英文唔係大部分香港人嘅母語,所以學起上黎有困難都係無可避免,學到英文好似鬼佬咁就當然無得彈,但作為準備考DSE嘅你,究竟英文可以點補、點搞、點揀私補老師先係最有效嘅急救呢?Tutor Circle尋補今日就同大家睇下英文科補習既一啲小貼士,希望幫助到有意改善英文能力既各位。

1.「鬼佬」導師未必好過本地人?

正常人嘅心理應該會覺得:人地母語係英文,佢地教就一定無死啦!但諗深一層先,人地正正就係因為母語係英文,好難去明白香港人學英文會有咩困難!甚至好多母語係英文嘅人,對於DSE好著重嘅grammar同埋academic啲字,認識未必係咁深,即係香港人講廣東話,有時都唔知某啲詞係點解或者點寫,加上大部分嘅在港外國人都未必有考過DSE,唔清楚DSE對於學生嘅英文有咩要求,變相可能無咩機會學識/練習英文考試所需嘅技巧!不過你如果係想學習accent,或者一啲不論係日常生活定考試都適用嘅說話技巧,咁母語係英文嘅人就一定幫到你,到時就唔洗成日淨係識講 I totally agree with you 啦。

英文補習 - 英文補習老師
外藉導師對於本地學生既認識較淺,未必了解學生學習既難處。

 

2. 補考試技巧定補英文?

其實在於考DSE黎講,小編係真心認為技巧大於英文。當然唔會話你英文好對考DSE都無用,但對於英文稍為弱嘅學生而言,技巧就係幫大家攞分嘅工具!例如係reading,如果識得睇段落嘅頭尾get段落大意,其實中間未必每隻字你都要明,或者考listening,識得一早將幾頁嘅資料分翻開係邊題岩用,就可以節省好多時間。所以不論你英文係好定差,補習嘅時候不妨花多小小時間學翻/練習下呢啲技巧,咁考起上黎都輕鬆啲啦。

 

英文補習 - Skills
雖然話英文既基本功好重要,但要係DSE英文科考得好就可能需要一啲skills。

 

3. 狂操卷是常識?

小編係絕對唔否認操卷可以幫助成績增長,但本人都幾相信操卷係幫你熟習左個考試模式,而唔係大力幫你提升左英文能力,如果補英文唔單止係為左應考DSE,而真係想英文進步,不妨補習個過程試下同導師用英文對話,令聽、講都可以進步,或者同導師講下,希望佢提供多啲DSE以外嘅文章,例如係報紙雜誌,甚至推介啲好睇,內容又岩你程度嘅英美節目/演講,好似TED,係上堂個時分析啲字可以點解、句子可以點寫等等,咁就開開心心學好英文,又可以考好DSE。

 

英文補習 - Past Paper
講到past paper香港既學生一定唔會陌生,基本上所有科目都係靠操。

總結

要學好英文一定唔係一件容易既時,需要長年累月既進步先可以改善英文,或者考試技巧助你係考場得分,Tutor Circle尋補有大量英文補習老師,填form即時幫你配對學生,1日之內幫你搵老師!

想搵 一個英文科既老師

【延伸閱讀】大型補習社定私補好?一篇文講晒各自既優劣!

【延伸閱讀】普通話 學習 方法 – 自學語文系列(1) -「千里之行,始於足下」

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

Comments