有人話無樣無身材唔緊要,最緊要識得扮 「女神」化化妝美圖秀秀下,男朋友就有得揀;就等於你有錢就有得揀補習導師一樣道理。Tutor Circle尋補今日就睇下到底揀補習老師(私補老師)難啲,定係揀男朋友難啲,從私人補習同上門補習角度出發,探討人生抉選兩難,體會補習學生同女朋友背後辛酸。

 

 

不過,有得揀同啱唔啱你又係另一回事

所以話,學生同導師最終不歡而散,同揀啱男朋友最終又俾人飛一樣咁慘慘豬…

補習導師選擇同男朋友選擇點比?話說小女子都大學畢業咗好幾年,有一份唔錯嘅工作,但另一方面都係一位補習導師。

私補老師

老實講,補習唔為錢就假嘅,但當見到自己所教嘅學生有進步時個下滿足感絕對係無價。不知不覺間,做補習老師斷斷續續都混左好幾年,依家家長學生對補習導師評價真係好壞參半,為趕Project衝Deadline而射波嘅補習導師確有不少,但真心為學生成績着緊嘅導師也大有人在無奈地,有時啲學生因為一次唔好嘅經驗而對我哋所有補習導師一概而論,實屬無辜!身為導師一分子,要揀岩一位學生真係同揀男朋友一樣咁難。同樣地,相信學生揀補習導師都一樣。

私補老師 - 嚇死人咩

不過,唔去試又點會揀得岩,唔通失過戀一次就唔再拍拖咩!因此,我建議學生揀啲可以試堂嘅導師,就算上完第一堂後覺得唔岩,都有得換嘛!

「今時今時,有得揀先係老闆!」

之不過,導師同學生也需要時間磨合,可能上多幾堂就有火花!其實,早在10年前補習風氣就已經極之盛行。現時家長學生都識得有要求地去揀導師,同時補習導師一樣會揀學生去教。以前,係大學YEAR 1時有幫小學生補過,之後發現都唔係幾岩自己。唔知係咪依家大多數家庭嘅情況都咁:

  1. 仔女唔想讀書成績差
  2. 家長為咗提升佢哋成績就迫佢哋補習
  3. 個學生唔係真心想補
  4. 小朋友每次補習上堂就等落堂
  5. 每次上堂都惡性循環呢個Cycle

私補老師

首先,自己嘅教法唔會以鬧嘅方式去教。即使家長要求惡,但鬧學生佢哋就會真心鐘意讀書?其次,我係黎教書,唔係嚟教仔。以往一接到呢啲補習,通常補唔到幾堂自己就會自動QUIT。次次上堂學生學得辛苦,自己又教得辛苦。

情境:

 對住無反應嘅學生(明顯唔專心聽)

自己上堂耐不時會問下學生明唔明

當時學生答「明白」

落堂前再問多一次就話唔識

真係唔知學生係敷衍我定個腦記唔到嘢..與其大家辛苦,不如早早了結大家關係,免得浪費時間。

私 補

當自己補得越來越多,開始慢慢累積經驗後,都接咗唔少中學生補習,同過小學生上堂先知道對比有幾大。雖然當中不乏係父母要求去補,但好多中學生去搵補習都有半自願性質,落咗堂都會WhatsApp問問題。總結以上,發現呢啲師生關係先會令教學相輔相成,學生上堂都拎到佢想要嘅嘢。其實,要學得好拎到好成績係需要真心學習先得,而唔係依賴導師幫你做功課做練習,勉強無幸福,俾人迫讀書更加弄巧反拙。反思依家嘅影子教育制度同埋有咁緊張自己小朋友成績嘅家長,真係同“有雞先定有蛋先”嘅哲理一樣難。

 

補習導師

 

【延伸閱讀】私補注意 – 尋找私補時絕對要留意的事項

【延伸閱讀】私人補習價錢2018 – 點先搵到合適嘅私補價錢?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想找 一名合適的家教老師

 

DSE讀得咁辛苦,想活用知識黎賺下外快?

想找 很多家教學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments