呢篇文主要講DSE中史既syllabus既溫書方法,如果你係想知道初中中史既野,相信內容都會有一定幫助。中史補習較為人熟悉既有Shinno Choi,後起之秀有Lori Tsang,好多人都認為中國歷史出去補習攞好多skills同雞精notes就可以讀得冇咁辛苦,但事實又係咪咁?

筆者用左半年時間由零開始自修DSE中史,冇補過任何中史補習名師,手上既資源有教科書、4年既DSE past paper、同埋舊版教科書,同時兼顧考中文數學bafs,最終中史攞左level 5,入讀中大歷史系,同Tutor Circle 尋補一齊睇下筆者溫中史既小小心得。

切忌依賴他人

學習永遠都係自己既事,如果諗住比錢假手於人就可以溫少啲既話,咁就大錯特錯!就算比左錢去補習,你都要非常勤力去溫書同埋補習既materials,咁我既問題又黎啦,既然補唔補習都要溫咁多書,點解我仲要去補習呢?

中史 補習 - teacher
有部分學生報左補習班之後就諗住依賴補習名師。

 

整理、歸納、理解、濃縮

因為手頭上既資源有限,冇一啲名師既精華筆記,唯有就每日對住教科課,整理一次重點,再佢歸納成自己理解到而又簡潔既文字,是為Jot Notes。整好自己既notes之後,每次再睇到一啲新既內容或者正既史料,就會再加入去呢本手抄notes。因為係自己整既notes,所以記憶會更深刻;另外因為我既知識係由一開始最簡單直接既課本內容一直慢慢加啲例子深化上去,所以一路讀落去都會好順暢;之後每次再睇返notes,就會不斷濃縮,甚至用更簡單既方式令自己記住,呢個過程好正,補緊名師既你未必體會得到。筆者用半年時間由零開始,所以時間對你黎講絕對唔係一個限制,除非你聽日考今日先睇到呢篇文。

 

善用間隔記憶法

所謂間隔記憶法,Spaced Repetition,即係話要透過重複學習去深化記憶,將短期記憶塑造成長期記憶,因為人既大腦面對資訊一次之後就會好快唔記得,但如果你重複接觸既話就會記得好耐,就好似學生字咁,你記一次,好快就唔記得,但之後你就見多2,3次,好快就變左你既詞彙。

 

間隔記憶法:學習當日、學習完既一日、兩日、四日、八日、一個月、三個月,將資訊學習一次,就會非常入腦,而你整一份屬於你自己既notes就更有效,因為唔洗學習都對住書中海量既資訊,自然會更有動力溫習。

 

中史 補習 - memory
中史科要記嘅野好多,善用間隔記憶法黎背熟內容。

 

多做題目

做題目嘅目的

  • 練習寫字速度
  • 對題目更敏感
  • 提升諗points速度
  • 練習拓展既內容
  • 將例子學以至用

做題目一定要count時間做,唔好比自己慢慢諗,即使你可以慢工出細貨,但去到實戰根本唔會有時間比你慢慢寫,一定要係平時培養到承受壓力既能力,迫自己諗野快啲、寫快啲,就係憑住平時既壓力測試,最終筆者係遲到15分鐘既情況下仍然可以提早5分鐘完成對卷,咁當然大家千奇唔好學筆者遲到啦,咁就有充足嘅時間完成試卷。

 

聆聽他人意見

如果你擔心自己做完題目要改善既地方係邊,你可以做多啲題目比你既中史老師改,筆者都會做題目拎返去比母校既老師改,老師比既意見可以睇到好多好睇唔到既盲點,等我知道可以點改善,同拓展既方向等等,又或者可以請私補老師幫你改題目,等佢比啲星級意見你,最緊要就係要聽多啲人既批評,虛心接受,加以改進,相信你都可以成為下一個5**。

 

總結

中史呢一科唔一定要出去補習靠人,都可以靠自己嘅努力溫下書,提升一下答題技巧,只要肯比時間同心機,中史科嘅成績一定會有進步!最後都祝願各位DSE考生考試順利,勇奪佳績!

 

如果大家有中史補習的需要,不妨考慮搵同Tutor Circle 尋補幫幫手,經驗豐富,信譽良好,免費服務配對,為學生提供最優質的私人補習導師。

 

 

【延伸閱讀】中學 補習 – 為甚麼我們都在補習

【延伸閱讀】通識補習 補到通通都識?!

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments