自從發現有左bb之後,d錢用得快到倒水咁倒💸

又要做test又要照超聲波,由個陣開始我就知道係時候要搵地方慳錢了…

幸好既係我d朋友/家人比左海量既二手bb衫我地,我地又唔介意卡樂b著二手衫,一來係福氣(聽人講話因為其他bb著過,之後再比呀仔著既就會保佑呀仔快高長大)。二來既係慳唔少錢,大家都知bb野出名貴,加上bb大得快,d衫好快就唔岩著,如果著2/3個月就要買一批衫,荷包都真係幾痛。三來既係環保d,好多時因為著得2/3個月既關係,d衫其實都好新,所以收二手bb衫其實都係一個唔錯既選擇來!

尋補Campus Marketer計劃

BB好物推介

BB好物推介

但如果有d爸爸/媽媽/長輩介意收二手衫既點算呀?其實都有方法既,Uniqlo 既bb衫就幫到大家啦! 利申:不是廣告

Uniqlo既bb衫質地好好,加上d碼都好齊。同埋Uniqlo間唔時就減價,我試過減價個陣買,$19一pack,一pack仲要兩件,係咪好癲!所以等佢減價個陣大手掃貨其實都唔錯架~

同場加映!性價比極高既換片床~

bb除左食同訓之後,就係屙。屙呢個動作都佔左佢好多時間,所以有一張換片床係方便d既。
我見到坊間有好多唔同質地/價錢/款式既換片床,有d都幾貴下,要幾百甚至成千蚊!我地真係買唔起…

有日我發現原來IKEA都有換片床,仲要有兩款!最後我地買左呢款… 利申:不是廣告again

BB好物推介

用落發覺好好用!一,佢係膠造的,有任何污糟可以直接沖洗。二,佢好平,就算爛左要掉都唔會肉赤。三,始終bb唔會長期需要係換片床度換尿片,所以更加唔洗用一舊大錢去買貴野。
(小tips: 如果大家真係有興趣買呢款換片床既話,你會見到有一個換片床既套,姐係IKEA既護嬰墊布套,如果見到既千其唔好買!因為我地有買到,亦都有用到,但用落發覺換片個陣好易會整污糟,變相要洗多一樣野,所以之後我地都無再嚕~)

今次既分享就去到呢度先啦~

另外亦都十級強力建議大家去埋我其他既social media度睇下啦,會睇到我地同bb互動既小片段的🤪

 

延伸閱讀:

【口水疹】終於都明白咩叫 “傷在兒身,痛在娘心…”

【親子專欄】媽媽Blogger Frida 自我介紹

 


*此文章純屬 Blogger 個人分享,並不代表本網誌立場。


一個90後/鐘意拍片/貪靚既新手媽媽。歡迎係IG • FB • YouTube搵我啦~

留言