DSE放榜成績唔理想,好多時都會覺得前途迷茫,唔知應該點好。亦都會有人想試下重讀中六,不過大家係重讀嘅時候都要有所準備,唔可以毫無目標同準備就話要重讀。所以,今次小編為大家準備咗一啲重讀要考慮嘅嘢,等大家可以三思。Tutor Circle尋補話你知重讀中六係咪咁簡單!

重讀目標

呢一點係非常之重要,如果無清晰嘅目標就話要重讀,可能最後都係徒勞無功,嘥錢又嘥時間!所以一個清晰嘅目標對重讀係十分之重要,咁點為之目標清晰呢?比一個最簡單嘅例子啦!大家可以以自己心儀嘅學科做目標,例如係中大經濟咁,再睇下自己個分同佢個mean差幾多分,跟住落黎你就要決定重讀邊一科比較有信心,咁樣做嘅話自自然然就會有個更具體嘅大目標,例如係數學科要升到5**咁。除咗大目標之外,小目標都係唔可以缺少嘅部份嚟架!我建議大家係重讀嘅時候,每月甚至每日為自己定下一個小目標,例如係每日要背50個生字咁,只要有咗呢啲小目標而你又完成到嘅話,讀起書上嚟就會事半功倍啦。

 

重讀中六

無目標,唔好重讀!

設計時間表

好多時重讀生都係只會重讀某幾科,例如係會計、經濟咁,咁樣佢地唔洗上堂嘅時間就會多咗。不過,如果唔好好地設計自己嘅時間表嘅話就好易變得懶散,生活同學習就會變得好無規律,變相就會打擊自己嘅士氣!所以一個好嘅時間規劃係對重讀有長遠嘅好處,透過時間表,大家可以提醒自己適當嘅時間做適當嘅嘢。大家要記住呀!唔好定咗個時間表就算呀,一定要記得緊遵自己定落嚟嘅時間表,按住時間表黎進行,唔係就會變到得物無所用,重讀就會失敗架喇。

重讀中六 1
時間表係你必須要有既野。

 

平衡心理

呢樣亦都係重讀生成日忽略同感到氣餒嘅一點。由於心理上,重讀生會因為自己入唔到心儀嘅科目而覺得自己係失敗者,漸漸就會失去咗動力同決心,變得一蹶不振。有啲重讀生會係重讀嘅中途感到迷茫,望住中學同學同朋友嘅ig,個個都係到享受緊大學生活而自己仲係重讀緊,內心總會有啲唔開心同擔心。

對重讀生嚟講,平衡心理係十分之重要,當大家想放棄嘅時候問下自己當初點解要開始?點解要重讀?當你搵得番自己嘅目標嘅時候,唔好理其他人點諗,所謂大器晚成,即使係慢過人起步,但係大家最後都係拎到同一張沙紙。

唔好以為自己係一個失敗者,可能重讀嘅經驗令你更珍惜讀書,對書本上嘅知識都會更加深刻,入到大學之後可能成績更加優秀!

重讀中六 4
心理質素決定成敗。

 

Tutor Circle尋補Telegram用戶現可享獨家免費教學資源,逢星期五發放,助您輕鬆指導學生!發放時會在instagram story公布,唔想miss左?Follow我地Tutor Circle尋補IG啦!

立即加入導師TG

 

總結

致咁多位重讀生,重讀唔代表係失敗!重讀係為更美好嘅將來鋪路!各位如果真係決定左要重讀中六的話,就真係要好好咁安排同編排自己嘅時間,好好珍惜時間溫書!

 

如果大家係重讀中六嘅時候有補習的需要,不妨考慮搵Tutor Circle尋補幫幫手,經驗豐富,信譽良好,免費服務配對,為學生提供最優質的私人補習導師,助你入大學。

 

Tutor Circle尋補Telegram用戶現可享獨家免費教學資源,每星期五定時發放,協助您輕鬆指導學生!發放時會在instagram story即時通知,想第一手知道幾時會有TG會員獨家教學資源,可以Follow埋我地Tutor Circle尋補IG,禁就唔驚Miss左啦!

立即加入導師TG

 

 

【延伸閱讀】中六畢業出路 指南針

【延伸閱讀】CCCU ASSO – 副學士黎講,CCCU嘅優勢

 

此文章純屬 Blogger 個人分享,並不代表本網誌立場。


 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

Comments