Hall Roommate

【Hall Roommate】住宿舍90%會遇上既4種世界級rm!你又見過未?

studentconversion
tutor registration

新sem開咗幾個禮拜,有位住宿舍既同學應該都已經住hall住咗三四個星期啦。唔知道瞓係你身邊既Hall Roommate同你又啱唔啱key呢?我就問咗下我既朋友關於佢地既「好」Roommate,佢地就話Roommate有啲習慣好難頂,有啲聽完我都嚇親。唔知道你地又有無遇上過地獄Roommate呢?想住Hall既你,第一次要同一個唔識既人一齊住,有冇諗過會遇到啲點樣既Roommate?!快啲一齊睇下,準備定啲心理準備啦!Tutor Circle 尋補今日講住hall


1. 勁勁勁勁勁勁污糟既Hall Roommate

首先,有啲rm唔知道係太懶,定生活愛好,特別污糟。衫又唔洗,涼又唔沖,成枱都係鼻涕紙巾既我都見過,一啲都唔講衛生架。記得我曾經聽聞過有個女神係張床底到擺咗舊pizza,唔知係咪係怕擺係pantry會比人偷。最後佢好似無咗依回事,完全無理到塊pizza,然後……成間房都係蟲蟲。雖然唔知道最後佢點執手尾,但係係到奉勸各位住hall既宿生,食物都係唔好放係床底啦~唔講衛生既唔止既,我仲聽過朋友話佢未見過rm刷牙,所以佢rm個口好臭,臭到成間房聞落似爛咗既香蕉,搞到落咗堂都唔想翻佢間房。我記得我當時比咗一個建議比我個位朋友,就係買空氣清新劑。翻到間房狂噴,可能都仲可以救到你既鼻既……

2. 帶女朋友/男朋友翻黎既Hall Roommate

單身狗
單身狗:帶女唔緊要,但個條唔係我條女啊嘛!(圖片來源


第二,知唔知一入宿,第一句要問你rm咩?唔係你year幾,而係你出咗pool未啊。如果你個rm係出咗pool既,咁就真係恭喜你啦。 你rm會免費再送多個rm比你!因為好大機會,佢會帶佢既男/女朋友翻黎搞搞震,最後就緊係住埋係到,極大可能訓埋你張床。作為佢地兩個既「第三者」,你日日夜夜聽住佢地依依泣泣,bb前bb後咁叫黎叫去,都咪話唔煩。多咗位異性,你換件衫又要走去廁所,又要時刻保持自己既形象,周身唔自在。聽講呢,有人就因為rm帶女朋友翻黎訓,連自己將床都霸埋。結果,佢最後要翻自己屋企訓,仲免費幫人比埋住hall錢啊~



3. 極夜訓但極嘈既Hall Roommate

hello roommate: 我想訓覺
哈囉roommate: 我想訓覺(圖片來源)


第三,人人都夜訓,唔通人人都想夜訓咩?佢夜訓你都夜訓,咁都唔係大問題。但如果佢好嘈既話,咁就慘啦~想像下,凌晨三點鐘,仲發緊美夢既你,突然聽到…… 「喂,中路中路!你搞咩啊?依家先黎lag機!」你起身望一望佢。佢就一面唔好意思咁講,「sorry啊~ 大聲咗添。」仲有,「啊~ 嘈醒你啊?」係床上既你只有一句可以講:「係啊 唔緊要啦❤」不過,通常極夜訓既rm都會有一個共同既弱點。就係……訓到皇朝八晏。八半堂既又住緊hall既你,記得將個鬧鐘較到有幾大聲得幾大聲。明明已經醒咗,唔比鬧鐘嘈十五分鐘都唔好關鬧鐘,好好咁提醒一下你rm:你今日係要上八半架。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

4. 地震級鼻鼾聲既Hall Roommate

有鼻鼾既Rm簡直係一個災難!
有鼻鼾既Rm簡直係一個災難!(圖片來源)


最後,鼻鼾聲依家野,人人都有。不過有啲人既鼻鼾聲就係特別大,真係講話地震級完全無誇張到。不正式調查顯示,有好多住hall既宿生就係因為rm既鼻鼾聲搞到訓唔著,第二日上堂都無嗮精神。但係大鼻鼾聲佢都唔想架。我地作為親切既rm,可以做既事就只有……早啲訓同比佢更早訓著。記得我曾經都有一個rm,鼻鼾聲係比人大幾倍。我都算係幾易醒既人,所以好多時候都rm都會令到我失眠。最後我買咗個耳塞,都勉強訓得著既。不過唔知點解,到最後rm唔係hall到訓既時候,反而有啲掛住佢既鼻鼾聲,可能習慣咗有佢鼻鼾聲既陪伴掛。
 

總結

總括而言,雖然有啲rm比較惡頂,但係嘗試去包容對方都係一件幾需要學習既事黎既~始終你以前一直都係同你最熟悉既人一齊住,離開自己既comfort zone,學習一下點同人同住、溝通。我覺得,都係對你自己既成長黎講好重要。(畢竟,你既未來老公/老婆都可能有啲唔好既習慣架嘛呵呵呵)
 
備註:

  1. Sem: semester 既簡稱
  2. Rm: roommate 既簡稱
  3. Hall/宿:宿舍既簡稱
  4. 出pool:拍拖
  5. 八半:八點半,通指八點半既堂
  6. Pantry: 宿生既common area,可以煮食既地方

 
此文章純屬 Blogger 個人分享,並不代表本網誌立場。

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
Hall Roommate
Hall Roommate

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言