香港人,翻工嘅又好,翻學嘅又好,想偷多啲時間去旅行放鬆下,都難過登天。到有時間去,又因為貪方便,就去啲最多人去嘅地方,行程直接上網copy and paste就搞掂。但少年,咁樣你咪錯過好多好光景囉 :(所以今個系列嘅Blog,就同你地講下一啲你地成日想去嘅大國家,裡面嘅小風光啦!尋補Tutor Circle同大家遊歷世界!

我諗香港人普遍對紐西蘭無咩特别認識,可能就係成日地震,有火山咁。但其實紐西蘭係分為北島同南島,北島就係較繁忙,首都Auckland 奧克蘭嘅所在地,南島就係較為郊野嘅地方。

小編對呢個分開兩截嘅紐西蘭,我會形容佢係仙境。但究竟又係點仙法?

羊多過人嘅國家

為左加強小編嘅解說,小編去左google一下實質嘅數字,第一個 result係:根據2015年數據顯示,紐西蘭現有2960萬隻,平均下來每人擁有7隻。 第二個 result係:紐西蘭人口:440萬。噢賣吉,雖然小編唔能夠肯定數字係岩,但係係個到嘅旅程絕對認證左呢堆數字。因為當小編去到南島,大部分揸車經過嘅路,附近都係高山/草原/牧場範圍,見到嘅唔係人,係草泥馬,唔係草泥馬就係馬;唔係馬,就係牛同羊LOL所以當地係非常多嘅手信,都係羊毛、羊油脂、馬油嘅製品,例如係外套、hand cream、mask等等。


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

話說小編係個到成日見到啲羊可以係好斜嘅山坡上面,一路行一路食草,覺得好神奇,點解可以anti-gravity LOL先知道原來山羊個蹄係勁堅硬,只要係踩到個平面,都可以支撐到佢地自身嘅重量,令佢地行好斜嘅地方都無問題。以後大家睇到呢個情況就唔洗O晒嘴咁 XD

christchurch 景點

驚為天人嘅自然景觀

非常接近南極,本來就好似一個如世隔絕嘅國家。加上本來人口偏少,相對對環境會造成嘅破壞都較細,所以不論係動植物,所以佢地非常努力去做保育。就連遊客可以帶入境嘅物品,都諸多限制,怕嘅就係你會污染環境 :$有賴於佢地嘅保育工作,小編去嘅時候可以親眼見到好多,平時係instagram先會睇到嘅自然景觀。包括:渺無人煙嘅90里長灘 (係啊,係講個沙灘90公里咁長lol)、去到會見到勁大煙又好臭硫黃味嘅火山公園、

同埋好多肥海狗係到碌地嘅海岸,仲有隨便係個小鎮崖邊泊低架車影出去嘅樹林,都係靚到,我係到打幾多粒字都形容唔到sosad個種景觀,係會令你有一種好impressed,原來呢個世界真係咁大,原來香港真係咁細,原來自己真係咁微小嘅感覺。

christchurch 景點christchurch 景點

天災降臨嘅地方?

紐西蘭係個好美好嘅地方,當地人好盡力去保護每一吋土地,但天災唔係人嘅控制範圍,傷害左紐西蘭好多。紐西蘭位處於環太平洋地震帶之上,地震係當地人屢見不鮮嘅事,小震個時,可能你感覺唔到,但大地震嘅時候,造成嘅破壞,就唔係一朝一夕修復得到。係2011年,當地南島嘅基督城,就發生左一次6.3級大地震,震央仲要係正市中心。當時確認145人死亡、200人失蹤,亦都倒塌左大量嘅建築物,當日更被稱為:紐西蘭歷史上最黑暗嘅一日。

由於持續有小型嘅地震,直到小編2015年再到訪基督城,盡力去修補嘅道路,依然係裂開;努力去清除嘅倒塌物,仍然係路邊。亦都係因為咁,當地人非常努力去保護每一個物種,希望將佢地得天獨厚嘅壯麗景觀,繼續留俾下一代。希望大家去玩嘅同時,都可以留意下當地嘅歷史,點樣促成佢地今日嘅社會文化同生活方式,咁樣先係深度遊嘛:)

christchurch 景點

 

紐西蘭有多野都值得花時間去留意架,例如係原住民文化、宗教文化歷史 (小編去過一個由紙管做嘅教堂 【Cardboard Cathedral】 😮 )

而小編留意到,都幾搞笑嘅係當地人成日唔著鞋出街XD就算係翻學個時都見到有人赤腳去上堂so funnyyyyyy :D大家如果有機會去玩,睇下你又夠唔夠膽一齊唔著鞋出街啦:D!

 

【延伸閱讀】那些年,你或許顧著遊歷而沒為意的系列  – 韓國篇

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

我係係城大讀梗Media and Communication (MC)嘅一粒小薯仔。經歷過HKDSE,亦都短暫地經歷過係紐西蘭嘅留學生活。都希望可以同大家分享下一路以黎嘅心路歷程,同埋一啲係城大嘅趣事 😀

留言