相信大家都試過考試之前,上網瘋狂摷數學公式,因為剩返個少少時間,做數又唔做得幾多,幫助都唔大,最希望都係隔硬塞幾條DSE數學公式,好似sin cos、special angle、四心特質入腦就算,咁樣先係最efficient既方法!冇錯,我都曾經係咁既人,但咁樣做既我,每次成績都係差,唔係話真係好差,但真係幾差,究竟點解呢??今日Tutor Circle 尋補就同大家揭開呢個真相!

1.理論公式唔止要識,仲要識應用

臨考先走黎溫formula黎背既你,係呀就係講緊你呀!通常都係準備唔夠架啦,就好似我以前咁,因為根本冇乜公式同概念真係話好熟,去到臨考前一日,實在係太空虛,做多幾條數又唔係,溫書又唔係,唯有上網搵幾條式抄落黎背左佢,等自己個心好過啲,咁樣就以為自己已經溫晒書,結果出到黎,點解背過個啲全部都冇考既??點解我咁黑仔又背錯野??點解份卷啲題目出得咁偏??

錯,其實全部都有出,你有溫既佢都有出,只係你背左條式既時候,你個腦剩係諗住搵到相似既野隔硬塞條式落去執分,根本就冇諗過點解要用同點樣用,姐係話成個概念你都未掌握到,又未應用過落啲題目到,就算題目隔離寫埋條式比你,你都唔識啦!

所以,平時有做數既,呢堆式根本就入晒你腦,真係訓著左都識做,冇必要臨考先黎摷。

DSE 數學 公式 - think
考試嘅時候唔好淨係諗住搵啲相似嘅野夾硬塞返條式入去

 

2.我夠知啦,聽日就考啦,咁究竟應該點做呀

可能係仲有唔夠廿四個鐘就考,呢個時候既你,只可以maximize溫書既efficiency,而我係呢方面都叫少有經驗,可以分享下。

首先,你將所有要溫既數學topic list晒出黎,每個topic都比一個分,十分滿分,你個科有幾熟,如果有8分以上既話,OK,你聽日就係靠呢啲攞分,相信自己,唔好掂佢地;

低過3分個啲topics,算啦,你冇可能係咁短時間就衝到上去架啦,將呢啲咁唔熟既topics既公式list晒出黎,背左佢,確保聽日自己遇上極度易食既呢課題目,例如sin cos tan、畢式定理pyth thm、體積、面積等,唔需要特登花時間落去;

重點黎啦,4至7分既topics,式既話相信你都ok熟既,而你就要集中係呢幾課啦!!

將大topics再細拆分做細topics,每個細topics用大約15至20分鐘去做題目,每個topics大概就用係1至1.5個鐘咁啦,咁你都有機會拉到幾課上去8分既位置,咁就可以確保你可以係最短既時間攞到最多分!
例子:將坐標(5分)拆成幾個細topics,針對每個細概念去做題目

  • 坐標系統
  • 兩點間的長度、中點及內分點
  • 直線斜率
  • 直線方程
  • 圖像轉換
DSE 數學 公式 - topic
逐個逐個topic咁去分析你究竟有幾熟,太差嘅就放棄。

 

3.唔係喎,我仲有好多時間準備,但我都係學極都唔識

DSE 數學 公式

其實數學要考得好,絕對唔係天資既分野,而係你學得有冇系統同方法。

舉個例,你要做Function函數個一科,但係你甩晒以前因式分解Factilization既部分,試問你又點識做呢?冇錯,就係你既大腦既數學資料庫入面,其實係有啲野甩漏,但有時你連自己唔知啲咩都唔知,呢個先最危險。

如果你問我解決方法,我同你講,「做多啲數啦」,你都唔耐煩啦,因為呢個道理係人都知,只不過你根本就唔知應該做邊啲數,做幾多數,唔通真係做晒成本書咩,我都要時間玩架!

咁點算呢,你可以先搵左老師,問下佢你應該點做,但老師面對咁多學生,佢根本就唔清楚你學習困難既地方係邊,邊個位卡著先再加針對性既操練先係你最想要既野。

 

私補專家

Tutor Circle既私補平台就幫到你,幫你挑選一個你最適合既導師,長期單對單進行輔導,了解你每個唔明既細節,導師就會針對你唔理解既地方進行密集式訓練,強化你每一個弱點,等你所有topics都有8分以上,而且時間靈活、地點自由,最重要就係佢會將佢親身應試既經驗,甚至價值觀都分享比你,建立一段亦師亦友既關係。

 

【延伸閱讀】DSE Maths Cut Off 知多少 有效温習大計!

【延伸閱讀】DSE Maths – 決戰75分鐘・不正確MC小技巧

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments