香港人,翻工嘅又好,翻學嘅又好,想偷多啲時間去旅行放鬆下,都難過登天。到有時間去,又因為貪方便,就去啲最多人去嘅地方,行程直接上網copy and paste就搞掂。但少年,咁樣你咪錯過好多好光景囉 :(所以今個系列嘅Blog,尋補Tutor Circle就同你地講下一啲你地成日想去嘅大國家,裡面嘅小風光啦!

講起澳洲,大家可能諗起嘅係悉尼,但小編之前逗留嘅,就係Brisbane 布里斯本 同埋 Gold Coast 黃金海岸!大家去澳洲玩都只會係呢兩個地方逗留1-2日,但小編為左去探朋友,就留左兩個星期有多!咁不如睇下佢地有咩咁特別啦:D

無伏嘅Brunch

小編嘅朋友係個邊讀書,成日都會係屋企附近搵啲好東西食。所以佢都帶左小編食左好多間Brisbane 嘅brunch,而小編好肯定咁大家講,每間都絕不會令你中伏!!!不論係咖啡定食物,Brisbane嘅cafe都真係我心目中排名第一啊!簡單嘅牛油果多士,落足一個牛油果,椰奶布甸配綠茶穀物粒,所有野真係自家製,通通都令小編久久不能忘懷啊嗚嗚。。。

而且佢地嘅服務態度,都絕對係十分滿分有十一分。見你係外地人,佢地會好主動同你講解下cafe係主打啲咩,食食下都會行過黎問你覺得好唔好食,有無咩建議俾佢地改進咁。而且香港嘅cafe成日限時間食完就趕你走,個到就唔會啦,你攞埋部電腦出黎chur assignment都無人嘈你。回想起個時唔洗趕行程,悠悠閒閒坐係到同朋友仔談心,仲有美啡佳餚,真係人生一大樂事 😀


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

昆士蘭 自由 行 昆士蘭 自由 行

沿海城市嘅靚景

話說Brisbane都係一個沿海城市,所以市中心其中一個特點就係,你去到邊,附近都總有一個碼頭,順利成章地,船都變成當地人嘅主要交通工具之一。當中有一班船叫做City Hooper,係可以免費乘搭嘅,俾不論係遊客定當地人,都可以欣賞下入夜之後,五光十色嘅城市景色。而去到黃金海岸,話到明係海岸,當然市中心亦係挨住個沙灘啦 :)個到每日都好多人去滑浪,所以都有個稱號係「滑浪天堂」(Surfing Paradise) ,本來陽光普照都已經好靚,到準備入夜,個到嘅橙紅色日落,每日睇都唔會厭 :’)加上個到特登放置左好多長櫈,俾你訓住係到chill,諗起都覺得開心 :$

昆士蘭 自由行 昆士蘭 自由行 1

自然生態誇啦啦

Brisbane同Gold Coast因為係沿海城市,所以係十分非常之多海鷗,多到係小編覺得係海鷗多過人,可能有去過海邊食野人都有經歷過,呢班海鷗兵團係完全唔怕人,仲會衝黎搶你嘅野食sosad尤記得小編嘅朋友當日食梗一個麵包,只係咁岩放低左係枱面,打算飲啖咖啡,但下一秒,個包已經俾海鷗啄左落地下,同其他海鷗朋友分享。。。當刻我地都呆左,只能夠望住個好好食嘅麵包,俾人。。。唔係。。。係俾雀。。。慢慢消滅左 >_<相信呢件事,就真係唔係你去悉尼會經歷到。。。。。。昆士蘭 自由行 3

 

其實Brisbane係一個好悠閒嘅地方,小編有親戚移民左過去,都話一開頭都會想翻黎香港,但住耐左,當地人嘅work life balance同live in the moment嘅生活態度,都慢慢令佢地呢種感覺消失左。當地仲有好多極限運動可以玩,包括sky dive、高空滑繩索,小編都好想有機會去多次玩晒佢,完成人生嘅bucket list!

 

【延伸閱讀】那些年,你或許顧著遊歷而沒為意的系列  – 韓國篇

【延伸閱讀】那些年,你或許顧著遊歷而沒為意的系列  – 紐西蘭篇

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

我係係城大讀梗Media and Communication (MC)嘅一粒小薯仔。經歷過HKDSE,亦都短暫地經歷過係紐西蘭嘅留學生活。都希望可以同大家分享下一路以黎嘅心路歷程,同埋一啲係城大嘅趣事 😀

留言