每年嘅重陽節係農曆九月初九。各位香港既學生除左多左一日假放,又知唔知,重陽節其實有好多花名埋佢背後既習俗呢?「敬老節」、「踏秋節」、「登高節」、「重九節」、「茱萸節」、「菊花節」⋯⋯呢啲全部都係重陽節嘅花名。咁香港既重陽節除咗要登高行山之外,仲有啲咩傳統習俗呢?Tutor Circle尋補 就帶大家睇下香港重陽節特色!

 

1. 拜山

重陽節 香港 - 登山
唔少人會避免係重陽節正日登高,因為人流太多。

首先,呢個可能好多人屋企都會做嘅–拜祭祖先,中國有「除清㿻重」四大祭祖節日,分別係除夕、清明節盂蘭節(即係鬼節)同埋重陽節,所以話重陽節去拜山真係習俗嚟架,並唔係拜山登高順便一次過。正因為重陽節係農曆9月9日,取其諧音「九九」就變「久久」,因此就賦予咗敬老之意畀重陽節,所以孝順嘅各位記住重陽去探下故人喇。

 

2. 飲菊花酒

重陽節 香港 - 菊花酒
係秋令時,古人會以菊花酒飲酒作樂。

第二,重陽節又叫菊花節,秋天係菊花開得最靚嘅季節,係秋天嘅時令,所以重陽節更加係一家大細齊齊賞菊嘅好日子,而且古人相信菊花酒有袪災祈福嘅功效,會將佢稱之為「吉祥酒」,唔少古代嘅詩人都有寫過飲菊花酒架,《西京雜記》中就記載,「菊花舒時,並采莖葉,雜黍為釀之,,至來年九月九日始熟,就飲焉,故謂之菊花酒。」未試過嘅朋友仔就趁今個重陽節試下喇!

 

 

3. 食重陽糕、花糕

新年食年糕、蘿蔔糕,唔講都唔知原來重陽節都有糕食架,重陽節食嘅叫重陽糕,又叫做花糕、菊糕或者五色糕,重陽糕主要係由糯米同紅棗整成嘅,通常都會喺糕面用配料砌成菊花嘅樣,有啲人講究啲嘅仲會整九層黎應節tim架!重陽糕食落去軟糯香甜,而且製作方法亦都好簡單,整黎做小食或者飯後甜品都唔錯架~

重陽節 香港 - 重陽糕
專門為重陽節而生既糕點,相信好多香港人都未食過。

想知道其他節日有咩特特色食品,又點少得新年既賀年食品呀?即刻睇下有啲咩食,食到個個新年都肥肥白白啦!

想知多啲 新年賀年食品

 

4. 放風箏

重陽節 香港 - 放風箏
放風箏除左休悠玩樂外,估唔到仲有一掃烏氣既意思。

可能你會覺得放風箏係童年嘅玩意,但重陽要放風箏呢件事,已經係由古代流傳落嚟架喇!,重陽放風箏有兩個講法。有人話放風箏係「放晦氣」,放得愈遠就愈好,有啲人仲會直情燒斷條線,令啲唔好嘅嘢飛走,但又有另一個講法話,放風箏係「放福氣」,風箏飛得愈好就代表愈好福,仲要千祈唔好整斷條線,但而家去放風箏都係為求大家開心下架姐,意義嘅嘢都係信則有不信則無。

 

 

5. 戴茱萸

重陽節 香港 - 茱萸
戴茱萸據說對身體好,因此受到唔少人喜愛。

最後,茱萸,讀音係「朱余」是一種常綠帶香嘅植物,具備殺蟲消毒、逐寒祛風嘅功效,至於點解重陽要戴茱萸喺頭上,係關登高呢樣嘅事嘅。事關有一日有一位高人為人指點迷津,叫村民將茱萸插喺髮髻到或者綁喺手臂上面,然後走到山上面就可以避過場瘟疫,結果佢地照做 過完重陽之後落番村,就見到啲豬啊雞啊牛啊死晒,於是佢哋自此就相信茱萸有消災解難嘅功用喇,戴茱萸亦都就咁成為咗重陽嘅習俗之一。

總結

唔知大家睇完有冇認識多咗重陽節呢?而家嘅重陽節通常都係家庭樂嘅日子,希望大家都同屋企人一齊過番個開開心心嘅重陽節!

 

【延伸閱讀】【復活節由來】復活蛋復活兔同耶穌有咩關係?仲有復活鳥?

【延伸閱讀】端午食粽|端午節食粽食到滯仲有咩好食?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

Comments