而家啲野愈黎愈貴,中午食個lunch又幾廿蚊,放學想話同friend玩多陣又要用錢,錢錢錢樣樣都係錢,但奈可我只係一個學生,讀書又冇收入嘅,係平衡社交生活同儲錢之間,究竟要點做???尋補Tutor Circle尋補今日講儲錢。

 

1. 記住「積少成多」嘅道理

咁簡單嘅道理相信大家都明白,積少成多 聚沙成塔係人都識講,但到真係決定儲錢個一刻,又有幾多個人可以實行到呢?我身邊有好多朋友儲唔到錢,都有同一個原因,就係覺得「慳得個少少不如用埋佢」,呢個正正就係問題嘅癥結,一大舊錢都係靠少少,少少咁累積返來。邊有咁容易可以一步登天丫!

儲錢方法學生
係咁洗,邊有錢剩。

 

2. 開源節流

有時間嘅話去做part-time儲錢梗係易得多啦,但係始終係學生要專注學業,邊有咁多時間可以去做part-time,開源唔到唯有節流,最簡單的方法不過於限制自己每日洗幾多錢,根據返以往嘅經驗,計算出每日必須的開支大約係幾多,然後俾一個限制自己,最後將每一日用剩嘅錢儲起佢,慢慢就可以積少成多啦!

儲錢方法學生
開源節流,係永遠不敗既慳錢方法。

 

3. 用錢甖儲錢

承上concept,將每一日用剩嘅錢放入錢甖裏面,就可以避免唔小心洗埋佢嘅情況出現,如果只係將用剩嘅錢擺喺包裏面,慢慢越儲越多嘅時候,就會有越大嘅誘惑,驅使你一次過洗晒佢!如果有隻豬仔(你鍾意嘅話可以係其他)幫你睇住啲錢咁就穩陣好多啦!

用錢甖儲錢
用錢甖儲錢

4. 記錄低支出與收入

當你制定咗一個限制比自己嘅時候,除咗真係實行之外,記錄低每一日嘅支出同埋收入,亦都係有效控制支出嘅方法,每一日都mark低用咗幾多錢,咁就更加清晰咁可以睇到,究竟係邊度出現問題,同埋係邊個位可以更進一步咁樣節流,所以清楚咁樣記錄低真係好重要架!

儲錢方法學生
記底d數,今日洗多左,聽日咪洗少d咯。

 

想學更多儲錢理財的知識?了解邊張學生信用卡最著數?邊間券商買港股及美股最抵?GoBear幫到你﹗GoBear係一個客觀中立的理財產品比較平台,免費幫你睥實全港信用卡、保險產品及理財產品,一揀就啱,選擇最多,為各位學生哥慳錢慳時間﹗

 

5. 持之以恆嘅決心

其實儲錢同減肥一樣,都係終身事業嚟架,我哋要培養儲錢嘅習慣,養成良好的理財觀念,

千祈唔好做做下就放棄,咁樣嘅話下次的起心肝再開始就更加難架啦,洗錢容易搵錢難,你一日洗咗嘅錢,可能要用番幾倍嘅時間先儲得返嚟,因此大家千祈唔好放棄呀!!

儲錢方法學生
大家一齊努力儲錢啦!

 

[延伸閱讀]【大專生貸款】大專生想借錢有咩選擇?

[延伸閱讀]【補習兼職】補習當兼職,搵唔搵到食? 

[延伸閱讀]時間管理技巧- 時間管理點樣好? 4大秘訣冇難度!

總結

睇到呢度唔知大家對儲錢有冇加深咗認識呢?希望大家都可以養成一個良好嘅儲錢習慣積殼防飢,亦都可以買到自己想要嘅嘢啦~

 

此文章純屬 Blogger 個人分享,並不代表本網誌立場。

 

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagramLinkedIn,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp sample 補習網 數學補習
大學五件事 綜合格式

 

Comments