年年嘅中六學生都一定要煩嘅,就係JUPAS揀科究竟點搞好,排位點排先最大機會中 其實點都有啲策略幫到你嘅〜有煩惱不妨睇下Tutor Circle尋補呢篇blog幫唔幫到你

必去大學OPEN DAY

為左幫助中學生更加了解每間大專院校嘅課程同校園特色,係每年大概9月尾開始就會搞OPEN DAY,每個department分別都會擺booth,派發一啲介紹課程嘅資料同刊物,亦都會有就讀緊個個課程嘅學生,甚至係教緊個課程嘅tutor都會在場,等同學可以問下相關嘅野,而佢地亦都可以用最切身嘅經驗黎解答同學嘅疑問,同時當日你都可以參觀下個校園,睇下岩唔岩你心水,當做個入U心理準備都好〜所以如果你覺得自己手頭上嘅資訊唔夠,絕對要去下大學嘅OPEN DAY,問下可能係你未來嘅組爸組媽嘅人,攞多啲資料幫你做抉擇

JUPAS 策略
圖片來源: Poly U

興趣定前途行先?

好多中學生都會糾結呢個問題,不過本人相信,十個有九個嘅過來人,都會話唔需要糾結呢個問題,因為必然係興趣行先,最簡單嘅原因,勉強無幸苦,同拍拖一樣道理,就算個男仔係高富帥又對你好好,係你可能會有啲心動,但原來你對佢無感情,你又點捱到對佢一世呢 ,揀左科你無興趣嘅,大學四年好易變地獄,讀得辛苦又讀得唔好,就算係好有前途,出到黎做左個一行,分分鐘會令你厭惡而最後都係辭職……所以記得以興趣為先,唔好浪費大好青春係自己唔鐘意嘅事上面,要無悔呀!

JUPAS 策略

誠實面對自己

可能你會心諗:下關咩揀科事 ? 話你知,絕對關 !因為你要面對自己嘅能力,唔可以太高估,都唔可以太低估自己,誠實面對自己可以係DSE攞到幾多分,而唔係估估下,先可以排到一個有利於你入U嘅揀科次序架嘛〜所以最好就揀到一科你有興趣又有頗大把握嘅科放band A,咁就真係皆大歡喜!如果好kick手,有興趣嘅發覺努力完都入唔到,而你又覺得呢科/行業真係你人生夢想,不妨花多啲時間,轉多幾個彎,或者可能暫時放棄degree,由asso甚至係其他專業課程讀起,慢慢再向上升,都未必係壞事黎架。

JUPAS 策略

簡而言之,做research,自己意願行先,唔好俾人左右你嘅想法,jupas揀科排位就piece of cake啦!

 

【延伸閱讀】大學揀科—-理想定現實?

【延伸閱讀】大學資訊日 之謎?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

Comments