大學JUPAS揀科

【大學JUPAS揀科】理想定現實?

  • Post author:
  • Post category:升學出路
  • Post published:2017-12-29
  • Post last modified:2023-06-28
studentconversion
tutor registration

相信各位中六嘅同學已經遞左咁多位嘅JUPAS排位,唔知大家又擺左咩program上A1呢?排JUPAS真係一個好艱難嘅決定,可以話係鬥智鬥勇,又要有足夠嘅策略,又要有返咁上下嘅進取。好似講到JUPAS係一場博奕咁,但其實背後嘅考量或多或少都不外乎能力,興趣,前途之間嘅抉擇
呢科夠唔夠分架?呢科我又好似無咩興趣?大學讀完呢科又可以出黎做咩架?不過而家都仲未放榜,分呢,就盡力啦!後兩個問題就幾時都要諗嘅。興趣同前途都可以兼顧到,當然係最好啦,但如果兩樣野之間要有所取捨又應該點算呢?


大學JUPAS選科 - direction
JUPAS選科對中學生黎講就好似不斷面臨人生嘅分岔路。

1. 興趣主導

首先,你要問下自己你係咪真係好有興趣先,其實就算有興趣都唔一定要係大學讀嗰科,仲有好多其它唔同嘅方法去學到嗰科,例如可以入左大學其它program再take minor或者double major。
好有興趣講嘅唔係話中學讀嗰科覺得好開心咁簡單,而係要自發去認識嗰一科嘅知識,睇下大學依科究竟要讀啲咩,同咩嗰啲係咩黎,最實際嘅方法就係拎本大學教科書睇下,睇下自己有無興趣繼續學落去。
如果你都仲好有興趣,咁本書你又睇唔睇得明呢,會唔會覺得好難呢?
如果覺得好難嘅話,你有無信心可以克服佢呢?始終大學一個sem(學期)得3個月,係3個月入面要讀一啲比DSE更難嘅野,如果自學能力唔夠,咁你大學依四年應該會讀得幾辛苦。
如果你覺得好輕鬆,咁就恭喜閣下啦,你應該義無反顧咁揀依科;但如果唔係嘅話都唔緊要嘅,始終有好多方法實現理想。

2. 科目介紹

第一個要介紹嘅科目就係被譽為係一大水泡科嘅Science啦。往往Science都比人當係水泡,令到唔少想讀Science但又考得好高分嘅同學,棄Science揀其它科,但其實一樣有收得好高分,專門比一啲有志做科研嘅同學仔嘅課程,如果咁多位同學自問有興趣,又有能力,又想讀Science,不妨聽下我嘅介紹啦。
有興趣大學揀科揀Science?但唔太清楚Science嘅出路係點?



Science出路全面睇

1. 港大本科生科研培育計畫(YSS)

大學JUPAS選科 - Science
不少同學對科學好有興趣,更想將來加入科研行業。


依個program係直接收錄報讀左港大理學院大類收生(JS6901),而best five 又有31分或以上嘅同學仔,無須通過任何面試。入到依個計畫嘅同學可以保證做到一系列嘅科研活動,例如係暑假參加科研實習,又可以得到海外科研嘅機會,而且學生有二至四萬嘅入學獎學金,對於每個立志做科學家嘅同學真係相當吸引。
想了解更多關於港大嘅野?


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。
港大文化知多少

2. 中大精研課程

大學JUPAS選科 - CU精研
中大暫時只有數學精研同理論物理精研係JUPAS有獨立收生。


中大暫時只係得兩個精研課程有獨立收生,分別係數學精研,同理論物理精研。至於其它科就暫時未係Jupas開辦獨立收生。但數學精研同物理精研一樣提供左唔少嘅機會比同學去外國交流,而成功入讀依兩個課程嘅同學都會得到一筆唔錯嘅獎學金。
中大書院各有其特色同文化?入到去要點揀?

中大書院大不同

3. 科大國際科研課程


同港大一樣,科大一樣都有保證嘅科研計畫,同港大唔同嘅係,同學必須要通過面試先可以進入依個課程,所以各位同學如果想係JUPAS直接入到國際科研,就一定擺國際科研係Band A喇。而獎學金方面,科大會根據同學有幾多科5**,黎比獎學金。
科大名氣確實吸引,但入到去係咪淨係讀書冇生活?

科大究竟係咪和尚寺?
大學JUPAS選科 - 獎學金
不少大學都有其獎學金政策,根據DSE成績而定。

總結

希望以上嘅資料可以幫到咁多位同學揀科啦,咁當然要入讀依啲program,首先都係要考好dse,因為上述嘅課程,收生分數都好高架!JUPAS揀科最重要要平衡興趣同出路,另外亦要量力而為,考慮自己能力所及,作出最適合自己嘅選擇。
 
延伸閱讀:
中六畢業出路 指南針
剩係成績好都入唔到大學!JUPAS揀科策略你要知

 
 
此文章純屬 Blogger 個人分享,並不代表本網誌立場。
 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
大學JUPAS揀科
大學JUPAS揀科

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言