相信咁多位同學身邊,都有一個努力讀書,但係成績依然未如理想既朋友仔。今日同大家分享下我個人既讀書方法!

可能有人會話:「我用咗咁多時間溫習,用咗咁多時間操pastpaper,點解都無好大進步呢?」學習成效係源於不斷地聽、不斷地睇、不斷地思考組織。可能係用左唔適合你既讀書方法

Step 1.課前備課

好多人都有一種心態:「老師上堂都會教架啦,備課有咩用姐!」其實不然。備課睇起黎無咩用,實際上佢幫到你初步去理解呢一課書講咩,同埋有助於後續加強你對呢個課題既思考,從而讓你對課題既印象更深刻。

LogOn$100現金券大放送

有讀生物既同學仔都知道身體免疫系統既初次反應同埋再次反應。就好似你讀書一樣,第一次讀呢個課題,理解上一定係費時又費力,亦都未能夠完全理解。當你再一次係課堂上接觸呢個課題個陣,你對於課題既理解程度同埋記憶力將會有很大提升,而且仲要係面授課程下,有咩唔明都可以落堂親自向老師請教,效率倍增!

讀書方法
備課睇起嚟無咩用,實際上佢幫到你初步去理解呢一課書講咩(示意圖)

Step 2.筆記學習法

我身邊都有好多朋友,佢份筆記同一本書係無分別,成版都係字。同學仔可能係覺得成本書都講緊重點,先會有盲目抄筆記既情況。我個人認為,溫書係要喚醒你對於課題既理解同記憶,而唔係睇住一堆堆文字背左佢當溫左。

想記熟課本入面既概念同例子並唔難。只要同學們日以繼夜地複習課本內容,再化為自己既文字表達出來,係最好嘅記憶法,你可以同身邊既朋友一齊用呢個方法去溫習。

但如果要高效既溫習,我會建議同學們利用圖解既方法去溫習。筆記能力比較強既同學仔,可以試下用高階既腦圖法。筆記能力比較弱既同學仔,亦都可以從圖解法開始,用唔同既符號幫助自己去思考。例如用箭號表達事件順序,金字塔表示事件因果,或者用兩個圓形去表達A同B既相異之處。

呢種筆記既好處,就係刺激你大腦既思考,訓練你既思維。就好似人地問你問題,你都唔會望著個答案黎答佢,一定係大腦喚起你對於呢個課題既記憶,再加以組織才去回答問題。腦圖法就係可以用一個關鍵字,幫助你喚醒關於呢個課題既學習內容,再幫助你扣連概念之間既關係,訓練邏輯思維。例如你見到個人成長,你會唸起青少年,就會唸起青少年期,就會去唸青少年期對青少年心理方面同心理方面既影響,如此類推便有助同學扣連整個課題既每個內容同因果關係。

讀書方法
複習課本內容,再化為自己嘅文字表達出來,係最好嘅記憶法(示意圖)

Step 3.操卷

做past paper既目的,係去熟習DSE既出題題型,同埋應對題型既作答技巧,而唔係著重於知識概念。所以盡量唔好將關注點放係知識概念上,亦都唔好做完就算,如果唔係就好浪費!

小編我做完一份past paper之後,係會自己拿答案對,因為如果俾老師幫你對,你係唔會知道題目背後既套路同埋技巧。不論我的答案正確與否,我都會細心咁觀察每個標準答案既作答技巧,從而搵出最穩定拿分既文字表達格式和技巧,保證我可以最大程度地搶分。做多幾分,同學們就會發現出題既相似點,應對考試亦會得心應手,游刃有餘。

讀書方法
做past paper係去熟習DSE題型同埋作答技巧,盡量唔好將關注點放係知識概念上。(示意圖)

Step 4.衝刺階段

應考DSE既最後兩個月,小編我既溫書策略好簡單。每日溫2-3科,先略略溫習筆記,再利用腦圖,嘗試用老師教書既角度去陳述整個課題既概念和重點,最後就係不斷地上Instagram同埋Youtube平台作多方學習,坊間老師會用多年既past paper去講解應屆DSE試卷既出題趨勢同埋作答技巧,仲會講解應考當日既注意事項同埋為大家打氣。偷偷地講句,我臨考中文前一晚都有去睇yylam既直播,係考場入面大展拳腳!

即睇更多DSE筆記✨

讀書方法
衝刺階段最後就是不斷地上Instagram同埋Youtube平台作多方學習(示意圖)

每個人都有自己一套讀書心法,只要搵到適合自己既一套、間唔中同師生切磋學問、一定會有所進步。成為天才唔係一朝一夕既事,定個目標俾自己,努力奮鬥到底!

投稿讀者:心思心茄

你都有故事/溫書貼士/學校搞笑嘢想分享?💬  立即按圖投稿啦!
讀者投稿

延伸閱讀:

【溫習方法】神奇的温習魔法藥:3招學習自定時間表及抄筆記

【任坐cafe】香港坐得耐cafe/自修室推介大全 港九新界都有!

【DSE溫習】仲扮溫書浪費時間?DSE考生必知的正確溫習方法!

【DSE放榜2021】試行SMS發放成績 放榜時間、覆核成績安排一覽

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Facebook15k
Instagram41k
LINKEDIN
Youtube
SOCIALICON

留言