【人類學出路】想入中大人類學麻煩入一入黎

Post author:banana bro
Post category:JUPAS/ Non-JU攻略 / 升學出路
Post published:2019-01-16
Post last modified:2019-01-16

JS4006係全港暫時唯一一個主修人類學既學士課程，1980年由中文大學開設，因中大係文化呢方面有一定底蘊同歷史，有足夠實力開辦人類學，例如中大文學院本身已經有文化研究、歷史、哲學、文化管理等等既學系同配套。今次Tutor Circle尋補就想講下人類學出路，拆解下呢科讀咩啦！

人類學讀咩？

根據中大人類學既介紹，「人類學是研究人及其文化的學科。人類在不同環境中創造出不同的社會、政治、經濟制度和宗教體系，而人類學者則通過比較研究，找出這些文化制度之間的異同，從而探求人類存在的本質。」

可唔可以具體少少？

冇問題。故名思義，人類學就係研究人類，中大既人類學主要著重研究文化以及歷史因素點樣影響人，例如課程既必修科就包括左《人類與文化》、《認識考古學》、《田野考察》等等。同時中大人類學亦都歸屬文學院，可見課程比較偏近文科。當然，社科同科學既理論人類學都需要用到，生物科學、行為科學、社會科學都一定會接觸到。
人類學出路

咁讀完4年我會學到啲咩架？

根據中大人類學既說法，人類學可以比同學

認識世界文化的多樣性和人類的共通性;
瞭解人類學科的各個領域，並能運用所學的知識去思考;
認識考古學，並可運用其資料與方法思考;
掌握並運用人類學理論分析社會文化現象;
能夠運用人類學的工具和視角，設計和執行各種項目;
能夠以人類學的思維方式，敏銳地對世界和自身的社會進行批判性思考。

簡單啲講，即係可以多一個切入點去認識人類社會，從佢地既行為、文化、風俗認識一個群體，而且識得整理資料同數據去歸納一啲觀點（呢一種技能係文學院必備），而且會學到唔少歷史，建立人類學思維。

講到咁勁，咁我可以搵咩工先

人類學出路
恭喜你，讀完4年之後，你既思維同埋批判力好清晰，我相信你而家睇唔同事物都會聯想起人類學思維，同埋最重要就係你有中大既degree，可以去搵好多唔同既工重，例如

政府工
紀律部隊
商業機構
老師（要考PGDE）
繼續進修，走學術路
銷售行業
etc…..日本研究出路 – 為興趣讀完出黎可以做乜野？

其實真係邊行都做得，因為你係人類學已經練就左一身好內功、清晰思維，你第日去到邊做野都會事半功倍，雖然好多專業既工種(STEM)係冇辦法入行，但如果你志在個啲專業工種，你都可以選擇去讀返相應既學位，呢4年唔會白白浪費，因為你既學習能力已經比一般人提高左不少！

總結

如果你對呢人類同歷史好有興趣，而且你想了解更多人類行為同文化，你就適合呢一科，千祈唔好因為呢科唔係專科而唔揀，所謂專科只係講緊你用大學個幾年時間去準備你既工作，但你畢業後仲有40年時間去準備你既工作同努力打拼，而人類學注重係思維上既準備，亦都一定會幫助到你未來追尋自己既夢想，加油！

【延伸閱讀】日本研究出路 – 為興趣讀完出黎可以做乜野？
【延伸閱讀】文科出路 – 大學文科生，大概都是冒著變成乞丐的風險入讀的

此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵一個合適既私補老師

DSE讀得咁辛苦，想活用知識黎賺下外快？

想搵好多好多私補學生

緊貼尋補 Blog、Facebook 同 Instagram，尋補？Tutor Circle！

Z世代修辭手法 Ocamp
英文補習上莊中文補習議論文
 slp smaple 補習網數學補習
 大學五件事綜合格式