幾多?

係香港,文科主要有中國歷史、中國文學、倫理與宗教、地理以及世界歷史等學科。所謂文科,係指研究人類社會的政治、文化等作為研究對象嘅科目,簡單啲講就即係研究人類社會。

而選修文科嘅話,係香港嘅大學裏面可以簡嘅科都有好多,好似語言學系(英文、中文、日文)、心理學、歷史學、考古學、新聞學、社會學等等嘅範疇。感覺上,文科嘅科目都較以興趣為主,聽起上黎都好似好得意咁。

不過,係香港,例如某啲文學科,好似歷史學同考古學,佢地嘅出路會相對起讀商科嘅同學來講比較窄。一嚟香港好少有考古嘅團隊又或者係公司,二嚟香港市場以商業市場為主流,對於有「文化沙漠」之稱嘅香港,發展空間其實好有限。

而文科比較多人簡嘅係傳理學同社會學,傳理學類似係關於新聞嘅科目,出到嚟可以做記者、編輯等工作;而社會學簡單啲嚟講可以做社工,做到政府嘅社工人工都唔錯架,前景同出路都幾好。

 

理科出路

中三選科出路 2
理科吃香但又啱唔啱你?

理科主要有生物、物理、化學、組合科學同綜合科學。眾所周知,讀理科對於大學選科嚟講可以話係萬能。換句話講,只要理科考得高分,係大學有超過八成嘅科係可以揀到!
不過揀理科當然有好有唔好啦,唔好嘅地方係計數方面會較多,如果唔叻計數嘅我建議儘量都唔好揀。

但係如果要係大學簡理科嘢讀有咩科揀呢?最吃香嘅緊係醫科啦,除咗醫科呢啲神科之外,工程科好似土木工程嘅出路都唔錯,中意計數嘅可以讀統計學,出到嚟做marketing research或者數據分析都幾吃香同高人工。另外護理學都係一個幾好前景嘅學科嚟架,依家護士供不應求,人工自然水漲船高啦,當然相信大家唔係淨係為左人工高而做護士,對醫學科有興趣嘅話,同想係醫學方面發展嘅大家都不妨考慮下!

 

商科出路

中三選科出路 2
商科搵錢,但都有好多考慮因素

商科主要嘅科目包括BAFS企業、會計與財務概論、經濟同旅遊呢三科,而BAFS企業、會計與財務概論當中會分為會計同商業管理。係大學可以揀嘅科當然無理科咁多,不過都唔差架。

常見又吃香嘅商科緊係要數會計同環球商業啦,不過雖然呢兩科前景好,但係要數最辛苦嘅工,都莫過於會計師同ibanker!會 計師嘅工作時間可以話係所有工種之中最長嘅一個,除此之外,成為一個正式嘅會計師唔單只係要大學畢業,仲要考會計師牌!不過,一分耕耘,一分收穫,如果做到合夥人,人工倍升!而ibanker亦都係一個爆肝工作之選,當然啦,人工都係極高嘅行業。

除咗呢啲神科同半神科之外,商科仲可以揀市場學、人力資源學、物流學等等。當然啦,呢啲科嘅人工緊係無神科半神科咁高人工,可能一出路只有萬零,做到管理實習生MT人工可能去到二萬至三萬!不過商科可以比到您嘅係人溝通技巧同人際關係,對於出路嚟講其實都係值得考慮架。

 

總結

睇完三個主要學科嘅大學選科同出路,讀緊中學嘅大家會點揀呢?不過係考慮前途嘅同時,大家都要量力而為,要睇下自己係咪真係有呢個興趣讀,唔係嘅話就算前途幾好,讀唔到大學都係無用架!

 

【延伸閱讀】被書海埋沒 ?—— 中國文學科攻略

【延伸閱讀】商科 – 係咪真係咁好讀?

 

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments