【補習老師】找補習老師注意7大特質最多人忽略XX而中招

banana bro, 3 months ago 1 min read 4310

私人補習愈來愈普及，許多家長都會幫子女找補習老師，但私人補習老師的質素參差，不同老師的教學能力和性格都會影響到教學質素及學生的學習進度。要找到個好的補習老師真的不容易，遇上不適合的補習老師，既浪費時間又浪費金錢！到底何謂一個好的補習老師 ? 今次Tutor Circle 尋補替大家歸納了補習老師應有的7大特質，希望可以幫到緊張子女成績的家長找到高質素而適合子女的補習老師！

1. 科目成績優異

第一，要識得教人，當然補習老師嘅成績方面都要有返咁上下實力先得啦。教高中嘅話最好緊係要公開試個科攞星，教初中或小學嘅話起碼都要合格，識啲基本野。學生有唔明白嘅問題，補習老師應該都要有能力同有責仼教識學生；家長都有必要知道導師既資歷，所以補習老師有相當嘅資格或者證書，就可以量化自己能力，揾補習個案都會易啲。如果補習老師自己都讀唔掂，仲邊到有資格教人呢 ? 相信呢一點大家都知，所以呢個只係一個基本門檻，有唔代表佢係一個好補習老師，但冇嘅話都幾難係一個好補習老師。想確保有一個成績好好嘅補習老師？Tutor Circle 尋補高中學生配對5*及5**率超過90%，係科目成績優異嘅不二之選。

想即刻搵導師！

2. 能清楚解釋概念

第二，呢一點非常重要，好多時候我地會有個錯覺，以為只要補習老師成績夠勁，就一定教得好。但事實並非如此，識讀唔代表識教！讀得好，係代表補習老師有好嘅理解能力，但教得好，係講求傳送訊息同教人嘅能力，兩樣野係唔同架。要教得好，一定要識得將複雜嘅概念簡化，深入淺出。另外，補習者師都要嘗試代入學生嘅角度，明白學生係咩階段會對咩概念唔清楚，先可以令到完全唔識嘅學生都聽得明成件事。除此之外，靠組織同歸納幫助學生理解都十分重要，大家真係要留意呢一點。

3. 耐性

第三，每個學生理解事物同埋知識嘅方法，仲有吸收速度都有所不同，補習老師有時解釋左一兩次都未必有辦法幫到學生理解成件事，甚至成日會諗：「你禁簡單都唔明？！」其實大家嘅知識本身水平就有差異，學生未必跟得上導師嘅理解速度，如果呢個時候冇耐性去解釋或者因此而責備學生，雙方壓力都會加重，學生都會因為禁樣對學習失去信心。要逐步幫學生由完全唔識到理解，有時係需要不斷重複同犯錯。如果補習老師如果缺乏耐性，但又唔搵方法教到學生明白，咁呢個真係唔算一個好好嘅補習老師。

4. 了解學生需要

第四，私補最有優勢嘅地方就係個人化。補習老師透過一對一或者小班教學，可以清楚了解學生需要同問題所在，然後locate resources 作針對性改善。例如：學生原本既能力可達公開試嘅Level 5，而且想考到更高等級，即係原本學生對該科嘅知識已經有一定學識，禁私人補習老師就可以根據學生嘅程度，準備相應教材，著重針對同加強較深入嘅課題或考試技巧。另外，好嘅補習老師一定會時時刻刻留意學生係咩位卡住，有咩位唔係好掌握到，分析返要點樣進步，做啲咩練習，呢點就係點解好多人會選擇搵私補嘅原因。延伸閱讀：【通識補習】補習名師選擇 & 話你知溫習小竅門！延伸閱讀：【DSE Maths Cut Off】有效温習大計！

5. 良好溝通技巧

第五，唔同上面嘅解釋概念，呢到嘅溝通技巧係講補習老師點樣同學生進行有效溝通，了解佢嘅興趣、學習需要、心情、性格、習慣等等，咁就可以更加了解個學生。例如學生本身有欠自律，補習老師就要用強硬少少嘅態度去安排功課，如學生本身比較有紀律，就可以減少堂上去做practice嘅時間，集中教一啲新野。透過溝通了解學生多一點，針對性禁樣調教自己嘅教學方法同材料，禁樣教學嘅效率都會更高。

6. 有責任心

無論有幾咁豐富嘅知識都好，如果導師連一個人嘅基本操守同品格都唔好嘅時候，就唔應該用。

第六，呢一點好重要，冇責任嘅補習老師常可能會甩底、冇準備、遲到、失蹤等，呢啲行為嚴重影響左學生嘅學習進度，亦都會引起家長嘅不滿，甚至會令到自己失去左呢份補習個案。對住冇責任嘅補習老師一定唔可以心軟，快啲換一個啦！一個冇責任心嘅補習老師係唔值得你花時間同金錢係佢身上㗎！

7. 課堂安排

最後，補習老師對課堂安排有冇準備都好重要 ! 因為上堂嘅時間已經唔多，如果補習老師冇安排過要教啲咩，只係被動咁係到等學生提問，有啲咩唔識先問，呢啲只可以叫功課輔導班。好嘅補習老師應該要有事前課堂準備，掌握好每一堂嘅內容同上堂嘅節奏，將最多嘅知識教比學生。

家長們，需要為子女提供練習？已為下學年升中的小朋友籌算？想取得最新職場資訊、掌握職場英語、CV 範本、面試技巧？自己/朋友正在找兼職/實習？立即Follow尋補 LinkedIn，領取優惠及參考職位空缺詳情！

Follow後按下方按鈕，更可免費獲得2020-2021升中派位指南及小一至小三英文練習！ 立即取得升中派位指南立即取得免費英文練習

總結

總括來說，人無完美，要搵一個符合晒以上條件嘅補習老師的確唔容易，但係Tutor Circle 尋補有大量補習老師嘅真實好評，根據用戶評分幫你揀到一位最合你心意嘅補習老師，咁就唔洗上完第一堂先知個補習老師有咩致命嘅缺點啦！立即使用優惠碼登記延伸閱讀：私人補習價錢2020 怎樣才是適合的補習價錢？延伸閱讀：IELTS私人補習 – 考ielts你可以點準備？需唔需要私補？*此文章純屬 Blogger 個人分享，並不代表本網誌立場。

想追返學校進度？Tutor Circle尋補有超過35,000個三大導師，最快兩小時幫你搵一個優秀嘅上門導師！

想搵一個合適嘅私補老師

DSE讀得咁辛苦，想活用知識嚟賺下外快？

想搵好多好多私補學生