好多人都輕視左學生學習概覽(SLP)嘅重要性,佢地好啲嘅話會亂作;衰啲嘅話就直程上網抄Sample。事實上,要入競爭大嘅科嘅話,都好大機會會睇SLP架。所以我建議都係有備無患,唔好因為一時偷懶抄sample而因小失大,畢竟,讀到自己想讀果科都算係人生里程碑黎。而家就等Tutor Circle 尋補 話你知SLP嘅重要性,同埋點先可以寫出一份吸引人眼球嘅SLP啦!

1. SLP係翻身嘅最後機會

首先,好多人都忽略左SLP嘅重要性,大家都抱住個念頭,就係「幾百個人排jupas入去,點會個個睇啊。」當然,如果你DSE分數高過哂mean同UQ嘅話,咁就多數直入唔洗睇SLP啦,但如果你係同十幾個考生搶最尾個幾個位嘅話呢,呢啲考生就係靠SLP定生死。另外,一個學科要俾interview嘅時候,就會有篩選過程,而篩選方式就係睇你嘅SLP。一個最後嘅翻身機會,如果你份SLP雜亂無章,或者係一份網上抄嘅sample,你最後嘅機會就會係你手中流走……

SLP sample - tie breaker
神科重視SLP,考慮兩個同分嘅考生嘅時候亦會睇SLP。

2. 一份突出嘅SLP點寫好?

2.1 SLP係用自身經歷帶出自己能力

與其好空泛咁吹水,不如用自己真實經歷帶出自己有咩過人之處。一份SLP。重點就係原創性,抄sample邊有可能有獨特性?用自己參加過嘅活動,略略帶出活動中遇到嘅困難,再提到你如何用自己的辦法解決難題。每一個學科,篩選學生嘅時候,更看重學生個人自身,而SLP就係發揮緊展示你個人嘅作用。你問如果無野好寫呢?筆者我就會想反問番你係咪真係好想讀呢科,如果真係想嘅話,點會冇野寫呢?

SLP sample - experience
應避免空泛地形容自己性格,SLP應以自身經歷凸顯個人特色。

 

2.2 SLP應將自己與心儀科目掛鉤

其次,SLP嘅重頭戲就係提到自己嘅過人之處如何同心儀學科掛鉤。SLP嘅內容並唔係你諗起咩想講就寫晒落去,而係要緊扣返自己想入嘅科目。例如你想入社工系嘅話,SLP裡面就要諗下有咩個人經驗係突顯到你係有愛心、識照顧人、識開解人等等;想報law嘅明日大狀就可以諗下自己有無追求公義,又或者係令到人地覺得你係能言善辯等嘅經歷可以寫落SLP啦。SLP就係要就住自己想讀嘅科目要求嘅特質,凸顯自己係果方面嘅個性,咁黎份SLP先會有參考價值㗎~

SLP sample - personality
除左interview,SLP就係另一個讓校方了解你嘅渠道。

 

2.3 瞭解各大學對SLP嘅要求

唔同大學對SLP嘅重視程度同要求都係唔同嘅,作為想入大學嘅考生,你係有責任上網check下心儀大學/科系對SLP有咩要求。大部分嘅院校都係話SLP只作參考或輔助材料,只係同分嘅時候作為tie breaker,並且對撰寫嘅語言並冇所謂,但三大則是除左DSE分數以外,亦會睇埋SLP,綜合一齊黎決定收生。

SLP sample - 八大
同學要就自己心儀嘅大學嘅要求黎寫好SLP。

 

總結

SLP絕對唔係可以求其上網搵sample,同學們唔好輕視佢啊,可能你入唔入到想讀嘅學校/學科就睇佢架喇!網上嘅sample只供參考,大家千祈唔好照抄,比多少少心機去認真寫下。大家要把握好每一次機會,機會都係留俾有準備嘅人。係未有結果之前,SLP就係你唯一可以加分嘅機會。認真寫好SLP,發揮SLP原本應有嘅作用,等你係芸芸考生中可以脫穎而出。

 

【延伸閱讀】善用青春- 論大學選科

【延伸閱讀】大學資訊日 之謎?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想找 一名合適的家教老師

 

DSE讀得咁辛苦,想活用知識黎賺下外快?

想找 很多家教學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

 

分享俾你嘅朋友喇!

Comments

comments