香港人,翻工嘅又好,翻學嘅又好,想偷多啲時間去旅行放鬆下,都難過登天。到有時間去,又因為貪方便,就去啲最多人去嘅地方,行程直接上網copy and paste就搞掂。但少年,咁樣你咪錯過好多好光景囉,所以今個系列嘅Blog,Tutor Circle尋補就同你地講下一啲你地成日想去嘅大國家,裡面嘅小風光啦!

我諗大家對英國嘅印象,唔多唔少都限於倫敦,覺得物價好貴、生活指數好高。但Brighton可以話係另一回事。Brighton 布萊頓鎮係英國一個沿海小鎮,亦係唔少遊客同當地人嘅度假勝地。不過大多數人都只會花一至兩日留係Brighton。小編就有幸係個到逗留左一個月,見識到英國呢個大都會嘅另一面  🙂尋補Tutor Circle帶你探索英國小鎮。

悠閒至極嘅生活步伐

係香港,我地行步路都快過人,而的確小編係倫敦個時都唔慢得幾多。但去到Brighton,真係無得你唔入鄉隨俗,跟住佢一齊慢LOL放假就遊水、曬太陽、放狗,去餐廳嘅,就坐足大半日同朋友傾計,係屋企嘅,就訓飽之後買餸煮飯睇Netflix :D一到星期五,大家就TGIF go get wasted!  先唔講佢地平時翻放工都好準時,就連翻工嘅時候都可以好慢 @@

就以小編每日要由大學宿舍出去市中心要坐嘅一班巴士為例,車程大概係15-20分鐘。個架巴士途中必經另一間學院,就係呢個站,巴士司機可以隨便落車休息,食翻枝煙,飲翻杯咖啡咁。小編第一次搭個時以為有咩事,坐多左先知佢地習慣就係咁,最耐個次,小編就同一班同學,係巴士到,陪個司機一齊休息左半個鐘 :D如果呢件事發生係香港,相信個司機會俾人鬧到體無完膚,投訴仲會上晒連登同A1頭條 sosad


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

brighton 遊記

究竟買野貴唔貴 ?!

唔少人都話,英國買野好貴啊,呢個印象係小編去英國之前都有,但去到Brighton完全打破我呢個印象。作為一個窮丁丁,當然係各方面都係想慳就慳啦,所以就成日同hall mate煮飯仔〜估你唔到係Brighton超市買好多野仲平過香港買 :o最記得係咩呢:一隻全雞 hkd 20!一盒白蘑菇 hkd 9!一枝 1L嘅橙汁 hkd 10!然後睇戲學生飛係hkd 75!食一杯好食過哈根達斯嘅Gelato係 hkd 35!一個質素好過simplylife嘅Brunch係 hkd 75!

真係抵到爛啊嗚嗚。但佢地坐巴士就貴了,一程單程幾乎hkd 35 :o)! 不過只要買長期月票,或者有當地嘅八達通又會平好多啦:D(P.S. 去到倫敦所有野價錢都一個double咁滯sosad)

brighton 遊記

 

草地 周圍都係草地

如果大家有去過Brighton玩,係奔波趕景點嘅時候,又有無留意到Brighton非常多草地?話說小編嘅宿舍背面就有座山,一大座草地,行到上去就任人碌任人訓,小編一個星期都有三四日會行上去睇日落。小至係大學附近,有啲住宅嘅門口嘅巴士站,側邊細過一個床位嘅範圍,都會係草地,周不時仲見到有人會坐係到睇書,你以為佢等車?唔係,佢真係係屋企行出黎坐係到曬住太陽睇書lol唔只架,係市中心中間都突然有個公園,唔係香港個種有滑梯嘅公園,係講梗成個都係草地 😀 然後每日不論咩時間行過,都見到啲人係到野餐同訓教,真係好想去問佢地:點解你地唔洗翻工翻學???

brighton 遊記         brighton 遊記

其實Brighton仲有好多好多值得去欣賞,包括當地人都好熱情、風景好靚、去歐洲又好方便XD (下列俾啲相你睇)

小編一路講一路都好想翻去chill 😀 希望大家都有機會去欣賞下Brighton嘅風光啦 🙂

 

【延伸閱讀】那些年,你或許顧著遊歷而沒為意的系列  – 澳洲篇

【延伸閱讀】那些年,你或許顧著遊歷而沒為意的系列  – 韓國篇

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

我係係城大讀梗Media and Communication (MC)嘅一粒小薯仔。經歷過HKDSE,亦都短暫地經歷過係紐西蘭嘅留學生活。都希望可以同大家分享下一路以黎嘅心路歷程,同埋一啲係城大嘅趣事 😀

留言