萬聖節除咗係小朋友搵糖食之外，對於成人而言，更加係一個狂歡嘅節日。唔少商場、蒲點都會有萬聖節嘅裝飾，更加有人會化番個恐怖look，嚇到其他人魂不附體。但如果講起自己DIY製作南瓜燈（又稱傑克燈）嘅話，好多人只會知係用marker畫個design然後雕刻。今次Tutor Circle尋補就同大家分享更多自制南瓜燈既小技巧啦！

唔講都唔知原來南瓜好有益架！仲係超級食物之一tim！

一齊睇下8大超級食物

 

1.需要材料

  1. 精挑細選嘅南瓜
  2. 刀
  3. 燈
  4. 鋪地用嘅紙或布
  5. 精美設計
  6. marker (除左畫design，仲可以係切割南瓜有困難果陣用筆頭將該部分推出）
  7. 放南瓜內部同碎的大碗
南瓜燈製作 - 工欲善其事，必先利其器
工欲善其事，必先利其器。要整南瓜燈當然要準備好晒材料貼工具先啦。

2.選購南瓜: 外表、大小、質感

係選擇南瓜果陣，首先係睇下佢外表有無被切過/撞過嘅痕跡，然後到大小，好多人中意用大嘅南瓜，但係咁樣係會令工作量增加（例如雕刻時間），所以呢部分要自行斟酌。最後係質感，好嘅南瓜係要堅挺之餘，再帶番少少彈性，咁樣製作出黎嘅南瓜燈就會更加好睇。

南瓜燈製作 - Pumpkin
一個靚既南瓜，除左可以用佢既肉黎整野食，仲可以整一個形狀靚既傑克燈。

南瓜營養豐富，被視為係超級食物嘅一種，唔少素食人士嘅選擇。

點解要食素？

 

3.選刀—鋸齒麵包刀

多數人會係屋企就地取材，拎平時廚房用嘅小廚刀黎雕南瓜。但其實用鋸齒麵包刀切係會更容易控制，例如刀鋒轉向嘅時候會比平時用嘅單鋒直邊刀更易調整方向。一把好合適嘅刀配上好刀法，就能為南瓜燈生色不少，大家DIY嘅時侯不妨注意一下。

南瓜燈製作 - 麵包刀
有一把合適既刀具，可以令南瓜燈整得更加精細。

4.放燈嘅注意事項

南瓜燈製作 - 蠟燭
整南瓜燈最小心一定係要睇住光源，一個唔小心分分鐘會釀成大火。

雖然用電子燈係會更為安全，但係用蠟燭或者係茶燈係會更加有feel。但係要留意，如果你選用傳統嘅燈火嘅話，你嘅南瓜燈底部就要十分平坦，如果唔係嘅話你嘅萬聖節就會應節到變成恐怖嘅火災！同埋最好放係啲不易觸碰嘅地方，以免發生意外，安全第一呀！

 

【延伸閱讀】中秋節食咩好？應節食品又有咩含意？

【延伸閱讀】重陽節 – 重陽節除咗登高，仲要做乜？

 

此文章純屬 Blogger 個人分享，並不代表本網誌立場。

 

想追返學校進度？Tutor Circle尋補有超過10,000個三大導師，即日幫你搵一個合適既導師！

想搵 一個合適既私補老師

 

DSE讀得咁辛苦，想活用知識黎賺下外快？

想搵 好多好多私補學生

緊貼尋補 Blog、Facebook 同 Instagram，尋補？Tutor Circle！

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

Comments