新一個大學學年又開始喇,「大學五件事」又開始被瘋狂討論。依家讀書住hall拍拖上莊parttime,成日都被稱為「大學五件事」,究竟係咪要做齊晒五件事先叫做讀過U?你又做齊晒未?Freshmen bb又覺得呢五件事係咪真係必須做呢?而家就同 Tutor Circle 尋補 一齊探究「大學五件事」啦。

1. 讀書

以前成日都會聽到人話「大學唔洗讀書架」,尤其係屋企人一定係咁樣同你講,到升左U先發現全部都係呃人!大學要讀嘅野比起中學嘅難好多,而且更加要求自律性同埋自學能力要夠強。咁辛苦升到上黎,有得讀,你唔係唔讀下話?係享受U life嘅同時,千祈唔好比自己既GPA跌落谷底,唔係最後只會自己悔不當初!

想努力chur project結果一個唔好彩遇上free rider比佢拖累左點算好?

處決Free rider嘅4個方法

大學五件事 - 讀書
大學學嘅野比中學難好多,讀書嘅壓力絕對唔比中學DSE少。

 

2. 住hall

相信唔少人都同我一樣,細細個就幻想大個搬出去住,逃離屋企嘅魔爪。大學住hall絕對係一個千載難逢,萬中無一既絕好機會!第一次學習獨立,咩都要自己搞掂晒,而且可以擁有自己少少嘅空間,仲可以同朋友一齊住,絕對係一次過滿足晒你兒時既願望。雖然作為一個新鮮人可能會對宿舍生活有dd陌生,但係大學hall文化就係會好似一個大家庭咁,將你帶入各種活動同埋新嘅生活習慣,真係不妨一試!

想知道住hall有咩要帶有咩要準備?除左日用品之外仲要有啲咩?

物理及心理上嘅住hall準備

大學五件事 - 住hall
住hall可以學習獨立,同時擁有返一個屬於自己嘅個人空間。

 

3. 拍拖

中學生不應談戀愛」呢八個字大家都應該唔會陌生,升到上U仲唔係我「施展天生的本領」嘅時候!如果遇到岩嘅人,戀愛又的確可以助你擺脫校園枯燥嘅生活,但係如果為拍而拍,寧濫勿缺的話,就真係自己三思喇!到時受到傷害/傷害到人又distract咗自己,咁就真係得不償失。

點解個個都出晒pool淨返我一個仲係單身狗?

仍然是單身狗的原因

大學五件事 - 拍拖
好多同學憧憬大學出pool,希望你都有一段浪漫嘅邂逅。

 

4. 上莊

各位freshmen bb知唔知其實咩係上莊呢?上莊即係擔任學會內閣嘅幹事,個個都上莊,唔通個個都想上莊咩?上莊係一份責任,一份熱誠,亦都係對一個soc有歸屬感嘅象徵。如果想試下承擔責任同與人合作,上莊確係一個可以學到好多野嘅機會,但當然要擺嘅時間同心機亦都唔少,所以自己真係要衡量清楚諗真先好決定!

苦惱緊上唔上莊好?又或者唔知究竟上莊為左乜?

上莊了我可以得到什麼?

大學五件事 - 上莊
有啲同學會選擇上莊,換黎一個難得嘅大學回憶。

 

5. Part time

升到上U,開支真係會多咗好多架!呢個又話唱K Re U,果邊又話食開sem飯,而且冇校服著又要買衫褲鞋襪返學,一年落黎都用多唔少錢架!因此好多大學生都會去做part time,賺番少少幫補下咁,而最常見既就係幫人補習喇!如果時間安排到嘅話,出去汲取下工作經驗兼且搵下外快都唔錯。

第一次搵補習唔知要做咩好?事前要做咩準備?

首次私補全攻略

大學五件事 - parttime
升上大學之後支出多左,好多同學都會做part time幫補一下。

 

總結

以上呢五件事大家又做晒未呢?其實大學生活點過由你話事,冇話一定要做啲咩嘅~最緊要有善用時間同機會,做到自己想做嘅事,唔好浪費左呢四年嘅光陰就得啦!

 

【延伸閱讀】Ocamp 你又知多少?Ocamp 究竟有咩玩??

【延伸閱讀】開sem – 每年sem one你總會見到嘅5種人

 

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想找 一名合適的家教老師

 

DSE讀得咁辛苦,想活用知識黎賺下外快?

想找 很多家教學生

緊貼尋補 BlogFacebook  Instagram WeChat,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp sample 補習網 數學補習
大學五件事 綜合格式