DSE英文

【DSE英文】English考試摘星!4大秘技話你知!

  • Post author:
  • Post category:DSE攻略
  • Post published:2018-11-04
  • Post last modified:2023-06-30
studentconversion
tutor registration

早前兩個台灣嘅Youtuber阿滴和滴妹係Youtube上挑戰試做香港DSE英文閱讀卷,身為英文系嘅學士同碩士,佢地做完Session A已經話難,連Session B都冇做!佢地無接受過DSE英文Paper 1既training,可能唔太熟習題型,但係經歷過密集訓練既你地,面對呢份英文reading卷又會唔會無從入手呢?
 


台灣Youtubers挑戰英文DSE卷一:


 
英文,一個我地已經學左起碼十二年嘅語言,點解仲會係DSE英文卷入面失手,摘唔到星?其實,係人都知DSE呢個遊戲係好睇你既答題技巧,即使你英文語文水平極高,唔識答題技巧都係會令你係英文卷入面摘唔到星!以下,就等我分享一啲秘技比你地啦!
延伸閱讀:【DSE English】英文考試精讀筆記大全:答題技巧、題目分析!
 

DSE英文1. Reading

DSE英文
好多人認為DSE英文都係考驗運氣嘅一科,要攞5**就睇好唔好彩。(網上圖片)


首先Reading分左Session A同埋Session B,當中同學可以選答B1或者B2。Part B1係簡單版,最高分只可達第四級(Level 4);而B2係困難版,最高分可達5**。唔同程度既同學可按照自己既目標而選答,如果你既目標係5或以上,而能力可達既話,你應該揀B2,爭取更高既分數!
反之,如果你既目標係4或以下,你應該揀B1,因為比較容易去爭取高分。唔洗受平時學校規定你地做邊份卷,就勉強自己揀邊份卷!
想知道點樣善用past paper操卷一?past paper有限唔想浪費?



想善用 英文閱讀past paper

正如我上面所講,DSE英文唔係單純考你語文水平,所以我地只要知道問題要求我地答咩答案,係文章中揾得返出黎,答啱問題就可以啦!文章段落雖然長,望落好恐怖,但其實偏口語化,容易閱讀,我地只要揾到題目既重點字詞,就會好容易揾得返個答案!
閱讀文章時,我會用唔同既標記記低唔同既重點,例如圈住名稱類(人名、地名、書名…),間低唔識既字,框住時間、方向等等,以便自己可以係後面更快咁揾返啲答案出黎!


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。
DSE英文
閱讀卷唔洗識睇曬成篇文就做是常識吧🤓!(網上圖片)


延伸閱讀:【HKDSE English Paper 1】英文閱讀時間控制與題型須知

 

DSE英文2. Writing

之後到了Writing部分,只要你善用Study leave既時間,願意去背一啲框架、轉接詞、或者係常用既字詞,係Writing呢份卷,要攞到4以上,其實真係唔難!以議論文為例,Introduction → point of views → counter argument → conclusion 呢啲框架係人都知啦,背下啲Intro,Bridging同埋 Conclusion,係考個時轉返啲keywords落去就用得啦!

當然我都唔係叫你去背幾百幾千個字,但係最基本既,一啲連接詞都可以變下掛?唔好成日都係First, secondly, thirdly… 仲有好多字可以用,例如:In addition, Furthermore, Notwithstanding …
再者,善用句式。係DSE英文卷二既Marking Scheme入面,Accurate Sentence Structure係喺Language入面嘅其中一個Criteria。即係話你用到越多句式,你篇文亦會相對高分!
所以,由今日開始,唔好再全篇文都係I go to school by bus啦! 試下用多啲唔同既句式,最基本既可以係Passive voice, Inverted Sentence, Reported Speech等嘅complex structure
背定句式增值詞庫點揀好?背晒到時用晒落佢就得?

想破解 英文Writing背文迷思
DSE英文
英文卷二唔係一味寫得多就好,有可能寫多錯多。(網上圖片)


延伸閱讀:【HKDSE English Paper 2】英文卷二作文技巧 愈多字愈好?
 

DSE英文3. Listening

再到Listening,老實講英文Listening嘅Part A就真係改變唔到啲咩,啲字識串就識串,唔識就唔識,但如果你識串但唔記得左轉form或者tenses,咁就真係好唔抵喇。所以趕還趕,比你finalise個30秒真係一定要double check下有冇寫錯或者寫漏野!Part B嘅話,如果睇文唔係睇得快嘅人,開頭個5分鐘係一定睇唔切架喇!首先你地要sort好data file嘅邊版紙係for邊個task既,之後先係有幾快睇幾快!建議可以善用唔同顏色既highlighter去提醒返自己邊個point 係邊個task!

英文聆聽小錦囊

延伸閱讀:【HKDSE English Paper 3】英文卷三聆聽技巧
 

DSE英文4. Speaking

最後嘅一份卷,Speaking!英文卷四好講求自己臨場發揮同埋對手嘅發揮,正因為好睇即時反應,你平時可以練習多啲,習慣同同學或者家人,用英文係日常生活中對話,習慣用英文交談,提升語感,咁就唔驚考個陣太緊張講唔到野啦!
另外,考個陣唔好淨係掛住抄對方講左啲咩,因為係你專注抄個陣,你就會miss左好多respond嘅好時機!
記住Speaking考嘅係你嘅Interaction skills,並唔係你有幾多point同present到幾多出黎,你點樣去回應對手先係考嘅重點!所以放鬆心情,當入去同其他考生傾下計,大家發表下意見就得。同意就同意,唔同意就指出自己觀點,係冇對與錯之分架。千祈唔好淨係掛住望住自己張紙,要同人地有eye contact!
 
聽唔明考官問咩其實可唔可以改題目?

改題目會唔會扣我分?
DSE 英文
Speaking考嘅係你嘅Interaction skills,你點樣去回應對手先係考嘅重點!(網上圖片)


延伸閱讀:【DSE English paper 4】滿分考生話你知點可以絕地反擊!一卷救全科!
 

總結

DSE四科主科裡面,英文都可以算係最重要嘅一科,只要英文考得好,基本係穩入大學。但係英文底子好並唔代表就可以係DSE入面考到好成績,DSE英文更加重視考核你嘅答題技巧,所以只要掌握好考核的方式,針對性地操練各卷,熟練各卷嘅問法,就能更易係英文呢科摘星星喇!


延伸閱讀:
【DSE中文】中文綜合筆記、答題技巧大全、考試精讀!
【英文生字】DSE English Vocab List|英文科閱讀理解字詞表

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
DSE英文
DSE英文

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言